رحلة موفقة ان شاء الله
وطبعا جولة في بوابة فرنسا بتلقين اشياء كثيرة
وفي باريس بتستمتعين كثير
الجو بارد مع مطر وشور سنو ....يعني لازم تشتون عدل والمظلة مهمة جدا وقفاز لليد
ولاتحاتين عادي الطلعة تكون حلوة وممتعة...
انصحك تختارين فندق الورويك اذا اتم اثنين بس طبعا الورويك مشي دقيقة وانتم في الشانز
وخدمته حلوة وغرفة نظيفة وواسعة .... او جربي الان اغلب الاسعار نازلة في الفنادق
عندك بعد اختيار ثاني اذا انتم عايلة شقق كلاريج الفندقية في الشانز بالضبط جمب فندق الماريوت
اذا معكم اطفال انصحك تسكنين يومين في ديزني او اذا كلكم كبار يوم يكفي
يعني تطلعون الصبح وترجعون بالليل...وتخلون الفندق يرتب لكم حجز التذاكر ....ويوفر سيارة استاجروها بالسائق
افضل عشان يكون تحت امركم ...والمسافة قريبة اقل من 45 دقيقية تقريبا
اهم شيء ماترحون ديزني في الويمند تكون زحمة وعفسة
طبعا انصحك تركبين الباص المفتوح وهو يطلع من عند مبنى السفارة القطرية في الشانز
ويلف بك على اهم معالم باريس ويرجعك نفس المكان لاتشيلين هم يعني
طبعا برج ايفل اللوفر وقوس النصر وساحة الكونكورد واللاديفانس وقصر فرساي
ورحلة نهرية في نهر سين ....من المعالم الحلوة في باريس
طبعا الشوبنج في باريس حلو وروعة ....وشارع الافينيو مونتال عجيب كل الماركات فية
طبعا اغلب الماركات موجود بالخليج عندنا وبدون تاكس والسعر اقل يكون...
لكن شانيل تكون اختياراته اكثر ومش كلها نفسها في الخليج
هيرمس روعة انصحك تمرينة هو جمب فندق الفوكيت عند قهوة الفوكيت
لازم تجربين قهوة الفوكيت ....كوفي فينس والحلويات كلها روعة
طبعا لادورية غني عن التعريف في الشانز ويجنن المكرون خطير وعجيب ....
عندك بعد بيتزا بينو حلوة ...
انصحك تشترين من محل غيرلان في الشانز عند فندق الماريوت العطورات الخاصة بالمحل فقط اللي ماتوصل لا حق اوروبا
ولا الخليج عطورات روعة وغريبة ....
واي استفسار ابشري به ..

السلام عليكم ختيه نور سيري في قسم الاستفسارات عن فرنسا وبتشوفين الاخت بنت الصقور منزله موضوع كامل عن فنادق باريس انا انصحج تسكنين في الشانز لنه الشارع شغال وحلو انا سكنت في نابليون حلو ومرتب وبعد تقدرين تسكنين في غاليري لافايت شارع فيه سوق ومراكز وبالنسبه لطقس انا هليه من يومين رادين من باريس يقولون برد موت بس ما شافو في الشانز سنو وما انصحج تسكنين في ديزني لاند سيري الصبح وردي العصر انا بحاول احط صفحه بنت الصقور شوفي يمكن تفتح عندج ورحله سعيده فديتج https://artravelers.com/p/re/61831

qatar2007
ما شاءالله عليج مبين عليج خبيره كفيتي ووفيتي ما توقعت حد يرد عليه بها السرعه يزاج الله خير الصراحه انا اول مره اروح باريس ونحن شخصين بس يمكن احجز في الوارويك بشوف سعره واش رايج بالهيلتون والماريوت شو الافضل من كل النواحي حتى السعر ؟؟؟
وين بعد تنصحيني اروح في باريس
يا ريت اذا تقدرين ترتبيلي جدول لاربع ايام باريس لانه بعدين بروح للدول الاوروبيه المجاوره بس بغيت مثلا
اليوم الاول :وين؟؟؟؟
الثاني:
الثالث:
الرابع:
واذا تعرفين محلات لملابس للاطفال يا ريت ادليني عليه
انتظر ردج

فديت امايه
مشكوره الغاليه كنت بسكن في الديزني غيرت رايي يمكن اسكن يوم واحد والا بس اروح وارجع مشكورة على النصيحه وبالنسبه لفندق نابليون كم نجمه

مادري اذا بتلحقين على التنزيلات أو لا لأنها تنتهي في 7 فبراير .. عموما مافي شي يسوى الاشياء الزينه راحت بسرعه .. و بالنسبه للأماكن اللي فيها طبيعه ، اختي ما اعتقد بتقدرين تتمشين في هالجو البارد ... و على فكره ديزني لا تروحيلها في الويكند لأنها طوابير و بيضيع عليج كل اليوم ...

بنت الصقور
التنزلات خلصت والاشياء الزينه راحت :112:
وما بقدر اتمشى من البرد ولا بروح اشوف الطبيعه
وديزني لاند زحمه وانا وسفرتي بتكون في الويك اند بس اربع ايام في باريس

ما اعرف شو اقولج الصراحه حبطيني شو الفايده اروح عيل شكلي بيلس في الفندق واشوف الثلوج والامطار من الدرشه والا احسن لي اتم في بيتي واشوف تقرير الاعضاء شو رايكم

بالعكس شوفي صوري في باريس الحين .. تجنن في الشتاء و احسن تخلص التنزيلات عشان تشوفين الكولكشن اليديد .. و ديزني حلاتها بالزحمه

نور بوظبي
هلا
نور بشري ضبط امر الفندق
وهذا التقرير يعجبني كثير ياليت تشوفينة
https://artravelers.com/p/re/52529
وهذا الموضوع في اشياء كثيرة
https://artravelers.com/p/re/243165
بخصوص ملابس الاطفال ....طبعا عندك كل ماركات الصغار في الجالرية لافايت
بس اذا بتروحين سويسرا وبلجيكا انصحك تاخذين من عندهم
عشان بتلقين ماركات ماهي موجودة بالخليج للصغار
وعلى فكرة هيرمس الشانز عندهم شغلات بسيطة للاطفال كشخة
وموفقة خير ....

qatar2007 بارك الله فيج والله يحقق كل اللي في بالج مشكو وره ما قصرتي الغاليه