تروح وترجع بالسلامة
بالنسبه للفلوس حول جنيهات تكفيك ليومين ثلاثه ... والباقي حولهم دولارات ومن مصر تصرفهم جنيهات ...،
الصرافات مالية البلد
أهم شي تكون منظم رحلتك وعارف وين بتروح ؟

الله يخلي لنا المنتدى صراحة ريحني كثير ..

توصل بالسلامه اخوي
وانا ان شاء الله يوم الاربعاء بعد راح اطير للقاهره من دبي دار الحي
وطمناا ياخوي لما توصل بالسلامه عن الاجواء في شرم لاني معزم ع الطلعه بعد كم يوم من وصولنا
دمت بالف بخير
ومازيد على كلام اختي كوكو شانيل بخصوص الصرف
تحياتي للجميع

بندر الخالد
القاهره أبرد من شرم الشيخ ... توني جاية من شرم قبل اسبوع بالضبط
بس بشكل عام شرم روعه وتختلف اختلاف كلي عن القاهره
وعلى فكره عندهم بعض الاسواق اسعارهم بالدولار .. لان اكثر السياح هناك أجانب .

ماقصرتوا يا اخوان يعطيكم العافية ..

اذا انت سعودي ما يحتاج تحول دولار لان الريال مطلوب للعمره ..
و ليش ما حطيت اسكندريه في خطتك تراها مره حلوه .. و جوها براد ..
شرم حر ..

فوفه يسلمو ع المرور .. والله كان ودي اروح اسكندرية بس ظروف الحجوزات جت بسرعة عشان كذا راحت علي ..

من قراند روتانا بشرم الشيخ اتواصل معكم .. شرم روعة وأجواءها حلوة صحيح حر بس في الليل روعة غير شكل
والفندق مررة حلو وكيوت طبعا هو مو على خليج نعمة بس في باصات تطلع تقريبا ثلاث مرات باليوم لخليج نعمة من الفندق
عشر دقايق وأنت في خليج نعمة اجواء اوربية حقيقة بس يعيبها الغلاء الفاحش ولا كل شي تمام ..
اذا احد في شرم الشيخ وبقراند روتانا نتشرف واي خدمة تحت امركم .. يومين وطالع القاهرة ان شاء الله ..