بالنسبة للادوات المدرسية اقترح عليك زيارة مكتبة دبي للتوزيع يوجد لها فرع في شارع الشيخ زايد .
و للعبايات انصحك بزيارات مركز ابوهيل في منطقة ابوهيل.
تحياتي

صباح الخير اختي
وان شاء الله تنورينا في دبي
احسن المكتبات في دبي :
مكتبة دبي للتوزيع في شارع الشيخ زايد وهي الاكبر
مكتبة المجرودي في شارع جميرا بجانب مسجد جميرا الكبير (ذو المنارتين)
مكتبة الكاظم في مركز صغير اسمه مركز جميرا وهو بجانب المجرودي
لايف ستايل في مول الامارات,,, عندهم ادوات مدرسيه روعه كنت دوم اشتري من عندهم كراسات ومقالم وقلامه وشنط
هاللي في بالي الحين من المكتبات...
اما بخصوص العبايات
عندج مثل ماقال اخوي الكاف قبلي مركز ابوهيل وهو مركز مخصص للعبايات وبأسعار معقوله بس احسن المحلات اللي فيه
محل جاكار في الدور الاول ومحل سويتي في الدور الثاني ,,,هاذيلا صدق شغلهم مضبوط وبعد فيه محلات ثانيه بس يبغي لج تدورين عدل
وعندج في مول الامارات حناين وحبايب والاختيار الاول
وفي مركز تايم سكوير بجانب مول الامارات محل اسمه (غواني)
بس الحين ازمة العبايات للعيد والله يعينج