om rayan
04-04-2022 - 12:05 am
السلام عليكم ورحمه الله وربكاته
اولا انا عضوه جديده بالمنتدى واكيد ماتعرفوني بس انا اعرفكم
واتابع تقاريركم وهذا الي خلاني اتشجع و اشارك واطلبكم بالاسم وكلي امل انكم تساعدوني
انا اول مرة افكر اني اروح امركيا وبالذات( نيويورك ) ودي اروح لها وابي اعرف
اذا بقضي فيها 20 يوم من 5/4/2008 الي 25/4/2008 وشلون يكون الجو في هذي الفترة ؟
هل المده مناسبه ولا وايد
و شنو اقرب ولايات لنيويورك يعني وين اقدر اروح بالسياره ؟ ويكون المكان قريب يعني مو بعديد ؟؟
وانا سمعت انه فنادقها غاليه صحيح ؟ واي فندق تنصحوني اقعد فيه ؟
والاماكن السياحيه الي
واهم شي والسبب الاساسي للسفره السوق شلونه
وصحيح ارخص من اوربا ولا بطق طريج على الفاضي
اردي اسالتي وايد وطمعانه بكرمكم
ارجو انكم تساعدوني لانه احس انه مابقى شي
شكرا
اسمحيلي اجاوب على استفسارك بعد ما انقله الى القسم الرئيسي بالوابة لانك كتبتي استفسارك
في بوابة دزني والمدن الترفيهية الاخرى !!
والاعضاء كلهم ما يقصرون ... ولا الاخت القديرة بنت الصقور ولا الاخ الغالي ناصر كويتي
السلام عليكم ورحمه الله وربكاته
وعليكم السلام ورحمة الله وبركاته
اولا انا عضوه جديده بالمنتدى واكيد ماتعرفوني بس انا اعرفكم
واتابع تقاريركم وهذا الي خلاني اتشجع و اشارك واطلبكم بالاسم وكلي امل انكم تساعدوني
اهلا بك اختي الكريمة معنا ونتشرف باستقبال جميع استفساراتك وملاحظاتك ومشاركاتك !!
انا اول مرة افكر اني اروح امركيا وبالذات( نيويورك ) ودي اروح لها وابي اعرف
اذا بقضي فيها 20 يوم من 5/4/2008 الي 25/4/2008 وشلون يكون الجو في هذي الفترة ؟
متوسط درجة الحرارة في هذا الوقت بتكون العظمى 21 والصغرى 12 درجة مئوية
هل المده مناسبه ولا وايد
بالنسبة لنيويورك كثير عليها بالذات انها غالية ... والولايات كثير
الوقت المناسب لها من 4 ايام الى اسبوع بالكثير !!
و شنو اقرب ولايات لنيويورك يعني وين اقدر اروح بالسياره ؟ ويكون المكان قريب يعني مو بعديد ؟؟
بن سلفينيا و شلالات نيافرا ..... واورلاندو ساعتين ونصف بالطيارة رائعة للسياحة
وانا سمعت انه فنادقها غاليه صحيح ؟ واي فندق تنصحوني اقعد فيه ؟
الفنادق بالفعل غالية واذا تبغي فندق 4 نجوم واعلى تبدا الاسعار من 250$ وانتي طالعة !!
وتختلف على حسب بعدها وقربها من مناهتن والتايم سكوير !!
فيه فنادق كثير في منهاتن والتايم سكوير اختاري منها الافضل لكم ... ارشح لكم شركتي هيلتون وماريوت
لديها عروض جميلة واشتركوا في عضويتهم افضل بتلاقوا تخفيضات هائلة وعروض للمشتركين معاهم !!
وانا سكنت في فندق جميل ارشحه لكي اسمه MELA HOTEL
نصف دقيقة مشي وانتوا في منتصف الميدان !!
والاماكن السياحيه الي
بالنسبة للاماكن السياحية كثيرة ... منها التنقل بالباص المكشوف لرؤية جميع المعالم السياحية
وفيه شركات كثير والعالم هناك تعرض عليكم في الشوارع كثير !!
اطول عمارة في نيو يورك امبير او ستيت ، 0 Point موقع الانفجار لمبنيي التجارة العالمية ، تمثال الحرية ،
رحلات عشا وغدا في البحر ، الشارع اللاتيني واسواقه ، شارع فيفث افينيو واسواقه الراقيه والمشهورة
وهناك العديد من التقارير للاعضاء منهم تقريري الجزء الاول والثاني خاص بنيويورك الرابط في اخر التوقيع !!
واهم شي والسبب الاساسي للسفره السوق شلونه
جميل وراقي وغالي لحد ما ... والاسماء ذكرتها اعلاه ومنها ماكيز المشهور ايضاَ
وصحيح ارخص من اوربا ولا بطق طريج على الفاضي
اتوقع نيويورك شبيهة لحد ما بالدول الاوروبية في الاسعار ...
هناك ولايات ارخص منها بكثير مثل فلوريدا
اردي اسالتي وايد وطمعانه بكرمكم
ارجو انكم تساعدوني لانه احس انه مابقى شي
شكرا
اتمنى اني افدتك في استفساراتك واسف لاني جاوبت بالنيابة عن بنت الصقور وناصر كويتي !!
وحاضر لجميع الاستفسارات وبالتوفيق !!