hamad alfardan
06-08-2022 - 06:40 pm
انا ماشي الى تايلاند في 9 جولاي على الخطوط القطرية وحاجز في بانكوك في فندق خمس نجوم وبجلس في بانكوك خمس ايام وبعدين بروح بوكيت 5 ايام وحاجز في منتجع في الباتونق وبجلس خمس ايام وبعدين برجع بانكوك يومين وبعدين راجع لديرتي .وش احسن اقص التذاكر الداخلية بين بوكيت وبانكوك من الديرة ولا اقصها لمن اوصل هناك من المطار لاني عينت سعرها في الديرة ب 250 دولار
انا راصد 2000 دولار من غير التذاكر والفنادق هل 2000 دولار كافية لمدة 13 يوم مع اني اول مرة اسافر وانا انسان اسهر واحب اهيص واتسوق شوي مو كثير ارجو من الله ثم منكم افادتي تكفون وبسرعة
الخيار الاول لك
القطريه تذهب الى بوكت تقدر تعدل تذكرتك
والسعر زياده بسيط راح يكون مايتعدى 100 دولار
ثانيا احجز من النت عبر طيران اسيا
في ابعد الحدود لن تتعدى التذكره 150 دولار
ميزانيه زينه بس حاول لا تصرف كثير اول الايام الى ان تعرف نظام الدوله وكم صرفك فيها
يعني لو تصرف يوميا 150 دولار انت في السليم
ودائما خلك بطاقه الفيزا او الماستر احتياط مع يعرف شنو الظروف الي راح تحدث
والله يوفقك ان شاءالله