أسامة العتيبي
هذا من رد مشرفنا أسامة
في موضوع :- https://artravelers.com/p/re/461640
وأنصحك فيه
لأن خبراء يعني ناس راحوا ويعلمونك عن اي شيء يفيدك كمسافر ويكون كمشكلة الى أي شخص جديد
انت رايح في اشهر الشتاء خذ قفازات وكاب وشال وجاكيت واغراض البرد كاملة< الشباب ماراح يقصرون معك >سفرة سعيدة وتوصل بالسلامة
تحياتي لك

يقول المثل حدد موقفك حدد .. وانا اقول حدد موقعك حدد
الى اين الوجهه بنيوزيلند .. الى الجزيره الشماليه ام الجنوبيه
الثنيتين عندهم شتاء العكس عندنا .. الجنوبيه صقيع .. والشماليه اقل بروده بكثير بالمعني انك تطلع فوق تنزل الحراره وهكذا
واشتر لك شتوي والله الله بالشرابات حقين الشياب ترى تخش وياها جو هع

المشكلة يارجال وين احصل ملابس شتويه هالوقت هذا ! كل العالم تحس بموجه من الحر الجاف المليء بالسموم وين نبي نحصل جاكيت نبي اشياء حلوة اللي يعرف شي كذا بالرياض حلو يبيع اشياء جديدة لايبخل علينا

والله يا اخي انا كلتها على اولها مثل مايقولون واصعب منك لدرجه اني دورت ملابس قبل شهرين من سفرتي
وحست الديره حوس علما اني من الشرقيه درت بالخبر والاحسا .. ماتلقى اللي ببالك وانا اخوك وان لقيت تلقالك شي ماحد شراه من كثر شينه
الشي اللي انا اتبعته اني حاولت ادور ملابس قد ما اقدر .. شريت من زارا ومحل اسمه نيويورك عندنا بالاحسا ..
ومع هذا ماشريت كل شي ولا حصلت خصوصا الجكيتات .. ومن الوهقه اللي طحت فيها خذت من اخوي وماقصر صراحه ارسل لي الدعم ولا كنت راح اشتري من هناك
الله يساعدك

بالنسبة للغربية
في جدة المولات كثيره وتلاقي في كل سوق قسم كذا جاكيتات وقفازات وكذا
اما مكة مركز العائلة العزيزية الجنوبية عندهم جاكيتات وملابس شتوية روعه
وسوق السلام وباوارث
الفروات بس ماتخارج في نيوزلندا
دائما الاقيهم عند الخطوط السريعه جاعد وفرو

حدي هذا وانت بالشرقية ماحصلت بس يمكن جووكم مرة حار ورطوبة
لكن الرياض ان شاء الله في شي بس مادورت والرياض أكبر قلق أدور والا اروح لسوق علشان كذا الواحد وده ينحر محلات او مول معين يخلص شغله ويمشي ماحب القلق والزحمة ههه
سوبر مافهمت قصدك بالنسبة للفروات ؟
قصدك ماتنفع يعني؟ بصراحة انا والله من هواي البر والمكاشيت خ الود ودي اتلحف بفروتي بنيوزيلندا مع الخضار الله الله احساس مش طبيعي
بس المشكلة ياخوك الوزن احس الفروة بتاخذ نص الوزن علشان كذا مكنسلها ههه

what3v3r
في البطحاء عمائر الراجحي وما حولها ... تجد كل شيء ...
وانت رايح للبطحاء فيه سوق الشعلة في طريق الوزارات بجانب وزارة الدفاع فيه محلات كويسة على خبري .
تحية .

تبي تقوللي ان اجوائكم ربيعيه بالرياض ههه
احنا رطوبه وحر وغبار .. انتو غبار وحر .. يعني جوكم احسن طلعت صادق خ
كلامي مره ثانيه دور لين تتعب نفسك واذا نقصك شي اتجه للفزعه

مسافر متزن مشكور يالغلا بحاول امر على اكبر قدر وان شاء الله اسير على اللي قلت لي
حدي لايارجال كل السعودية تشكي من الحر خ وان كان الديرة ماش لك عليها تلقى في عجاج وغبار من تارة الى اخرى ههه يعني انتم على الاقل عندكم بحر يشفع لو هو حر اما انا وربعي تلفت بالاستراحة وملاحق