السلام عليكم ..
اليوم راح اكتب لكم وعلى مدى ثلاث ليال عن الإسكندرية فندق radissonblu ..
البداية كانت عندما قررت الذهاب الى مصر قبل شهر في ..
دخلت على موقع طيران ناس سويت حجز ذهاب واياب ...
دخلت على موقع الفندق سويت حجز ليلتين الخروج الساعة 12 ان شاء الله للعودة ..
الإنطلاقة من مطار الرياض
الوصول الى المطار الساعة 11 و 15 دقيقة
الذهاب الى كاونتر ناس للطيران آخر مسافر يصل قصيت التذاكر وعلطول للجوازات ..:0jg2m: انا هنا جاي لا تقفلون ..
عند الجوازات كانو محترمين وكاونتر خاص بالمواطنين السعوديين "هنا فيه فرق ذكروني اقوله لكم"
وعلى وجه السرعة ختم الجوازات..
وانطلقت للبوابة "بوابة الصعود الى الطائرة .. وهنا مليت وانا انطر لمدة 30 دقيقة ...واكثر الى ان فتحو البوابة ..
وياللهول وتشوف الأخوان المصريين متعودين طابورين على شكل مثلث ..
وقلت انتظر الى حد ما يدخلو الطائرة وبعدكذا اجي اتمشى في السيب وامشي على راحتي ما احب الطوابير الحوسة ..
لكن نشبت في السيب !! ليش انتو عارفين
الأخوان المصريين عفشهم واجد ...
يعني انا رايح كل الي معي ما جاء 20 كيلو والمسموح 30 ك للفرد وحنا توني "يعني اثنين" ..
وكل واحد يدخل لا زمايرفع الأكياس والشنط ويشيك على الكرسي ويجي راجع عكس عشان "مادري"
وعدت على خير اهم شي اني كنت في اخر مقعد من الطائرة
والجو حلو الى الحين "موب دايم تكون سعيد"
وطرنا "يقول الطيار جيلاني انو بعد 3 ساعات ونص نوصل".. قلت اوكي ..
وش نسوي نطلب "بلو = مخدة = وسادة للراس والظهر" وانقز وارعص الزر الي فوق لطلب خدمة
.. وبسم الله .. نزيت وش ذا الي بجمبي ويطلع راس المظيف ة من ورا ويقول وش انت تبي ..
سوري ما عندنا الي تبي ..
والتي بجنبي تنغزني انت مضيع:0dk6s: تراك راكب طيارة سياحية ..
فهمت بس هذه رحلة دولية ثلاث ساعات وانت مشبص :4nkm2:.. مايصير .. بس غصب على خشمك يصير
لا تنسون "موب دايم تكون سعيد" وبداءو يوزعون .. اقصد يبيعون .. سندوتش عصير موية وزي كذا ..
واشوف العربية راحت وجت .. :7n84o:ما تغير فيها شي كانهم ماباعو ..
واسمع القراطيس تخرفش والروايح تنبعث ..
شورما على عصير على فول سندويشة وما ادري كوكتيل روايح ..:3ocn4:
اثر العالم مزبنة اعمارهم .. دارين انو قارورة الموية الهدى ب 5 ريلات س .. ..
ودخلو المضيفات مع المضيف واراي يقرقون وما ادري يسولف عليهم قصة حياته "المضيفات فنسان" وانت تسمع حكيهم اوكي كزا .. وما في يسير .. واقعد اضحك ...
قامو بعدها يجمعون القراطيس والكيسان واذا احد عنده نية يشتري يحاولون فيه ...
وقضو .. وارجعو لجحرهم ..
ثم شوي يجي واحد ثم وحدة ثم وحيد ثم وحيدة ..
:3gu19::3gu19::3gu19::3gu19::3gu19: طابور على دورة المياة "والله ورطة "؟؟؟
ليش انت ما تدرون ..!! وعشان كذا راح نكمل .. ان شاء الله...
وقت ثاني