1. انا شخصيا اموت في اسكندرية في الشهور دي..

بسم الله الرحمن الرحيم
يسعدني اسجل اول مشاركة لي في المنتدي .. من بنت اسكندرانية .. محبة لبلدي ولجمالها .. ويارب اقدر افيدكم بمعلومات حلوة عن اسكندرية وشواطيئها وجوانب الجمال فيها .. في كل فصول السنة
الأسكندرية بلد ساحلية علي البحر الأبيض المتوسط .. ومعروفة بعروس البحر الأبيض وهي فعلا عروس
علشان ما طولش عليكم .. لمحبي الزحام والدوشة الرهيبة بجد انصحهم باسكندرية في الصيف شهور ( يونيو- يوليو- اغسطس ) حيث تمتليء بالمصيفين .. يعني بصراحة احنا اهلها مش بنلاقي لينا مكان..
طبعا البحر يجنن وخصوصا ( شاطيء قصر المنتزة ) ببحره الخلاب وحدائقه الغناء وتجتمع فيه حلاوة البحر مع الطبيعة الساحرة..
اسامس فنادق قريبة منه.( ريجنسي -شيراتون المنتزة) اما داخل المنتزة نفسه في فندق خطير ( فلسطين)
جمال روعة المناظر من الغرف فيه مش ممكن اوصفه .. مهما قلت عنه ..
طبعا المولات في اسكندرية في الصيف ناس وزحام وكمان اسكندرية معروفة بصناعة الجلود( احذية - وشنط ) علي اعلي مستوي وباسعار معقولة جدا واذواق راقية فعلا..
انصحكم بشوارع سعد زغلول وصفية زغلول للاحذية وشارع فؤاد للأحذية والشنط وكمان الملابس ..
اما اسكندرية في ال شهور( سبتمبر- اكتوبر) فهي لأصحابها وأصحاب المزاج الرايق حيث الهدؤ بعد رجوع المصيفين لبلدهم .. علي الساحل بطوله في ( الممشي ) علي البحر مبارشرة هواء نقي جو يجنن تحب تتمشي ومعاك ( وكمان) او تحب تمارس رياضة الجري او الجلوس علي البحر والتامل بدون ازعاج..

انا شخصيا اموت في اسكندرية في الشهور دي..

ندخل علي المحلات والمولات ( مول زهران بسموحة- مول جرين بلازا يجنن وفيه هيلتون بلازا- الديب مولفي منطقة رشدي وهيه ارقي احياء اسكندرية عالاطلاق خاصة شارع سوريا عالبحر حيث كل المطاعم من فقيه الي بيتزا هت والومبي وكنتاكي وليتل سيزر ...الخ .. مول كارفور.. مول داون تاون)
سنيمات مجمع زهران بمنطقة سموحة للسنيمات علي اعلي مستوي ..
الفنادق الخمس نجوم( فلسطين- شيراتون- هيلتون-رمادا-هيلتون المطار)
اربع نجوم( ريجنسي- واندسور- اسكندرية )
اجمل الشواطيء داخل اسكندري ( المعمورة- المنتزة) فيها كباين لليوم الواحد وفيها فلل للتاجير والمبيت .. بس غالية شوية ..
بعدين بالتفصيل حاقول لكم علي روعة الساحل الشمالي حيث المياه الفيروزية والرمال البيضاء حاجة تجنن وحاقولكم علي اجمل اماكن ممكن تتمتعوا فيها بالبحر والاقامة ..
نيجي للمطاعم والملاهي .. نتنشر مطاعم المشويات واحسنها ( قرية بلبع- قرية عرفة -مطعم الطربوش-ابو شقرة-) اما الملاهي ( القرية المائية - ملاهي السندباد - ملاهي جرين بلازا) .
يارب اكون وصلت ليكم ولو جزء بسيط من جمال اسكندرية .. وان شاء الله اكملكم المرة الجاية..
بنت اسكندرانية .. موت