bu-fatoma
02-05-2022 - 01:05 pm
السلام عليكم ورحمة الله وبركاته
بعد تفكير متابعة للأسعار
قررت اليوم احجز تذاكر السفر
وكان النصيب
الحجز بالاتصال الهاتفي بالخطوط الاماراتية
ولله الحمد "الدفع نقدي بمكتبهم داخل الكويت"
وحجزي كالتالي
الذهاب: يوم 3 يوليو كويت - دبي ... يوم 4 يوليو دبي - ميونخ
فضلت ابيت ليلة بدبي عشان يكون وصولي لميونخ بالنهار
ساعة 1 الظهر بإذن الله.
العودة: يوم 24 يوليو ميونخ - دبي ... يوم 25 يوليو دبي - كويت
طبعا من غير مبيت بدبي بإذن الله
يعني السفرة من 4 إلى 24 يوليو 2011
1يوم - 20 ليلة
لذلك حاب تتفضلون علي الله يرضى عليكم بالتالي:
1- برنامج سياحي - والفيزا رح تكون ألمانية بإذن الله
والي اتوقع تشترط الإقامة الأطول تكون في ألمانيا
والي معاي زوجتي وبناتي 4 سنوات و2 سنة.
2- المبيت أول ليلة افضل في ميونخ ومن بعدها انتظر
مقترحاتكم لأي مدن اسافر, لأني بخاطري ازور النمسا مثل ما ذكرت بموضوع سابق, واهم شي عندي تكون المحطة الأخيرة ميونخ وجم يوم تحتاج عشان اشبع منها؟.
3- السيارة من وين استأجرها؟ وودي بسيارات قير اوتوماتيك
وهل استأجر طول الفترة؟ ولة في مدن ما احتاج فيها السيارة؟
4- تنصحوني بفنادق أم شقق؟ وشنو ترشيحاتكم لي حسب المدن؟
5- التسوق من وين تنصحونا فيه؟
6- ادري طولت عليكم بس تحملوني الله يرضى عليكم
وبارك الله فيكم مقدما
بهالمخطط عندك نص المده الا يومين في المانيا واتوقع مافي مشكله كذا وتطلع التاشيره من السفاره الالمانيه
تستاجر السياره من مطار ميونخ وتسلمها في ميونخ عند العوده
التسوق في ميونخ عشان كذا خليته بالاخير وفيه مول يمدحونه في سالزبورغ ممكن تروح له وفيه محلات حلوه في زيلامسي ممكن تمرون عليها ويعجبكم شي
افضل زيلامسي شقه في كابرون احلى واهدا
وفي سالزبورغ وميونخ فندق فيه غرفه رباعيه ومع مكيف
وفي فوشن او شوانغوا شقق باذن الله واعرف وحده حلوه ان شاء الله نلقى فيها
واذا ودك تزيد ليلتين اوثلاثه لمدينه المانيه ناخذ ليله من ميونخ وليله من سالزبورغ وليله من فوشن
عشان يكون اكثر من نصف المده راح نضيف مدينه كونستانس بعد زيلامسي وتبعد 380 كلم ومنها الى فوشن 187 كلم وبصراحه كونستانس تستاهل انا رحت لها مرتين لكن الراي لك
ميونخ وصول فقط -3ليالي سالزبورغ - 7ليالي زيلامسي اوكابرون - 4ليالي فوشن او شوانغوا او قارمش (الريف الالماني ) - ليلتين كونستانس -
4 ليالي ميونخ
ولو رحت كونستانس تقدر تزور زيورخ تبعد 70 كلم فقط وكمان شلالات الراين الرائعه وتقدرون تروحونل العاب اليورب بارك لوحبيتوا تبعد 160 كلم عن كونستانس
اذا عجبك المخطط ممكن نتكلم عن السكن