أم غـادة
24-11-2022 - 06:36 am
تحية طيبة للأعضاء جميعاً,
إن شاء الله نازلة مانيلا بعد أسبوع مع زوجي, (أنا وزوجي فقط), وحبيت تفيدوني:
سمعت أن الأجواء بتكون شوي عاصفة وأمطار, مدري صحيح الكلام؟؟ لأن الأمطار بتعيق الأنشطة! والجو يصير كتمة!!
وبعد ياليت تفيدوني بشقة غرفة نوم وصالة ومطبخ, تكون فسيحة ونظيفة وقريبة من الخدمات.
لأن المطبخ أساس عندي, ذكر أحد الأعضاء مشكورا شقق فندقية مقابل الشانقريلا ويمدح فيها وفي فخامتها وهي (Ascott makati
لكن سعرها شوي غالي لو يجي أقل سعر مع مستوى نظافة عالي, ياليت الي جرب أو عنده خبرة يفيدني, وإذا ما عندكم اقتراحات, فالشكوى لله بناخذ (اسكوت).
بعد حبيت أسأل عن أماكن تسوق ممكن ألاقي أشياء مميزة من أي شيء (يعني شيء أحصله في الفلبين وما أحصله في غيره) غير عن آسيا مول لأنه حسب كلام الأعضاء الاعزاء كبير ويتوه, وأنا أحب التسوق المريح. وهل فيه ملابس شتوية؟؟ بلوفرات وجاكيتات!!
بعد ممكن تفيدوني وين أحصل أغراض المشاغل, أنا ما عندي مشغل لكن الكوفيرات الفلبينيات بالمشاغل يقولوا أنه أغراض البديكير والمونيكير بالفلبين أحسن ولا الفرق وغير موجود بنفس جودتها بالسعودية, والمشاغل تجيبها من هناك! فحبيت أخذ منهم أغراض العناية بالجسم!!
وبعد سمعت أنه المكياج هناك حلو؟؟؟ من أي ناحية حلو؟ لأن أغلب الماركات العالمية عندنا!! يعني بايش تتميز؟؟
ثم هل فيه صالونات تجميل نسائية وأماكن مساج علاجي منتشرة؟ وكيف أحصلها؟؟ لأنها بتكون أرخص من الفندق!! وإذا عندكم نصائح بهالخصوص!
وإذا عندكم نصائح بشأن العباية السوداء, لأن وحدة نصحتني أرتدي بلوزة وتنورة ملونة مع الحجاب!!
بارك الله فيكم وفي نصائحكم!! ولا تبخلون على أختكم بأي معلومة!
بانتظاركم
