شباب كيفكم جميعا نفر نفر انا مشترك جديد ومن الطبيعي اكون ضيف على الاقل ثلاثه ايام والضيف لو حق طبعا وبالتالي حاستغلكم في هدي الفترة وانا متاكد انكم اهل كرم وحتكرمو الضيف. انا عن جد محتاج خبرتكم حيث اني مسافرالفلبين اول مرة واحتاج رايكم بالله عليكم لا تجمدوني
معلومات السفر:-
مسافر في الصيف القادم ان شاء الله بتاريخ 2012/6/14 والعودة ان شاء الله 2012/7/11 يعني بالعربي تقريبا 26 يوم.
المسافرون عبارة عن عيلتين العيلة الاولى عبارة عن 6 كبار و2 اطفال اما التانية من 4 كبار و2 اطفال قولو ماشاء الله

• اناعارف ان الفيزا في الفلبين 21 يوم السؤل الي يسدح نفسه هل اخد فيزا من السفارة ( ترا هيا جنبي في نفس الحي) ولا ادفع الغرامة في المطار افضل اظن ان النفر 280 ريال صح ولا صغير وكبير ولا في فرق على الجواز ولا على الشخص لانو عندي 3 في جواز واحد الام وبزورتها.
• حجزت اول اربعة ليالي في فندق اسكت بمكاتي وهدا انا عارفه فندق ممتاز , بعد كدا رايح على بوكاي حجزت في فندق Boracay Garden اربعة ليالي والسؤال الي ينبرشلكم كيف هدا الفندق وهل هوا قريب من البحر لانو معايا الوالد والوالدة الله يحفظهم وهل احجز الطيران من دحين ولا لمن اروح هناك انهو اوفر.
• لما ارجع من بروكاي على مانيلا حجزت 18 ليلة في فندقThe Linden Suites شقة 3 غرف

نوم والعيلة التانية شقة غرفتين وسؤال هنا كيف الفندق من كل النواحي واهم شي الامان مع ملاحظة
انو دورت نفس المواصفات في مكاتي ما لقيت شقق فندقية 3 غرف نوم.

• شباب انا اشترت التزاكر يعني لاحد يقولي الفترة كتيرة او قليله لانو التزاكر ما تتغير.
• شباب فترة 18 يوم اش في تماشي قريبه من مانيلا يعني ابغاكم من الاخر تظبطوني لانو العيلتين

حاطين كل شي في راسي...... تكفى لا تجمدوني