السلام عليكم
اخوكم فزاع عاد من الملكه تايلند بعد ان قضى 16 يوم
بوكيت اسبوع وشنغماي اربع ايام وخمس ايم في بانكوك
قدتتسألون عن الصور انا صورة اكثر من 700صورة ولاكان الاخوان هنا لم يتركو جديد ماشاء الله عليهم
المهم انا بتكلم عن الرحلة على شكل نقاط واللي يبي يسئل حاضر وممنون باللي اقدر عليه
1_الرحلة كانت لشخصين انا والمدام الغالية على الخطوط القطرية التذكرة بسعر 3280للشخص تقريبا
والطيران الداخلي على اير اسيامن بانكوك الى بوكيت ومن بوكيت الى بانكوك ومن بانكوك الى شنغماي ومن شنغماي الى بانكوك وكل هذا ب 1600ريال فقط حجزتها عن طريق موقع اير اسيا والخطوط القطريه واير اسياء مواعيد ولااحلى وللامانه قابلت واحد من الشباب راح على التايلندية ويمدح فيها ....وقبل ماانسى الكريمات والشانبوات خليها مع العفش بطيران اير اسيا مشددين مره على هاالسالفه فقط يسمحون بكميه قليله جدا.... والمسموح به لشخص من الوزن 15 كيلو فقط
2_غلطت غلطه لايغلطها احد مثلي ويواصل رحلته عند وصوله مباشرة الى بانكوك حيث اني واصلت الى بوكيت ولاكن كانت الرحلة متعبه جدا من الرياض اللى الدوحة ومن الدوحة الى بانكوك ومن بانكوك الى بوكيت بس يااله راحة والله وفقنا باارحلة الحمد لله
3_الغلطة الثانيه واللي الاخوان هنا غريبة مانبهونا عليه ان ان هناك طيران التايلنديه يطير من شنغماي الى بوكيت بدون ارجوع الى بانكوك وهذي غلطتي الثانيه مابديت رحلتي بشنغماي بعدين بوكيت بدل ماامشور عمري وارجع لبانكوك من بوكيت واروح شنغماي
4_الصرف طبعا 100دولار 3320ينقص او يزيد قليلا شي مايذكر يعني ويبغالك مصروف يوميا تقريبا تمشيات واكل وتسوق على خفيف 125دولار تقريبا
5_العشاء لشخصين في المطاعم العربيه هناك يتراوح مابين 750بات الى الف بات واذا كنت ممن يحبون ماكدونالدز وبرجركنج وكنتاكي تخيل نتعشى انا والمدام 230بات فقط لا والوجبات سوبر كلها وان شاء الله ان اكلهم حلال طبعا مانطلب الاتشكن ولم اطلب اللحم ابدا وان شاء الله اناعلى النيه ..على فكرة بوكيت فيها ماك فقط وافضل مطعم عربي مطعم الشرق ... وشنغماي فيها برقركنج وماك طبعا المطاعم العربية في كل مكان وان كانت في بوكيت اكثر من شنغماي .
6_الفنادق اول ماذهبت سكنت في بيل اير ببوكيت وللاسف لم اوفق او لم يوفق صاحبي التايلندي اللي ماقصر معاي بااختيار الفندق وجلست فيه يومين وانتقلت بعدها لفندق بورا ساري اللي مهما تكلمت عنه لم ولن اوفيه حقه وجلست فيه خمس ايام خيالية كانو حاجزين لي غرفة فوق وزدتهم 310ريال عن الخمس ايام ونزلت تحت على المسبح تماماوسعر والفندق والعاملين فيه كلهم عسل وموقع الفندق على الباتونغ يعني بعده تقريبا 100متر عن الشاطيئ وفيه النت مجاني
7_احلى الرحلات في بوكيت هي جيمس بوند1200 وببي1300 وعرض الفنتازي1500مع العشاء واسعارها مناسبه من وجهة نظري
وفي شنغماي ذهبت رحلة الى قرية الاعناق الطويلة طبعا مرينا في طرقنا اشياء اخرى ولكن الاعناق الطويلة هي مالفت نظري وكان سعر الرحلة 1300بات مع الغداء طبعا ومدتها من 7صباحا الى الساعه العاشرة ليلا ومسافة الطريق من الفندق 270ى كيلو تقريبا وكانت رحلة متعبه وممتعه في نفس الوقت..... ورحلة اخرى ماانساها الشلالات والمشروع الملكي واعلى قمه فهي ايضا رحلة رائعه ومميزة وهي بااختصار اخذت سائق خاص وذهبت الى مااريده حيث ان كل القروبات يلتزمون بااشياء محدده وانا مشيت على الكيف وسعرها اعتقد 3400بدون غداء زائد رسوم التذاكر 400ريال للشخص
8_بانكوك واللتي لم تروق لي نهائيا الابعض اسواقها والفندق واشمئزيت من شارع العرب كثير حيث المناضر الغير مرضيه من بنات الهوى والتي تعرض نفسها باالشارع عيانا بيانا ورائحة دخان السيارات والشيشه والشباب من كل حدب وصوب والزحمه وكنت اريد ان احجز في فندق زينيث والحمد لله انه كان فل وحجزت في فندق ماجستك قراند فندق ولا اروع وبعيد عن شارع العرب مسافة سبع دقائق او اقل فندق رائع بمعنى الكلمه سعر 370ريال لليله لم ادخل ولا مطعم من اللي بشارع العرب نهائيا ذهب الى مطعم بيروت وهو قريب من ماجستيك بجانب ماكدونالدز تماما نضيف واكله حلو
9_تكلفتة الرحلة فنادق وتذاكر ومواصلات واكل بدون تسوق 17000عاد باالنسبه للسوق انت وميزانيتك ولاتعتقد ان السوق رخيص اسعارها عاديه قد يكون بعضها رخيص ولاكن مو ذاك الرخص اللي تتخيله احلى الاسواق ان بي كي وفلاتينيوم اسمه كذا على مااعتقد جميع مشاوير بانكوك 100بات عاد انا مارحت ترفيه نهائيارغم ان المدام ملزمه على السوق العائم لاكن مارحنا لاننا تشبعنا من بوكيت وشنغماي فقط ذهبت للمطعم اللي باالدور الخمس وستين ومفتوح على الهواء الطلق واعجبني كثير بس مااكلت فيه فقط صورة وطلعت واللي يروح له يلبس جزمه وبنطلون يعني البرمودا والشورت ممنوع
0-انا ذهبت الى ماليزياوتايلند ولاكن تايلند افضل بمراحل وخاصة الترفيه وارحلات متعدده اكثر من ماليزيا
اما باالنسبه للاسعار فهي متقاربه جدا وان كانت تايلند ارخص بشي بسيط لايستحق الذكر
1محل فريدة للساعات مريته وكان زحمة خليجين ماتقدر تتحرك اسعارهم معقولة نوعا ما خصوصا انها تقليد درجه اولى بس انتبهو للساعات اللي تشترونها انا اشترية 7ساعات طلع ثنتين منها مو شغاله ورجعتها لهم من بكرا وحدة بدلوها والثانيه صلحوها على السريع ومشى الحال بس صراحه انها تواجه كهدايا واسعار الساعات 2000بات الى 7000بات بس اشكالها مغرية جدا
عموما تايلند روعه واهلها شعب طيب وحبوب جدا ومحترمين شغلات نصب بلبيع او استغلال مافيه واكثر الشغلات تقدر تكاسر عليها
وهذا اللي عندي والمعذرة على عدم الترتيب في الموضوع انا والله ماتعودت اكتب تقارير ولاكن لابد من رد الجميل للمنتدى الرائع بروعة اعضائه ومشرفيه
واي خدمه انا حاضر
اخوكم فزاع