انا دايم على ميونخ ناخذ معانا كل شي من الاكل بس نشحن الشنطه مع العفش يعني مو بيدنا لان السوايل عندهم كميه معينه

اخذ وياك وحتى الاجبان واشحنهم
اخذ كميه قليله مثل جبن كلاس وغيره وخلهم بالشحن بالشنط .. واذا فتشوا ياخذونهم ما في مشكله
تحياتي

الاطعمه المعلبه وتكون في شنط الشحن يعني مو بالهاندباك هذي امور جدا عاديه واساسا وقت الوصول والخروج من المطار ليس الجميع سيواجهون التفتيش يعني الاغبيه يوصلون ويكملون اجراءات الجوازات ويخرجون يستلمون الشنط وعلى طول لصاله المغادره التفتيش بيكون فقط على الناس اللي بيشكون ان معاهم اشياء ممنوعه
ولكن اغلب الخطوط الجويه الان يمنعون وضع اي علب سوائل عطورات وغيرها في شنط الهاندباك لاكثر من 100 ملي لتر اللي تطلع مع المسافر لمقصوره الطياره ولاسباب وجيه ومنطقيه لان لو حصل اي شي لا قدر الله الشنط هذي اتكون في الخزانات فوق راس الركاب يعني في مجرى الهواء اللي داخل المقصوره فلو حصل اي اي عربه عطور او اي سائل اخر اتدفق من الشنطه سوف يتبخر ويرجع يتداور مع نطام التهويه وبياثر على جميع الركاب الموجودين في المقصوره خصوصا ان اغلب هذه العطورات فيها نسبه الكحول عاليه ولهذا السبب وحفاض على سلامه الركاب يمنعون السوائل في شنط الهاندباك للدخول مع الركاب داخل مقصوره الطائره

يعني ناخذ المعلبات بالكميه اللي نبي
ونحطها في الشنطه الي تحمل مع العفش ..
ناويه على جبن كاسات 500 مل ..
وجبن كيري 3 علب
وحلوا طحينيه ( احبها ) وعسل
وفول سوداني ..
وزيتون 3 علب
وملح وبهارات وزيت علبه صغيره
قهوه وبهرات القهوه هيل ومسمار وزعفران ..وشوي تمر
حلويات حقت القهوه مثل جالكسي ومعمول
شوي رز ومكرونه واندومي ..وشاي وسكر .. حبتين ماجي وحبتين معجون الطماط .. وحليب حق الشاي .. وعلبتين فول
وتونه اربع علب ..
وكتشب وميونيز ( الي تجي مغلفه حقه المطاعم
ماكدونلز وهرفي اخف ...وشطه
وحليب صافيو بالشكولاته لعيالي ادمان ..
شوي مكسرات وكيك والمسليات ..
مدري وش رايكم تحسون مكثره ولا طبيعي واخاف اذا فيه شي ممنوع نبهوني

ههه ما قصرتي بس والله يوم اني قريت القايمه حسيت بالجوع جد
وبوصيج اتجيبلي تمر معاج وبخور وان جبتيهم ترا بستناج اباب الطياره وبخرجكم من المطار معاي وبشوف ان كان في الماني ولد ابوه بيتعرضلكم ههه
التمر والبخور بيوصلوني

جزاكم الله خير جميعا على تعاونكم الدائم , ريحتوني بصراحه ,
واكيد كل المعلبات بتكون بشنطة الشحن .
صقر على كف صقار اخاف اتحمس زيك وازيد القائمة ههه

ابابيل .. ابشري بالبخور والتمر بس سلكينا خ
من جد القائمه فيه شي محظور ولا اوكيه

زين الحمدلله يعني انا بعد مخطط علي المعلبات
والاجبان والقشطه والمعكرونه والاسبكتي
ابي اخذها معاي بالشنطه
الله يبشركم بالخير
بس اذا صاادروها راح اخسرك ابابيل ههه