اقتربت الرحله فقط ميلينيوم كوالالمبور هو مايحيرني

مسافر العالمي

21-11-2022 - 01:32 pm

السلام عليكم ورحمه الله وبركاته
الاخوه الاعزاء في هذا المنتدى العملاق
يشهد الله اني متابع دائم ولو لم اسجل دخولي
سفرتي الثانيه لماليزيا
محتار في فندق العاصمه كترووالا
في البدايه قررت الحجز في وستن ثم عدلت عن رأيي وتوجهت للميلينيوم
والوكيل ينتظر قراري النهائي خلال 24 ساعه حتى يكمل باقي الحجز
هل الميلينيوم خيار موفق ؟ خصوصا انني جربت السكن في الماريورت في السنه الماضيه واستمتعت بالاقامه فيه
ولكن من باب التغيير
وستن ام ميلينيوم
طبعا الميلينيوم هو السعر الانسب ماذا عن باقي المميزات
بانتظاركم وان شالله ماتردوني خايب

التعليقات (9)

*صوت السهاري*

21-11-2022 - 05:06 pm

ياهلا فيك أخوي
من رأيي أرشح لك فندق رويال شولان الجديد
فندق على شكل قصر صغير...الخدمه فيه ممتازه
وكل اللي سكنوا فيه أنبسطوا منه
قريب من مجمع البافليون...وقريب من شارع العرب
وأتوقع سعره أقل من الملينيوم...
وهذا تقريري عنه على هالرابط
https://artravelers.com/p/re/386121
وبالتوفيق لكم يارب
أختك أم عبدالعزيز

مسافر العالمي

21-11-2022 - 06:07 pm

الف شكر اختي ام عبد العزيز
الف شكر على نصيحتك وعلى طول رايح اشوف تقريرك
بس شكلك بتزيديني حيره وبهاوشك ههه
امزح خيتو
جعل يدك ماتمسها النار

adeel alroo7

21-11-2022 - 07:08 pm

وعليكم السلام ورحمة الله وبركاته
هلا بك أخوي مسافر العالمي وربي يوفقك
كانت لي تجربة في هذا الفندق قبل حوالي شهر وتقدر تطلع على صور الغرفة والمطعم من خلال هالرابط
https://artravelers.com/p/re/429663
عني الفندق نظيف لكن يتعبر قديم نوعاً ما وتقيمي له جيد جداً بالرغم أن موقعة يعبر ممتاز لمن يرغب السكن في شارع العرب ، لكن عني أرشح فندق تريديرز في حالة أنه لا يهمك السكن في شارع العرب موقعة بالقرب من البرجين .
ربي يوفقك
تحياتي وتقديري

مسافر العالمي

21-11-2022 - 08:09 pm

ربي يسعدك اخوي عادل
لي فتره ادور تقرير ماحصلت
مااخفيك ان كلامك خفف حماسي للسكن فيه مدري ليه
يهمني يكون مقر سكني بقلب شارع العرب
اعشق هالمكان ومع الاسف مااقدر امشي مسافات طويله
توي راجع من كسر بالرجل وبقضي سفرتي استرخاء ومشي مسافات قصيره

KUL

21-11-2022 - 09:10 pm

المسافة بين جراند ميلينيوم و ماريوت لاتتجاوز دقيقيه مشى على الأقدام
موقع جراند ميلينيوم ممتاز جداً والفندق غني عن التعريف
هناك فندق مقابل الميلينيوم مباشرة وأسعاره جداً معقولة مقارنة بموقعه الممتاز وأثاثه الجديد
هو فندق piccolo hotel kuala lumpur
موقع الفندق
http://www.thepiccolohotel.com/
سعر غرفة ديلوكس من موقع آسيا ترافل مع الفطور لاتزيد عن 291 رنقت
https://artravelers.com/p/re/389823
موقع الفندق في قلب شارع العرب

مسافر العالمي

21-11-2022 - 10:11 pm

^^
اخي العزيز kul
اطلعت على هذا الفندق وعلى صوره
بصراحه رائع ومااخفيك انه كان احد خياراتي
لكني اريد ان يكون السكن بفندق 5 نجوم وماتتجاوز سعر الليله فيه 500 رنجت وعلى شارع العرب

*صوت السهاري*

21-11-2022 - 11:12 pm

مشكور أخوي وماقصرت على دعواتك الطيبه
عموما إذا أنت لاتستطيع المشي كثيرا فخليك على جراند ميلينوم
لأنه بصراحه أفضل وأفخم من بيكولو..خاصه وأنهما بنفس الشارع
ومتقابلان تقريبا...

مسافر العالمي

22-11-2022 - 12:13 am

خيتو صوت السهارى
ربي يسعدك ويخليك لعين ترجيك
تدرين اختي .. اقتنعت بقوه بفندق رويال شولان
طبعا بعد ماشفت التقرير الي حطيتيه
ورحت ابغير حجزي
طلع ماراح يفرق السعر بينه وبين الميلينيوم الا 10 رنجت فقط للغرف الديلوكس طبعا
شرايك انتي ؟؟
وبما انك خبيره واحس لك نظره بالامور

zazaz

22-11-2022 - 01:14 am

السلام عليكم ورحمة الله وبركاته
إذا تقارنه مع الويستن اكيد الويستن افضل ولكن القراند ملينيوم سعره ممتاز
وخدماته ممتازه واللوبي حقه افضل من اللوبي حق الويستن ولكن مايعتبر فرق مانت بجالس كثير باللوبي
والقراند ملينيوم مجدد بالكامل وكل شي اوكيه بس تحس دورات المياه ماهي مجدده
والأثاث جديد ونظيف ولكن ماتحس بفخامة تريدرز والويستن
شوف تقريري عن الفندق ممكن يعجبك ولكني اقترح عليك الويستن افضل

كوالالمبور المسافرون العرب

اقتربت الرحله فقط ميلينيوم كوالالمبور هو مايحيرني