طوكيو
اوساكا
كيوتو
هذي اهم المدن
بس ماعلمتنا كم يوم بتجلس في اليابان ؟
انصحك انك تمر على التقارير المصورة وتتعرف على المعالم عن طريق الصور
عشان تاخذ تصور مبدأي عن المدن
تحياتي

يعطيك العافية اخوي Stranger
بكون هناك 16 ليلة بمشيئة الله
قسمتها الى النصف بين الفنادق 8 لطوكيو , و8 لاوساكا
اعتقد اني اقدر امر على كيوتو وانا في اوساكا

ماشاءالله تروح وترجع بالسلامه
بالنسبه لاوساكا اشوف انك تقلل الايام الى 3 او 4 وتترك البقيه لطوكيو المدن القريبه من طوكيو
تحياتي لك ورحلة موفقة

انا احاكيك من اليابان
اوساكا كثيره مره عليها الايام خلها 4 ايام بتكفي وزياده بعد
طوكيو حلوه جدا بل احلى مدينه زرتها بالعالم كله كثيره الاشياء اللي تستحق الزياره فيها واطلع منها لجبل فوجي
ولو مكانك أجلت الزياره الى ان يخلص فصل الشتاء لانها بالمره بارده

2aj
ما شاء الله , ترجع بالسلامة اخوي حرم الدكتور
المشكلة اني حجزت الفنادق واخذوا مني المبلغ مقدم , عندك اقتراحات ؟
و هل برايك اقدر الاقي حجز فنادق ثانية في هذي الفترة لو فرضاً غيرت عدد الأيام ؟
بالنسبة لتأجيل الرحلة صعبة جداً .. ولو اني كنت ناوي اسافر فترة الصيف
الا ان الدوام تسبب في تعطيل اجازتي الى هذي الفترة ...
يادوب لقيت وقت حق اسافر بالاضافة الى اني جهزت اموري من فيزا وحجوزات < شديت الرحال
بصراحة كلامكم خوفني عن اوساكا ... معقولة مافيها شي ؟المخطط كما يلي :
طوكيو فندق Sunroute shinjuku Hotel Plaza من 2312 الى 2912
اوساكا فندق Ana Crowne Plaza من 2912 الى 61
العودة الى طوكيو Ryokan Asakusa Shigetsu يوم واحد
طوكيو ناريتا Radisson Hotel
وان شاء الله ماجبت العيد في مخططي

روح اخوي وانبسط
وخلال هالرحلة راح تكتشف اليابان
بس ماوصيك انك اول ماتوصل
وانت في الفندق
تخلي اتصالك مع الكونسيرج تبع الفندق
وخله يعلمك بالاماكن السياحية اللي ينصحون بها
ولاتنسانا بالتقرير الشتوي عن الجميلة اليابان
تحياتي

stranger man
ان شاء الله
ومشكور اخوي على النصيحة

السلام عليكم ورحمة الله وبركاته
هلا ومرحبا أخوي "XSilverX"
السموحة عاد أنا تأخرت بس أعجبني موضوعك وخاصة إن السفر بعد يومين ان شاء الله
أول شيء الله يعينك على البرد
توكل على الله الخطة تقدر تضبطها انته ان شاء الله ... أوساكا تقدر تشوف فيها وايد اشياء حلوة وبعدين مب بعيده عنك المدن التالية: كوبيه + كيويتو + نارا
وبصراحة بعد لو عندك وقت تقدر تزور عدد من المناطق القريبة ولو انت طالع وياشباب يحبون المغامرات احسن ... تقدر تزور عدد من المناطق الاخرى مش بعيدة كثير عن اوساكا مثل: Awaji-shima Island و Himeji Castle وغيرها
وايد مناطق حلوة
وبعدين 8 ليالي في طوكيو ... ام يعني اوكي تقدر تستمتع في طوكيو نفسها العاصة فيها اشياء روعة
ولو حبيت تغير عندك مناطق عديدة بعد مثل : نيكو وهاكون والبحيرات وجبل فوجي وكاماكورا
اهم شيء اتعرف تستخدم القطارات وهالموقع راح يساعدك وايد في كيفية الذهاب من المكان اللي انت فيه إلى المناطق اللي ودك تزورها http://www.jnto.go.jp/eng/arrange/transportation/index.html
تحياتي لك وبالتوفيق ان شاء الله
واذا ودك بأي مساعدة وانت هناك احنا راح نكون موجودين ان شاء الله
الله يوفقكم ان شاء الله ويسهل دربكم وتروح وترجع بالسلامة ان شاء الله
تحياتي

تروح وترد بالسلامة
وهالله هالله بالتقرير عن رحلتك
الله يوفقك ويسهل دربك