افا
ولا واحد رد منكم
احنا كلنا عيال الخليج وقلوبنا على بعضها جذي ماتتساعدون
كتبت موضوعين ولا احد رد!!
ماهكذا كان الظن بكم
ابي تعطوني جدول مناسب
شنو المناطق الي تكون اقرب لبعضها
اذا حبيت اروح بداية من فينا ثم زيلامسي ثم انترلاكن (سويسرا) وميونخ
ابي اعرف اشلون المفروض يكون ترتيب المناطق ؟؟

1. متطلبات الفيزا:

life.candle

متطلبات الفيزا:

1-تأمين سفر لكل واحد راح يسافر معك وأنا اخذته من شركة axa في ضاحية السيف وكان 20 دينار لكل شخص .
2- وكشف حسابك من البنك من 3 شهور ومهم يكون فيه مبلغ يغطي سفركم , وكشف حساب للي بيسافرون معك واذا كانوا ما يشتغلون اكتب رساله وارفقها مع كشف حسابك مثلاً انا فلان الفلاني اتعهد اني اتكفل بمصاريف فلان وفلان وتكتب اسماء اللي معك طول فترة السفر حتى لو كانوا اطفال.
3- ومبلغ تقريباً 36 دينار رسوم لكل فيزا .
4- وصور شخصية ما اذكر واحده او ثنتين .
5_وكشف راتب من العمل لك ولكل المسافرين واذا كان معك احد يدرس تاخذ من مدرسته ما يثبت انه طالب .
6- واذا كان عندك أو عند اللي بيسافرون معاك فيزا سابقه في جوازكم لأوروبا راح تريحكم كثير لأنهم راح يعرفون انكم زرتوا اوروبا قبل وتعرفون الغلاء اللي فيها تصورها وتحطها مع الاوراق المطلوبه.
7- تاخذ حجز حتى لو وهمي من مكتب سفريات للطيران وللفنادق اللي بتسكنها وتقدر تلغيه بعدين .
8- تاخذ موعد من السفاره بالانترنت وتاخذه معك يوم اللي بتروح واذا ما عندك موعد بيرجعونك .
9- لازم الحضور الشخصي للمسافرين ما عدا الصغار اللي اقل من 3 سنوات لأخذ بصماتكم إذا اخذوا بصماتكم اعرف انهم قبلوا يعطوكم الفيزا واذا ما اخذوا اعرف ان تعبكم راح في الهواء
هذا اللي اذكره وان شاء الله ما اكون ناسيه شيء وبخصوص الفنادق ما اقدر افيدك . وان شاء الله غيري يقدر يفيدك .
وما تحتاج فيزا ثانيه لأنك اذا سويت الحجز لفنادق في النمسا والمانيا على طول راح يعطونك فيزا شنقن وهذي تدخلك كل دول الاتحاد الاوروبي حتى سويسرا .
أنا اخذتها من السفاره الفرنسيه والله يعينك عليهم وعلى مطالبهم يبي لك كم يوم تجهز الاوراق اللي يبونها .

life.candle
تقدر تروح اول شيء فينا وبعدين زيلامسي ومن زيلامسي تزور ميونخ لأنها قريبه لها وانترلاكن بعيده عن ميونخ وزيلامسي تقريباً 10 ساعات بس انت في نهاية السفر من وين بترجع البحرين وعلى اي طيران ؟

شكرا ام دليم
اني راح اروح على طيران klm
الرجعة من ميونخ الى البحرين
ليش يعني هل في احتمال ان مايعطون فيزا؟؟
يعني اذا حجزت تذكرة بتروح علي؟
يعني لازم اول اطلع الفيزا بعدها احجز تذكرة ؟

life.candle
احيانا ما يعطون فيزا لأن حساب الشخص على الزيرو او اوراقه ناقصه فيخافون الواحد يروح ويتورط وما يقدر على الصرف هناك ولكن اتمنى تطلع فيزاتكم بس لازم تجهز اوراقك كامله والا ما راح تستفيد وانت اسمع كلامي وسوي حجزك وهمي وادفع لمكتب السفر مقدم اي مبلغ واتفق معاهم اذا طلعت الفيزا انك راح تسوي حجوزاتك من عندهم وهم راح يتعاونون معك وهم يعرفون ان السفاره تاخذ حجوزات الطيران والتذاكر واذا ما عطوك فيزا حول حجزك على دول ثانيه وبهذا ما راح تخسر المقدم , احنا يوم حجزنا دفعنا للمكتب 50 دينار وسوى لنا حجز وهمي وقلنا له اذا ما عطونا الفيزا بنسوي سفرنا على شرق اسيا حتى ما نخسر المقدم وقبلوا عادي ومو شرط تحجز كل الفنادق من نفس المكتب بعد ما يعطوك الفيزا تقدر تحجز فندق واحد والباقي بالنت أو مكتب ثاني براحتك.

هناك عدة فنادق في زيلامسي منها هذا الفندق :
http://www.neuepost.at
وما يميز هذا الفندق بأن موقعه جدا رائع ومتوسط في زيلامسي .
علما بأن لديهم شقق رائعة أيضا بجوار محطة الباصات .

مشكورين
يعني احنا الي بنسافر كلنا طلبة ومانشتغل بنسافر سياحة كم يوم
طبعا على حساب الوالد
بس هو ماراح يجي معانا
فكم المطلووب يكون بالحساب ؟؟ هل يصير اني ارفق كشف حساب الوالد وخلاص؟.
بالنسبة للتنقل بالقطارات .. يعني لو مثلا بروح حديقة او مطعم هل بالقطار بعد؟
والي راحو
كم تكلفة المترو في التنقل ؟؟ وهل يكون اعتمادي على المترو والقطار خصوصا اني اول مرة بروح فما اقدر استاجر سيارة
ما ادل محل!!
من فينا الى زيلامسي كم يكلف القطار ؟

life.candle
مرحبا اخوي طبعا تقدر ترفق كشف حساب الوالد
المهم انه يكون فيه خطاب من العمل اللي يشتغل فيه او اي خطاب رسمي
مرفق مع الكشف بالنسبه لي الصيف الماضي قدمت على الفيزا بخطاب من ولد عمي
حتى موظف المكتب قالي ما تفرق معاهم الحساب لمين حتى لو صديقك
المهم فيه حساب يغطي تكاليف السفر وبس :wink:

life.candle
اذا واحد فيكم عنده حساب في البنك حولوا فلوسكم على حسابه قبل لا تطلعون كشف الحساب وخلوا حسابه يصير في حدود 3000 أو 4000 دينار وبعد اسبوع من تحويل المبلغ في حسابه طلعوا كشف من البنك وخلوه يسوي لكم رسايل يكفلكم فيها بالسفر لأني ما اظن راح يقبلون يخلونكم تحطون كشف حساب الوالد وهو مو معكم في السفر بس يبي لكم تضمنون ان صاحبكم ما ياخذ فلوسكم ويطير ويخليكم
وبالنسبه للتنقل لازم تسكنون في مكان قريب من محلات أو اسواق حتى ما تروحون المطعم بالميترو او الحديقه والميترو تقدر تحجز لكم تذكرة واحده بعدد ايام وجودكم في فينا والسعر مو غالي بحدود 13.60 يورو لمدة 3 ايام للشخص والاطفال مجاناً تحت 6 سنوات واللي اكبر الى 15 ما اعرف بالضبط كم .
من فينا الى زيلامسي بالدرجه الاولى 81 يورو والدرجه الثانيه يمكن 46 يورو سعر تذكرة القطار .