السلام عليكم ورحمة الله وبركاته
انا من الزوار الدائمين لهذا المنتدى الرائع اللي يحمل بين طياته العديد من المعلومات المفيده
بعد فترة وجيزة وبالاخص بعد 25 يوم ناوية انا وزوجي نقضي شهر العسل في استراليا
وبالتحديد في جولد كوست
طبعا اتفقنا مع مكتب سفريات بخصوص التذاكر والفنادق
وتقريبا كلفنا 37,000 درهم اماراتي
اول شي الرحلة ليست دايركت يعني بينزل ترانزيت في كوالالمبور بس ما راح نتم فيها على طول بنتوجه للنكاوي وبنبات فيها ليلتين وبعدها بنتوجه لاستراليا "جولد كوست" وبنتم فيها 11 ليلة يعني 12 يوم
بعد ما لفيت وخذت ايام وانا ابحث عن مواضيع استراليا
لقيت ها الاماكن اللي اتمنى زيارتها
فبغيت من الخبراء يساعدوني في التنظيم
يعني هل ممكن اروح مكانيين في نفس اليوم
وهل ها الاماكن تصلح للعرسان
ونصايحكم الحلوه
وانشاءلله اول ما برد من السفر برتبلكم تقرير حلو وشامل عن نشاطاتنا وتحركاتنا في السفره
وانشاءلله بعد ما نخلص من استراليا بنرجع ماليزيا وبالتحديد "صن واي لاقون وبنقعد فيها 3 ليالي
في انتظاركم

ليش محد رد عا الموضوع
بليز ur help

1. وبعدها تقدرون تسون رحلات


2. وبعد المغرب تروحون الانفنيتي (( الصراحه مكان عجيب وخاصه للعرسان

السلام عليكم
بالنسبه لختيار الشيفرون اختيار ممتاز ,, بس لو تخبرون المكتب الي حجزتوا فيه يحجز في البرج الي فوق ستاربكس ,, لانه الشيفرون يتكون من ثلاث ابراج ,,
بالنسبه للرحلات ,,
اول يوم استكشاف في البردايس .. وتتمشون على البحر ,,

وبعدها تقدرون تسون رحلات

مثلا ,, في الصباح تسيرون رحلة الى عالم البحار Sea World وبعد المغرب تقريبا تروحون صدق او لا تصدق..
رحلة الى عالم الافلام Movie World (( عاد لاتنسون تركبون لعبة سكوبيدو الصراحه لعبه حلوه وايد يوم بتلعبونها خبروني عن اللعبه ان شاء الله عقب العوده من الرحله ان شاء الله .. ولا تنسون عرض بوليس اكاديمي .. ))

وبعد المغرب تروحون الانفنيتي (( الصراحه مكان عجيب وخاصه للعرسان

رحلة الى عالم الاحلام Dream World عاد هذي الحديقه يبالها اليوم كله من الصبح الى العصر ,, عشان تخلصونها وتلعبون كل الالعاب اذا كنتوا من عشاق الالعاب,,
وفي المساء تروحون على البردايس تتمشون وتقعدون في الكوفيهات المنتشره ,, (( وانصح بكوفي قلوريا جينز ,, الصراحه اذا عرسان تراه هادي واكثر رواده من الاجانب عكس الكوفيهات الثانيه عند سنتر بردايس , ومكانه مقابل الشيفرون التقاطع الي موجود فيه برج الساعه ,, ))
زيارة متحف صدق او لا تصدق الصراحه مادري ليش ما انصح فيها ,, لانه مكان ممل اول شي مش مثل متحف لندن ,, كل الشخصيات موجوده ورا الزجاج ,, ومكان صغير وايد ,, ومكانه خلف الشيفرون ,
الجزيره جميله والغداء شوي باربكيو وفيها رحلات السفاري ويمكنكم تجربه الطائره المائيه (60 دولار للشخص" هاي الجزيره كنت بروحلها بس الظروف منعت ,, بس يمدحونها الاعضاء ,, ماقدر اقيم
مركز باسيفيك فير صح اني قايله لزوجي ما راح نشتري بس نبغي نتفرج على سناترهم
انصح فيه بقوه حتى لو مابتشترون شي ,,, على الاقل تروحون السينما ,, تغير جو البردايس ,,
رحله بحريه لمشاهدة الحيتان Whale Watchingيقولون انه مش دايما تكون الحيتان موجود ,, يعني عادي تروحون وماتشوفون شي ,, هذا الي سمتعه ,
رحلة الريف الاسترالي رحله حلوه ,, بس شوي ممله مادري ليش ,, بس اذا تحبون تجربون الريف جربوا ,, التجربه حلوه ,,,
بالنسبه للجزر الصراحه ماجربتها ,, يمكن خبراء استراليا وقولد قوست خاصه عندهم خبره في الموضوع وان شاء الله راح يفيدون..
اما باقي الاماكن الصراحه مارحتها لانه من تقديري ما احب اروح هل الاماكن الي مالها معنى ,, يمكن ناس تحب تروح الناس ازواق ,,
وعندكم سوق البحر ,, يوم الجمعه بس العام الماضي كان يوم الثلاثاء مادري الاربعاء نسيت والله اعتقد غيروا خلهم يومين ,, سوق شعبي حلو الصراحه ,,
صح عندكم العاب الي مقابله الكروان تاور ..
اذا عندك اي اسئله انا حاضر ,,,
تحياتي
خالد

سؤال المبلغ الي ذكرتيه لمدة 16 يوم ,,
ممكن تخبريني بالتفصيل الفنادق واي طيران واي درجه ,,
لانه اشوفه وايد الصراحه ,, الا اذا على الدرجه الاولى او البزنز ,,
انظر الرد

السلام عليكم
أخت كوكو بالبداية مبروك الزواج واتمنى لكم شهر عسل ممتع ورائع وحياة سعيدة بإذن الله تعالى.
الأخ العزيز خالد السويدي ما قصر بالرد ووضح امور كثيرة.
بالنسبة لي شخصيا في جولد كوست يفضل بالصباح زيارة الاماكن الترفيهية (موفي ورلد، دريم ورلد، سي ورلد، لا انصح ب ويت اند وايلد لانه لا يناسب عوائلنا العربية) بردايس كنتري. وبالمساء يفضل الذهاب الى انفينيتي، متحف صدق او لا تصدق، سبيس ووكر التنزه في السيرفر بردايس والقهاوي.
هذه افضل طريقة للاستفادة من اليوم في جولد كوست.
أنصحكم ايضا بالذهاب إلى Australian Outback Spectacular عرض الحياة الريفية النائية في استراليا. عرض مسائي ممتع يتخلله عشاء يتم عرض الحياة القديمة في استراليا بامكانك الدخول للرابط التالي واخذ فكرة عن العرض.

أخ خالد أكيد بكلامك هذا تقصد متحف الشمع Wax museum أما متحف صدق او لاتصدق فيستحق الزيارة ويفضل زيارته مساءا.
بالتوفيق

خالد السويدي
هي الرحلة باكملها تقريبا 21 يوم
2يوم في استراليا "جولد كوست" والباقي في ماليزيا
الفنادق...(الجولد كوست) في الشيفرون
ماليزيا... (لنكاوي)
(صن واي لاغون)
وحاجزين على درجة البزنسس .....بو الشباب مدلع عمره
وعلى الطيران الماليزي
وتسلم عا المساعده

مسافر الجزيرة
اشكرك اخوي مسافر الجزيرة
اذا رحنا على Australian Outback Spectacular بنلغي رحلتنا للبردايس كونتري
لانهم تقريبا كلهم يعرضون الحياة الريفية
واشكرك مره اخرى

غلا كوكو
للعلم فقط لا يوجد تشابه بينهم.
بردايس كنتري مكان مفتوح وبه حيوانات ويتم زيارته صباحا.
عرض الاوتباك في مسرح مغلق وبه عرض للخيل والاغنام وعروض فكاهية وممتعة.
روحوا الاثنين ودلعوا نفسكم