غلا القحطاني
28-03-2022 - 08:58 pm
السلام عليكم
كيف الحال ..وكيف الأجازة والحر معاكم
من زمان كان في نفسي اشارك في هالمنتدى وخصوصا اني اتابع من بعيد لبعيد ...والشهادة لله انه هالمنتدى نفعني كثير في اخر رحلة لي لسويسرا..,ولا انسى العضو القدير بو عزيز الي ساعدني كثير من حيث المعلومات بما يخص العفش الزايد ..فا الف شكر والله يعطيه العافيه
م اليوم حبيت ارسل اول مشاركه لاني متررده ومش عارفه ....احنا ان شاء الله ناوين السفر الى اوروبا
بس هالمره الوجهه بتكون غير
مقررين ان شاء الله من البحرين الى ابوظبي وبعدين من أبو ظبي الى فرانكفورت المانيا
بإذن الله الخطوط مبدئيا بالأتحاد..قبل جربنا القطريه كويسه كانت ...بس نبي نغير
وهم بعد اول مره المانيا مع اني مو متحمسه لها كثير مدري ليه
في السفره الأولى كانت الأقامه في هوم بزنس ديفون
في المره هااذي احترت كثيرر...عشان كذا حبيت اخذ رأي المخضرمين والمجربين هناا
احنا بنلف على كذا بلده ...فا اذا تكرمتوا بس ايش الفنادق اللي تنصحوني فيها..غير كذا احنا اقامتنا بتكون حول 15 يوم
ايش المخطط المعقول او البلدان اللي اقدر ازورها ....مره في بالي اروح النمسا احس حابتها اكثر من المانيا
سو تلخيص للأسئلة
اولا متى موعد السفر ... ؟؟
ولو حابين ندخل النمسا الافضل ننزل ميونخ كونها اقرب الى الريف النمساوي مثلا ( زيلامسي - سالزبورخ - انسبروك )
لانه لو اخترتم فرانكفورت فنكون بعيدين ويتطلب تغير المسار الى الجهه الغربيه من المانيا
تحياتي