1. بسم الله الرحمن الرحيم


2. وبعد فيها محلات تجارية معروفه وحلوه ومناطق العاب للاطفال ( الملاهي )

بسم الله الرحمن الرحيم

اريد اقدم لكم اقامتي مع صديقيين في فندق برجمان ارجان روتانا للشقق الفندقيه لاني بصراحه اول مره انزل فيه والصراحه وايد حلو وعلى اساس هل الشي حبيت اني اقدمه لكم يمكن يعجب احد فيكم وتدعو لي بالخير ان شاء الله
الفندق هو شقق فندقيه يعني اقل شي غرفه وصالة ( وكرمتو حمامين )
الفندق من فئة الخمس نجوم
وهو متصل بمركز برجمان الجديد والي متصل بمركز برجمان القديم الشهير
مركز برجمان القديم امامه مباشرة محطة مترو خالد بن الوليد للقطارات ( يعني تقدرو تركبو المترو والسيارة في الفندق )
المركز تجاري وكبير وفيه مطاعم حلوه ( اقصد فيها الاجواء والجو وايد حلوه وخصوصا في المركز الجديد وحتى الكافيهات )

وبعد فيها محلات تجارية معروفه وحلوه ومناطق العاب للاطفال ( الملاهي )

الفندق فيه حوضين سباحه الاول للكبار وعميق والثاني للصغار ومب عميق وكلهم منفصين عن بعض ( احسن عسب الاطفال ما يشوفو الكبار وهما بملابس السباحه ) , وبعد فيه صالة رياضيه بصراحه وايد كبيره وحلوه وحمامات سونا وبخار
الشقه فيها اشياءكثيره ضروريه للشقق الفندقيه ( مطبخ تحضيري , ميكرويف , غساله , ثلاجتين , صحون , كوايه , واشياء كثيره غير موجوده بالشقق الثانية , وبعد فيها تلفزيونين مسطحين واحد في الصاله والثاني بغرفة النوم , وبعد حمامين ( كرمتو ) الاول بالصاله وهو صغير والثاني بغرفة النوم وهو كبير , وبعد فيها بلكونه كبيره متصله بكامل الشقه وكبيره وحلوه وفيها جلسات
بس الشي الوحيد الي ما عجبني بالفندق هو انه مافيه بركنات متصله بالفندق مباشرة , يعني لازم تسلمهم السيارة وهما يصفوها لك ( طبعا مجانا ) والصراحه ما يقصرو اي وقت تطلب السيارة على طول تحصلها امامك واعتقد ان البركنات بعد تحت ضل , بس لان نحن شباب يعني كل شويه احد يطلع بالسيارة , تعب كل شوي نطلب السيارة , بس لو كنا نريد شي ناخذه من المركز لان بعد في سوبرماركت جديد ومطاعم وكافيهات , وكنا نطلع بالمترو لمول الامارات او دبي مول
وفي النهاية سعر الشقه ( 450 درهم ) لليله الواحد بدون الافطار
واسمحولي على التطويل والقصور واي سؤال انا تحت امركم
اترككم مع الصور