الملاهي الي موجوده في شنقدو (وليست سنجدو) موجوده في شينزين أيضاً للمعلومات فقط واسمها Happy Valley وشينزين قريبه من كوانزو...وكوانزو نفسها فيه ملاهي ولا أحلى أنصحك بزيارتها ...
وحديقة الباندا في شنقدو مشهوره وغير خافيه على أحد لأنها علم من أعلام هذي المدينه وقيل من زار شنقدو ولم يزر الباندا فلم يزر شنقدو ...
أما جوجايزو تقدر توصل لها من كوانزو لكن لابد من نزول ترانزيت في شنقدو والرحلات كثيره ما عليك الا تشوف موقع Elong.com وتحدد يوم الرحله... لكن انصح لو عندكم شركه على الاقل تدبر لكم مواصلات من المطار وإلى الفندق في منطقة جوجايزو لأنها بعيده عن المطار وما اعرف عن التكاسي هناك يفهمون الانجليزية او لا ... تقدر تتواصل مع الشركات السياحيه وهم يدبرون لكم سياره خاصه ... هالشي سهل عندهم ...
عندك أمثله للشركات تعاملت معهم موجوده في موضوعي ( هكذا رأيت الصين ) وفي هذا الموضوع تحدثت عن كل من شنقدو وأماكنها السياحيه وجوجايزو عله يسعفك ..
هذا الي عرفت اجاوبه من أسئلتك وأتمنى تحصل جواب للباقي..

جزاك الله خير وماقصرت
الصين نطقهم صعب وانا اعرف البلد بالانجليزي بس مو عارف احولها لحروف عربي
وكلامك وضح لي انو شنقدو اقدر ازور بها جوجايزو يعني احجز علبى شنقدو من هنا وهناك عادي اخذ اي موصلات لجوجايزو
كانت الرحله فيها ترازيت هونكونج بعدين كوانزو
لما اطلعت على التقارير عن هون كونج غيرت
والحين بخليها هونكونج --شنقدو ---كوانزو
الشكر لك اخي

1. فيها أسواق لكن اغلبها في شارع المشاه وااسمه Chun Xi Lu


2. أضف إلى ذلك حديقة الباندا وحديقة الألعاب ...


3. بالنسبة الى المطاعم العربيه ما عندي فكره عنها ...

الطريق البري من شنقدو الى جوجايزو طويل تقريبا 10 ساعات فما انصحك الا بالطياره من شنقدو ..
وشنقدو فيها اماكن سياحيه تقدر ترتبها مع شركات سياحيه ... مثل مشروع الزراعه http://www.travelchinaguide.com/attraction/sichuan/chengdu/wenshu_monastery.htm من أشهرها ..

فيها أسواق لكن اغلبها في شارع المشاه وااسمه Chun Xi Lu

أضف إلى ذلك حديقة الباندا وحديقة الألعاب ...

فيه مدينة قديمه جميله في شنقدو ما اعرف اسمها حاليا ... فيها اسواق ومحلات قديمه وتقدر تشوف أشياء من صنعهم يعملونها لك مثل الحلوى على أشكال وصور والكتابه بالاقلام القديمه لهم وهي أقلام حبر وأوراق خاصه لها وأشياء جميله حق المساء..

بالنسبة الى المطاعم العربيه ما عندي فكره عنها ...

وشنقدو مشتهره بأكلها الصيني الحار " سبايسي " بيكون جميل لو جربت وجبة " Hot Pot " لو تقرا عنها بتحصلها في هاللنك .. http://www.travelchinaguide.com/cityguides/sichuan/chengdu/dining.htm
رحله موفقه وأكيد بتستمتع في جوجايزو وعليك بأخذ احتياطات مثل علبة الاكسجين تكلمت عنها في تقريري والدواء التبتي تقدر تراويهم العلبه ويباع في الصيدليات حتى في شنقدو ويفضل تسأل الصيدلي وإن شاء الله تحصل حد يتكلم إنجليزي ... ولا تنسى تأخذ جاكيت أو بلوزه لأن الجو بارد في جوجايزو .... بداية الشتاء في نهاية سبتمبر ...
ولو حبيت مساعده عندي مرشدي الي اتعامل وياه من أهل شنقدو بيساعدك اكيد ...اظن اني سألت اخونا اسير الدوحه عن امكانية وضع اميل المرشد واجاب بأنه عادي ما دام اني تعاملت وياه ....
اتمنى تأكيد ذلك ..

مشكور وماقصرت
استفسار شنقدو كيف ادخلها من هونكونج او كوانزو ومالقيت لها حجز من هنا
واستفسار ثاني
اكتب لي اسمائهم بالانجليزي ماعرفوها بالعربي

فالك طيب
شنقدو Chengdu ومطارها كوده CTU
كوانزو Guangzhou ومطارها كوده CAN
وهونج كونج Hong Kong.
اكيد تقدر تروح لشنقدو من هونج كونج مباشره بس بتكون رحلة دولية وتعرف ان الرحلات الدولية أغلى من الرحلات الداخليه فالحل أنه بعد ما تحل في هونج كونج وتقعد فيه المقسوم تروح لكوانزو ومن بعدها تروح لشنقدو وبتكون الرحله داخليه وفي الغالب الرحلات الداخليه تكون أرخص من الدولية ...
و التنقل من هونج كونج إلى كوانزو سهل ممكن بالقطار وممكن بالباص لأنه بينهم حدود برية وغير مكلف مثل الرحلات بالطياره ..
والحجز من الانترنت هو الافضل من ناحية السعر وحرية الاختيار ولما تصل إلى تأكيد اختيار اليوم بنساعدك في ايجاد الرحلات المناسبه ..
من كوانزو أكيد أقرب بتكون عنها من هونج كونج ....
وبالتوفيق،

الله يجزاك ابغى ايميل المرشد السياحي

الله يعطيك العافيه والله ماقصرت
انا كلمت مكتب سياحي وقالو لي بيسوون لي الحجوزات داخل الصين وش رايك احجز من عندهم او لا ؟
عندي اسئله
هل اقدر اسوي الحجوزات الداخليه من هنا عن طريق الانترنت ؟
وهل هي اوفر لي من المكتب السياحي ؟
ادخل لهونكونج كم يوم وارجع لكوانزو لان الدولي
لقيت عندهم عرض وخذته الرياض -- كوازو--كوانزو-- الرياض( والفيزا متعدده )
كذا حلو ؟

kaledalmosa
والله أنا أقول ما دام الواحد يقدر يحجز من الانترنت يقضي كل حوايجه منها .. وممكن تسوي حجوزات داخلية او دولية من الانترنت وقارن بين سعر النت وسعر المكتب ...
كيف ما فهمت الرياض كوازو - كوانزو ؟ ايش كوازو ؟