سَدَن
10-12-2022 - 03:23 am
بداية الموضوع مندوب الشركة قابل زوجي في هايبر بنده بعزيزيه مول وصار يسأله عن معلومات عن تفكيره فالسفر والوجهات الي يتمناها ثم قاله انو ربحنا هدية اسبوع مدفوع الاقامة في شرم او انطاليا. ومن بكره نروحلهم نكمل الاجراءات ونشوف العروض حقتهم لو اعجبتنا.
اخذنا الموضوع تسلية ومحنا بخسرانين شي
ورحنا لمقرهم على طريق الملك عبدالعزيز جنب مستشفى الصفوة وقابلنا الموظف وصار يقرق على روسنا ويسوق لنا البكجات حقتهم
حسبناها فعلا عرضهم مغري لمدة 35 يوم تكون ب23000 وشي دفعه اولى 7900 ونقسط 440 لثلاث سنوات
الزبدة انغسل مخنا وقدر الله وكتبنا العقد
مع انا الحمدلله ابدا مب عجولين لكن كتب ربي
دفعنا 500 والباقي بندفعه الاسبوع الجاي
لما رجعت البيت صرت ابحث عن الشركة ولقيت مواضيع تخوف وتحذر من نصبهم وانها شركة وهمية.
احنا بنقدر نسحب عليهم لكن من ضمن العقد شرط جزائي نلتزم بدفع 30 من قيمة العقد
الي شككني فالموضوع من البداية كلامه ان العقد مارح استلمه الا بعد 15 يوم لين يتوقع من المدير !
طيب سؤالي الحين نقدر نسحب عليهم ولا نرد على مكالماتهم ولا بيلاحقونا قانونيا ولا نروحلهم ونتفاهم معهم ولا وش السواة المبلغ مب سهل غير أكره شي عند الإنسان أحد يستغفله ويستغله بهالطريقة
أفيدوني بأسرع وقت الله يفرج عليكم
مسألة شرط جزائي .. وهل تقدرون تسحبون عليهم أو لا .. هذا كله يبين بالعقد
لو أنا منكم .. بطنشهم وبشوف وش بيسوون