أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
حبيت اسالكم اخواني الاعضاء عن الاماكن الي يتجمع فيها الخليجين في ميونخ مثل شوارع المشاه والساحات العامه
لان حشر مع الناس عيد وهل توجد فنادق معروفه في تلك الاناكن التي يتجمع فيها الخليجين
هلا اخوي با النسبة لتجمع العرب والخليجين بشكل عام فية شارع اسمة مكسملين استراشا ويوجد فية العديد من المحلات لتسوق والمطاعم والقهاوي والمكان يوسع الصدر لوتجلس يوميا فية ما تمل تتفرج على العالم الرايحة والجاية ويوجد با القرب منة العديد من الفنادق الي هو كمبنسكي والمرديان والعديد من الفنادق ما تحضرني الان بس لو بغيت لي تعليق ثاني على الفنادق لو احتجت.....واللة خسارة كل سنة اروح بس السنة هذي ما رح اروح لاسباب وعيني عليكم باردة واللة يوسع صدوركم با العافية يارب
والله يا خوي تبي الصراحه انا من رحت ميونخ في شهر مارس الماضي ماشفت خليجيين خير شر ما ادري يمكن توقيت السفر كان مختلف عن العادة بس فيه عرب وايد يتشغلون في المحلات هناك وهذا الي الفرق الي لاحظته بين ميونخ وفرانكفورت مافيها عرب او خليجيين خير شر بس بس يمكن في الصيف تحصل خليجيين وايد هناك الله اعلم لانه انا عمري مارحت ميونخ بالصيف وبالنسبة للأماكن في ميونخ عندك شارع اسمه مارين بلاتز فيه محلات وايد للتسوق وحلو وفيه مقاهي وحركه وايد وعندك بعد الاوليمبيك بارك ماكن حلو وهادىء وفيه مساحات خضراء واسعه وبحيرة كبيرة نسبيا وملاعب كرة قدم وحدائق وفيه برج تقدر تدخله ب 4 يورو للشخص وفيه بعد متحف ال Bmw بس انا مادخلته وعندك بعد الانجلش قاردن وهيا حديقه كبيره وايد في وسطها بحيرة ومكان هادىء وحلو للمشي وايد نصيحتي اخوي في ميونخ لاتستخدم التاكسي في تنقلاتك ودايما استخدم الميترو لانه ارخص بوايد تاخذلك تذكرة قيمتها 9 يورو ليوم كامل تقدر تتنقل على كيفك في المدينة كلها بنفس التذكرة واذا عندك اي استفسار ثاني انا حاضر اخوي....
هلا اخوي فية فندق اربلا شيرتون حلو وكل الي فية من ربعنا والاخوان الامارتين واسعاة حلوة ممكن تاخذ فية ليلتين وتدور على راحتك لما توصل افضل لان فية فنادق تكون ماهي معروفة ومتداولة بينا بس حلوة واللة انا كذا العام سكنت في الماريوت 4 ليالي بعدين غيرت على راحتي اخذت فندق قريب من محطة القطارات وهناك العديد من الفنادق منها المرديان وفية فندق ثاني المشكلة اني ساكنتة بس ناسية اسمة على العموم جنب محطة القطارات فخم وحلو وقريب منة المطاعم الشاورما والبيتزا وبركركنك واخر الشارع عند النافورة ماكدونالز والمنطقة حلوة وحشرة من ربعنا ما تمشي الا عليهم واسئل مجرب وبا التوفيق
