نشر في فرجينيا

افضل طريقه لنظمامك للبعثه

that's why

15-09-2022 - 10:17 pm

السلام عليكم ورحمه الله وبركاته
استفسار عن الوضع الي حصل لي اليوم:
رحت لاحد المكاتب للاستفسار عن القبول الجامعي والبعثه الحاصل ان المسؤل (د) يقول افضل طريقه لقبولك هي كتالي:
تجيب من البنك شهاده بنكيه بحساب لايقل عن 100الف وانا اجيبلك القبول الجامعي من مدينه بريتشموند وتروح لسفاره دايركت وتقدم على الفيزا كيذا كانه على حسابك الخاص وتاخذ الفيزا والقبول الجامعي وتقدم عليهم وبنص يقول ادخل على العطيعه ولا احد المسؤلين وتقوله انك اوراقك كامله الفيزا والقبول والشهادات مترجمه وابغا قرار الابتعاث (ويعطيك التذكره في يدك) واول ماتوصل مادري وش تختم وارسله علشان مادري وشو؟؟؟؟؟؟؟ بصراحه انا مادري وش السالف
الي انا ابغا افهمه هذي الطريقه تمام ولالا وكيف مدينه برتشمون في فرجينيا من جميع الجوانب مناسبه لدراسه والمعيشه؟
فا افيدونا اثابكم الله

الدراسة في امريكا

التعليقات (9)

الرصاصي

16-09-2022 - 01:35 am

هذي الطريقه كانت تمشي لكن موب حاليا ..
أول سنه من البعثات كانت ماشيه بس من نقلوا مبنى الابتعاث الى حي الغدير
صار الامر صعب ..
حاول تقدم بخطوات رسميه .. وان ما نفعت .. تعال على حسابك ..
أدرس 30 ساعه في الجامعه من غير اللغه وجيب المعدل اللي تطلبه الملحقيه
طبعا اللي عنده واسطه يقدر يضبط أموره خلال دراسته للغه
والله ما وهقنا غير حقين الواسطات .. ناس فاشله و مستواهم الدراسي يفشل! ..
وبعدها يرفقونك للبعثه ..

that's why

16-09-2022 - 02:36 am

الله يعطيك العافيه اخوي بس انت متأكد انها ماراح تمشي لان
اذا كيذا الغيت الفكرة مع ان الي معطيني هذي الفكرة هو دكتور علشان كيذا قلت انا يمكن فاهم الوضع

that's why

16-09-2022 - 03:37 am

اعتذر عن كثرت الاسئله بس انا كل الي سويته ترجمت الشهادات وبس يعني لو اروح لتعليم هل بنكرش ولا كيف بيكون اجراءاتهم اتمنى منكم تفيدوني علشان بس اخلص بأسرع طريقه

that's why

16-09-2022 - 04:38 am

اخواني.اخواتي
اتمنى تعطوني رايكم في افضل ولايه لدراسه الجامعه من جميع النواحي
شاكرين لكم حسن تعاوكم
تراني ماحب الحر ياليت تكون بارة lol من زيني ولد الشيوخ اتشرط بعد

الرصاصي

16-09-2022 - 05:39 am

ما فيه شي إسمه أفضل ولايه ..
أمريكا تتكون من أكثر من 50 ولايه .. وكل وحده تقول الزين عندي ..
صحيح فيه بعض الولايات مستواها ما يرقى لمستوى غيرها ..
لكن طبيعتها رائعه و تحصل فيها جامعات قويه ..

that's why

16-09-2022 - 06:40 am

اولأ اشكرك على تعاونك
اخوي انا بصراحه محتار في اشياء ابغها بس ما ادري وين تتوفر يعني بصراحه جو الرياض هذا ما ابغا يعني يكون الجو حلو (صيفها مو حر) واسعارها مناسبه ونوعيت السكان تكون جيده يعني مثل ما انت عارف بعض الولايات تكون الاغلبيه مكسيكان او البلاك ولا عرب وغالبا يكون الاكسنت مضروب فأذا انت تشوف ولايات مناسبه بس ياليت تذكرها علشان يكون المراسله للجامعات سهله يعني لو مانقبلت في هذي تروح لغيرها
وشكرا على تجاوبك السريع

الرصاصي

16-09-2022 - 07:41 am

اذا بتنحاش من الحر
عندك ..
ولاية أيوا .. ولاية ساوث داكوتا .. ولاية أوريقون ..
ولاية أوهايو .. ولاية بنسلفينا ..
صيفهن رائع ,, لكن الشتاء ثلوج ..
لكن مسالة العرب و المكسيكان هذي ما اضمنها لك ..
إلا ان نسبة الخوال تعتبر قليله فيهن ..
لكن تدري .. الخوال فله حجاج .. والله اننا ندور الخوال علشان نجلس معاهم ..
صحيح كثرتهم تغث .. لكن يظلون أصاحب الظل الخفيف بالدرجه الاولى ..
على فكره الاكسنت يكون مضروب عند الولايات الجنوبيه ..
خاصتا الجنوب الشرفي اللغه الاسبانيه ماكله الجو ..
لما رحت لفلوريدا الغالبيه يكلموني اسباني .. يحسبوني اسباني ..
:
انت طفشان من حر الرياض وانا مشتاق له ..
الله يعين ..

that's why

16-09-2022 - 08:42 am

ههه احمد ربك انك مو في الرياض ولا كان قاعدين انا وياك نقلي البيض على رصيف بيتنا
اشكرك اخوي على رحابت صدرك واجابتك السريعه والله يوفق

alwesam

16-09-2022 - 09:43 am

سلام يا شباب
في خبر يقول في بعض الدول تحول خلال شهر وتصير على حساب الحكومه
وبعض الدول لازم تدرس 30 ساعه
الي عنده خلفيه يقول وش الدول الي تحول على حساب الحكومه طبعاً امريكا بس انا ابي غير المريكا

فرجينيا المسافرون العرب

افضل طريقه لنظمامك للبعثه