مساكم بالخير جميعا. اضم صوتي لصوت اخونا العتيبي لاني ناوي اسافر المانيا واريد استاجر سياره لمده شهر او شهرين. شوه هي افضل طريقه لاستاجار السياره هل يستحسن من المكاتب المتوفره في البلاد او من مكاتب الي في المانيا . او من مواقع النت .لخبراء استاجار السيارات ان شاء الله يفيدونا قبل السفر وجزاكم الله كل الخير.

ثالث واحد يتساءل .. أين اهل الخبرة يتكرموا بالاجابة على تساءلاتنا؟؟؟؟؟؟؟؟؟؟؟؟؟؟ واضيف التساؤلات التاليه /هل يمكن التعامل بالكاش فقط لاتمام عملية استئجار السيارة من ميونخ ؟؟؟ وكم المبلغ الذى يتوجب على دفعه عندتسليم السيارة فى جنيف بدلا من ميونخ ؟؟؟؟؟؟؟؟؟؟؟

أضم صوتي للشباب ...........
ارخص شركة تأجير يومي؟؟؟؟

هلا وغلا اخوي
انا بقولك تجربتي الشخصيه
انا حجزت سياره من مكتب أفيس بالرياض على طريق الملك عبدالعزيز تقاطع مخرج 9
وبعد ما رحت ميونيخ رفضو يسلموني سياره حتى يكون عندي بطاقة ائتمانيه فيها المبلغ كامل واضافة مبلغ التأمين
مع اني عرضت عليهم ضعف المبلغ كاش بس رفضو رفض تام
وبعد يومين اودعت بالبطاقة الائتمانيه المبلغ واستأجرت السياره وكان المبلغ مقارب للمكتب بالرياض عشان انا حجزت من مكتب افيس حجز جديد
واخذت أودي A4 بسعر تقريبا 400 ريال باليوم
بس أهم شي البطاقة الإئتمانيه و الرخصه الدوليه ورخصتك السعوديه ضروري

أول قاعدة في اسعار الاستئجار استأجر من ألمانيا سواءا نت أو مكتب المهم الاستلام من المانيا يطيح عنك نصف السعر (طبعا الأسعار ارتفعت السنة هذي لسوء الحظ)
ثانيا أنصح بالاستئجار من شركة سيكست اذا كان التسليم ايضا في ألمانيا
اذا التسليم خارج ألمانيا فشركة سيكست تاخذ تشارج عالي لذا ينصح في هذه الحالة الاستئجار من يوروب كار وهناك كود خصم لليوروب كار سأبحث عنه وأوافيك به ويمنحك 15% من أسعار النت
الموضوع طويل وكل شخص له تجربة مع شركة معينة وأنا أعطيتك تجاربي الكثيرة مع عدد من الشركات وطول بالك على المشرفين يالغالي ترا صفحة الاستفسارات مليانة أسئلة واستفسارات والمشرف مايدري ايش يبدي وايش يخلي ولك تحيتي

مشكورين على الردود والتجاوب /ولاكن لم تتضح لى الصورة حول حتمية البطاقه الائتمانيه فقد افادنى مكتب بدجت بجدة بعدم ضروريتها اذاكنت منهى امورى المالية من السعودية قبل الوصول اللى مطار ميونخ بينما ردود ومداخلات بعض الاخوة تفيد بعكس ذلك ( اتمنى ممن له خبرة توضيح الامر لى حتى لااتفاجأ هناك واتورط من اولها )

هلا اخوي المدني
انا قلت لك عرضت عليهم ضعف المبلغ ورفضو
لازم فيزا هناك ...
بس اذا بتدفع كل شي من هنا ما ادري ....
بس نصيحه طلع فيزا وريح بالك من بنك الرياض او سامبااو اي بنك ثاني كلها 10 ايام وهي عندك

لابد من بطاقة ائتمان كما تفضل الأخ "ورق خسران" سارية المفعول

مشكورين على التفاعل والرد (فى الفترة الحالية )لااستطيع استخراج بطاقه ائتمانيه /هل يمكننى استخدام بطاقة زوجتى (وهى مرافقة لى فى السفر )