ماقلت انت من وين جاي من الدمام او من الرياض
اعتقد انك من الرياض = افضل واسرع لك عن طريق الخرج للبطحاء الحدود
بس لاتسرع انتبه للرمال المتحركة ممكن مع السرعة تزحلق السيارة لاقدر الله
اطلع من الرياض الفجر ولماتدخل الامارات قبل ابوظبي ب 200 كيلو فيه فندق المرفاء
ريح فيه انت والعائلة والصباح واصل الى دبي ...
في اول دبي على اليمين مول الامارات الشهير ... خلفه مجموعة كبيرة من الشقق
غرفتين وصالة ومطبخ على 500 درهم واذا عندك فيزا احجز من بوكنج ارخص تطلع ب 300 اليوم
بعد يومين غير الفندق الى وسط دبي (( الديرة )) حول اسواق نايف والرقة والخور ... الخ
وممكن تطلع لك يومين للشارقة فيها اسواق شعبية ومتحف الشارقة وملاهي اطفال ... الخ
وبالتوفيق وترجع بالسلامة

1. بسم الله الرحمن الرحيم


2. الأخ الفاضل soomi 22

بسم الله الرحمن الرحيم

الأخ الفاضل soomi 22

حياك الله .. بالنسبة للسفر للإمارات بالسيارة و بحكم كونكم عائلة ... نصيحة لوجه الله إن كنت من الرياض لا تسلك طريق الخرج - حرض ... الطريق سيد واحد و مزدحم و خطير عليه تريلات كثير و رمال متحركة " طبعاً كلام اللى عبروه للإمارات يقولون ما يصلح ... فنصيحة أبعد عنه "
أنا أخوك قبل أسبوعين كنت في دبي و كنت رايح مع العائلة بالسيارة عن طريق الهفوف و كانت رحلتي كالتالي:
تحركت من الرياض بعد العصر لطريق الدمام و أخذت مفرق خريص .. طريق سايدين و ممتاز و ما فيه زحمة و دخلت الهفوف على العشاء تقريباً ... و أستأجرت شقة و ريحت و نمت و الفجر توكلت على الله من الهفوف على طريق سلوى للحدود منفذ البطحاء ..و منها للغويفات .. مركز الحدود الإماراتي ... و ما صار الظهر إلا أنا بدبي .. الحمد لله
بالنسبة للتنقل في دبي دام سيارتكم معاكم فالأفضل التنقل بسيارتك الخاصة بحكم إنها أريح لكم و بتصير تحت صرفكم في أي وقت أفضل من التكاسي و الدوخة ...
السكن و أنت داخل دبي نتلاقي منطقة على يمينك خلف مول الإمارات أسمها البرشاء هذي مليانه شقق فندقة مفروشة بتلاقي فيها طلبك إن شاء الله .. مع إني أشور عليك إنك تحجز قبل ما تسافر أفضل علشان ما تحوس إذا وصلت تقعد تدور سكن و أنت تعبان ... و المنطقة الثانية اللى فيها شقق بعد منطقة بر دبي ...
بس أبعد عن وسط دبي .. ترا المنطقة مزحومة و تشهد حالياً مشاريع تطوير و فيها تحويلات كثير تدوخك يعني تقدر تروح لها عادي بس للسكن ما أنصحك .... أنا توني راجع من هناك و شايف كل شئ على الطبيعة
و أي خدمة نحنا حاضرين
و بالتوفيق و رحلة سعيدة

الطريق من الرياض لما تدخلون حدود الامارات

الله يجزاكم خير على مساعدتي
وراح اتبع نصيحتكم ..

معليش بقط في الموضوع
الراهي
طيب وش ممكن اقدر القى ارخص شقة او فندق ويكون نظيف وقريب من مول الامارات وفي منطقة البرشا

Ali travel
نصيحه
خذ روز قاردن .. جنب الامارات مول .. حوالي 300 ريال
rose garden
ابحث عنها بالمنتدى والله ان تدعيلي

Ali travel
هلا أخوي Ali travel
أنصحك بقوة بشقق روز جاردن ..ومن واقع تجربة الكثيرين اللى سكنوها بالمنتدي يمدحونها أو تقدر تشيك مع عرب لينك بالتأكيد عندهم عروض للعيد راح تكون ممتازة و منافسة ...
و بالتوفيق و رحلة سعيدة

من أي طريق رح ماعليك الا العافية
طريق الخرج حرض البطحاء ممتاز جدا وخل مشيك في الليل والسرعة 120 بس وريح في الغويفات ومتى ماخلصت وريحت كمل على دبي
طريق خريص الأحساء مهوب شين بس ترفق بعد
الشقق الفندقية نصيحة لوجه الله اسكن في اي شقة في مداخل دبي ترى داخل توهق وبالذات ديرة كنك في البطحاء
سيارتك خلها للمشاوير الخارجية اللي حوالين دبي
وداخل دبي خذ تكسي اشويري عليك ريح راسك واعصابك وبالذات لديرة وبر دبي والراس
وان بغيت شي انا حاضر انا قبلك ان شاء الله في دبي

طريق البطحاء انا اردني عايش بدبي كل متاسافر بر بسلك طريق البطحاء
والافضل انك تتجول بالسيارة
الشقق الفندقية كثيرة في دبي مثل حبات الرز وشكرا