حياك الله أخوي في بلدك قطر
بس أول شي انتوا كم عددكم ؟؟ وكم يوم بتقعدون ؟؟
وشنهي الأسواق اللي تفضلونها ؟؟
وأي مطاعم تفضلوون مع الأسعار ؟؟ عشان نعرف شلون نرشح لك الأماكن .

للاجابه على كل اسئلتك :
هناك دليل دولة قطر السياحي ، تجده في توقيعي - اضغط على قطر .
واذهب الى دليل الاستفسارات لدولة قطر ، المثبت في اعلى البوابه وستجد كل وكل وكل ما تطلبه .
احب اذكرك بانه لا يوجد في قطر شقق مثل شلسي في دبي ، ولكن افضل الشقق في وجهة نظري هي - شقق رتاج ، وشقق فيلامنجو شارع السد ..
ارقامهم والتفاصيل ستجدهم في المواضيع التي ذكرتهم لك .

حياكم الله
ومثل ماذكر لكم اخوي تجدون كل المطلوب في الروابط اللي ذكرها
واي استفسار ازيد تامرون به تفضل

مساء الخير
اخوي رجل شرقي انا احاول اتصل على فلامينجو و رتاج و يقولي الرقم غير مستخدم !! , ياليت تعطيني الارقام بالمفتاح الدولي , علما بأني اضفته و هو 0097 صحيح ؟ او اضيف 4 ثانيه قبل الرقم ؟
وياليت برضو سعر الصرف للريال القطري , وكم يساوي من ريال سعودي ,
طلباتي واجد صح ؟
هلا روح المسك ,, احنا عددنا تقريبا 18 عائلتين , وراح نقعد في قطر 6 ايام ان شاءالله , وفينا عواائل و شباب طبعا !
احنا ناكل كل شي , بالنسبة للاسواق الي تشوفونها مناسبة اول مره نجي قطرر ..
مرحبا بالرجل الشرقي ,, الله يعطيك العافيه دليل شامل و كاامل ماقصررت , بس فيه سؤال بالنسبة لشقق رتاج و فلامينجو هل هي قريبة من السوق ؟ لأني الصراحه ماعرف شنو في شارع السد
قطر 2007 ,, يعطيك الف عافيه على ردك , ان شاءالله نسير عليكم في ديرة " بني تميم " ديرة الشيخ ولد العم
شكرا جزيلا

1. ماشاء الله تبارك الله


2. إن شاء الله تنبسطون في قطر .


3. سيتي سنتر :

ماشاء الله تبارك الله

إن شاء الله تنبسطون في قطر .

شوف هالرابط خاص بالسكن بالإضافة الى اللي قال لك عنهم اخوي رجل شرقي ، شوف الاسعار اللي تناسبك واختار ، مع العلم ان الشقق اللي حطيت الرابط لها موجودة في منطقة السلطة ، والسلطة قريبة من السد يعني 10 دقايق بالسيارة في عز الزحمة .
تفضل الرابط :
https://artravelers.com
وفي رابط مثبت للمجمعات والأسواق في قطر ، راجع الصفحات وشوف اسألة الأعضاء والردود علليهم ، بس بحط لك تعليقي عالأسواق اللي فالموضوع .

سيتي سنتر :

مجمع كبير فيه كل اللي تحتاجونه من ملابس واثاث وسوبر ماركت كبير وصيدليات وصالة تزلج ومطاعم ، مع العلم ان المطاعم موجود في اقصى يميين المجمع واقصى شمال المجمع ، وبعد في مكان لألعاب الأطفال وجنبه على طول بتلقى المطاعم ، بس انا افضل المطاعم اللي على الجهة الثانية من المجمع ، وعندكم بعد مدينة كيوتل للأطفال ، للأمانه مادخلتها بس يقولون انها ترفيهيه وتعليميه بنفس الوقت ، ومدري اذا فاتحه على طول ولا .
بعد ماتاخذون جولة في الستي سنتر مروا على الكورنيش واخذوا جولة فيه والله يعينكم عالحر والرطوبة ههه .
وبعد عندكم السلام قريب جدا من الستي سنتر ويه الماركات اللي اسعارها مرتفعة .
اللاند مارك :
مجمع تجاري نس نظام الستي بس بدور واحد ومافيه صالة تزلج ، لكن التسوق فيه حلو وممتع كثير ، بعد ماتخلصون منه روحوا حديقة دحل الحمام قريبة من المجمع قعدوا فيه وتسلوا لين اخر الليل .
حياة بلازا :
روحوا عالساعة 11 لعبوا الصغار وتسوقوا فيه وبعدها طلعوا على مجمع فيلاجيو روعه لأنه قريب منه وهذا المجمع من حيث التصميم تغدوا وتسوقوا ، وبعد يحتوي على صالة تزلج ،
وعالمغربيه او بعد مايظلم الوقت روحوا استاذ خليفة اللي صار فيه الاسياد وتمشوا في الحديقة .
وترى كلهم يصيرون على شارع واحد ، وظاهرين للعين يعني مراح تضيعون إن شاء اللهلي عوده عشان اعطيك المختصر المفيد للمجمعات .

1. المول :

المول :

مجمع قريب من المطار وهو أبعد المجمعات ، بس يستاهل تزورونه وخاصه الصبح وتتغدون في واحد من المطاعم اللي موجوده هنااك ، وبعدها تروحون اللولو وهو يصير على يمين المول ، طبعاً اللولو سوبر ماركت كبير ماعتقد يستاهل تزورونه الا اذا حبيتوا تشوفون الهنود اللي في قطر فهم متمركزين هناك .
لكن للأمانه هو سوبر ماركت حلو .
الرويال بلازا + المفتاح + الصالون الازرق + سنتر بوينت موجودين ي شارع السد ، وشارع السد شارع حيوي وتجاري فيه محلات ومطاعم .
يعني خلوا يوم كامل حق شاارع السد بين تسوق ومطاعم وبعدها روحوا الكورنيش ترى كورنيشنا حلو بس الجو مخرب
عندك قريب اشارات رمادا مجمع مطاعم في مطاعم كثير ، وعندك شارع سحيم بن حمد هالشارع يوديك على اشارات رمادا فيه مطاعم ويد مثل شيليز ابل بيز هارديز ماكدونالدز وغيرها من المطااعم ، يعني اختاروا بين المطاعم اللي عند اشارات رمادا والمطاعم اللي على هالشارع .
وسوق واقف لاتفوتونه وهو قريب من منطقة الأسواق ، روحوا قبل سوق الديره وهو مشهور للأقمشه والعسيري بعد مشهور بالأقمشه وسوق فالح للعبايات ، اما سوق الاحمد فخلاص صكروه ، روحوا قبل للأسواق وبعدين روحوا سوق واقف لأنهم قريب من بعض ويفضل تروحون سوق وقف بعد صلاة المغرب .
مع العلم ان منطقة الأسواق قريبة من الكورنيش .

روح المسك يعطييك ألف عافيه وماقصرتي بشي
بس ابي اعرف سعر الريال قطري كم للسعودي ؟
وبالنسبة لشارع السد هو عبارة عن ايش فيه بالضبط ؟
و يعطييك مليون عافيه

الله يعافيك يارب
بخصوص العملة ماقدر أفيدك
بس اتوقع الفرق بسيط
بخصوص شارع السد هو يصلح للشباب أكثر للتمشي هو وشارع النصر ، شارع السد فيه محلات تلفونات وفيه المجمعات اللي ذكرتهم قبل فيه مطاعم تبيع شغلات خفيفة حق التيك آواي ، ومنه تقدرون تروحون على شارع النصر ، تقريبا نفس شارع السد كل واحد يمشي ويستعرض سيارته وكشخته ههه
يعني يصلح لكم يالشباب أكثر شي ، اما للأهل خلوهم العصر عشان يروحون المجمعات اللي فيه .
الزين في شارع السد انه نقطة التقاء لمعظم الشوارع ، اللي هي شارع النصر وشارع سحيم بن حمد وإشارات رمادا ، والمجمعات اللي قريب من استاد خليفة .
اي سؤال أنا حاضرة .

شوف اخوي الحين دخلت موقع بنك قطر الوطني وحولت 1000 ريال سعودي إلى قطري وطلع لي هالمبلغ 967 ريال قطري
وسعر الصرف 1 ريال سعودي = 0.97 ريال قطري
يمكن العملة تختلف إذا صرفتها من السعودية