1. 5 ايام بوكيت


2. بانكوك:

1- راح نكون انشاالله في تايلاند في 17-7 وراح نوصل الصباح وقررنا اننا نحجز على رأيكم طيران داخلي من نفس المطار عندالوصول

• تصرف سليم ،،

2- بعد مانروح لبوكيت راح نكون انشاالله هناك اتوقع الظهر وفي فندق ميركيور لمدة 4ليالي

• فندق ممتاز وغرفه واسعة وموقع هادئ مناسب جدا للعوائل

3- الليلة الخامسة والاخيرة في بوكيت اخذنا فيلابمسبح في ماليسا ( وماادري هل يصلح اننا نطلع لشي في اليوم الاخير اللي يكون بماليسا او مايصلح )

• على راحتكم كل شي ممكن ماليسا قريب من الباتونق لانه في شاطئ كاتا يعني بالتاكسي 10 دقايق.

4- الليلتين الاخيرات انشاالله راح نكون في بانكوك في فندق نوفوتيل سيام سكوير ( للتسوق )( ماهي المجمعات التجارية اللي اقدر اوصلها على رجولي من الفندق ) ؟؟

• سيام باراقون (غالي) وهناك كذا مجمع في سيام واسواق وباقي المجمعات قريبة بعد وبالتاكسي ما راح تكلف كثير لانها قريبة مثل ام بي كيه وهو الابرز في بانكوك كل ما تحتاجونه فيه و مجمع البلاتينيوم رائع واسعار مميزة يقع في الباتونام.

5 ايام بوكيت

اليوم الاول: بما ان الوصل ظهرا على طول تتركون الشنط بالفندق وتطلعون تحجزون من احد المكاتب رحلة الفانتزي شو لنفس اليوم استغلالا للايام القليلة لان الرحة تقريبا تبدا من 6 او 7 مساء حتى 11 ليلاً سعر الرحلة للشخص البالغ مع بوفيه عشاء تقريبا : 1400 الى 1600 بات ، لما تحجزون ترجعون على طول تريحون في الفندق الى موعد وصول الباص ، يفضل تحجزون رحلات الايام التالية بعد مرة وحدة او كل رحلة تحجزونها قبل يوم.
اليوم الثاني: رحلة ايلاند سفاري تختارون البرنامج اللي يناسبكم من المكاتب لان نفس الرحلة منقسم لعدة برامج لا تختارون اللي فيها الرافتينق ( التجديف بالنهر ) لانها ما تصلح للعوائل يعني اختاروا رحلة شاملة روكوب الفيلة وعروض الفيلة و سياقة البانشي وغيره. بعد انتهاء الرحلة تقدرون تستغلون الوقت سواء للغداء او زيارة مصانع او الذهاب لحلبة سيارات الكارتينق وفي المساء الخروج للعشاء في الباتنوق والتمشية على الشاطئ وتفقد الاسواق ومجمع الجونسيلون.
اليوم الثالث: رحلة جيمس بوند ايلاند ودائما الرحلات البحرية احجزا مركب كبير اولا افضل للعوائل واقل سعر الرحلة من الساعة 7 صباحا الى 4 عصرا السعر للبالغين تقريبا بين ال 800 الى 1100 بات شاملة الغداء ثم العودة من الرحلة وتقضية اليوم مثلا بزيارة مجمع الجونسيلون اعتقد فيها سينما وبولينق واسواق حلوة ومرة وحدة تناول العشاء.
اليوم الرابع: رحلة بي بي ايلاند من 8 صباحا الى 4 عصرا شاملة الغداء والسعر لا يختلف عن الرحة اللي بالاعلى ،، وطبعا العودة والبرنامج المعتاد او زيارة مجمع السنترال فيستيفال بالتاكسي مع العلم ان فندق ميركيور فيه خدمة توصيل للمجمع مجانا في باص سياحي تقدرون تسالون عن الخدمه لاني رحت مرة وكان من الساعة 2:30 الى 6 مساء وتخلونه لليوم الاخير افضل ،، ومثلا تروحون مساج الاقدام بالليل وتتناولون العشاء.
اليوم الخامس: رحلة بوكيت زوو وهي حديقة حيوانات وعروض ويفضل اختيار وقت مبكر للذهاب لها لاستغلال الوقت لانه اليوم الاخير واذا رجعتوا مثلا قبل الساعة 2 تشوفون لكم رحلة مثلا زيارة الفيو بوينت و بوكيت تاون او تقضية الوقت على الشاطئ والعاب البحر مثل البراشوت والبنانا بوت وابتعدوا عن الجتسكي لانهم نصابين.

بانكوك:

اليوم الاول : مجمع mbk هذا المجمع يستحق يوم كامل للتسوق وكل البضائع موجودة فيه ومساء الذهاب الى سوق سيام باراديز الليلي او سوق البات بونق ( البات بونق في بضائع حلوة وماركات تقليد لكن يعيبه انه بوسط شارع بارات ومراقص لذا غض البصر اثناء التسوق مهم ) .
اليوم الثاني: مجمع البلاتينيوم في منطقة الباتونام ثم عصرا التوجه لمجمع ذي مول في منطقة بانكابي وهو مجمع جميل وكبير وفيه ملاهي مائية ،، وبالليل التسوق بمنطقة العرب والاكشاك المنتشرة هناك ومحلات الماركات المقلدة مثل فريدة علي و حفيظ وغيرهم ..

بعد كلام ولد البحرين ... ماعندي اي كلمة زياده .. بالنسبه لي اهوه استاذ وانا طالب ..
يعطيك العافيه ولد البحرين ..
ورحله موفقه الجمان المنثور

ولد البحرين ماشاالله عليك وجزاك الله خير على الشرح الوافي لكن فيه نقطة مهمة ابي اسأل عنها وهي الرافتنج ؟؟
ماهي الرافتنج وليش ماتصلح للعوايل حناشخصين بس انا وزوجي احس نفسي اجربها من كثراللي يمدحونها بس بصراحة مافهمت وشي بالضبط وكيف طريقتها ؟؟ وهل هي تصلح للي مايعرفون يسبحون ؟؟
س- بالنسبة للمساج ابي وحدة تجي للفندق تسوي مساج ؟؟ لاني مااقدر اسويه برى الفندق من وين اجيبها وهل اللي بالفندق يسوون مساج داخل الغرف عادي وكم اسعارهم تقريبا؟؟
س-ابي رسامة ترسمني بس ابي اجيبها للفندق لاني البس نقاب مااتحجب وصعبة انها ترسمني برى فهل الرسامات موجودات في بوكيت ولامافيه الارسامين رجال ؟؟ ( اعذرني سؤال بايخ بس وشسوي طاقة براسي ابي رسامة )؟
انتظر الرد ؟؟ ومشكور وماتقصر
الرفاع الشرقي شاكرة على مرورك على الموضوع

ولد البحرين ماشاالله عليك وجزاك الله خير على الشرح الوافي لكن فيه نقطة مهمة ابي اسأل عنها وهي الرافتنج ؟؟
ماهي الرافتنج وليش ماتصلح للعوايل حناشخصين بس انا وزوجي احس نفسي اجربها من كثراللي يمدحونها بس بصراحة مافهمت وشي بالضبط وكيف طريقتها ؟؟ وهل هي تصلح للي مايعرفون يسبحون ؟؟

• اختي الرافتينق هذي قوارب التجديف المطاطية بس لانها تصير في نهر وسرعة المياه عالية فممكن تكون خطيرة على الاطفال او النساء الحوامل او الكبار في السن وهذي صور توضح هذي الرياضة طبعا راح يلبسونكم خوذة ولايف جاكت حتى محد يغرق

اذا تبون تجربونها انا ما اتحمل مسئولية اي حادث لا سمح الله ههه
س- بالنسبة للمساج ابي وحدة تجي للفندق تسوي مساج ؟؟ لاني مااقدر اسويه برى الفندق من وين اجيبها وهل اللي بالفندق يسوون مساج داخل الغرف عادي وكم اسعارهم تقريبا؟؟

• اغلب الفنادق عندهم مراكز مساج وصحية وممكن تطلبين منهم المساج بالغرفة ، عموما مساج الفنادق اغلى من الخارج ،،

س-ابي رسامة ترسمني بس ابي اجيبها للفندق لاني البس نقاب مااتحجب وصعبة انها ترسمني برى فهل الرسامات موجودات في بوكيت ولامافيه الارسامين رجال ؟؟ ( اعذرني سؤال بايخ بس وشسوي طاقة براسي ابي رسامة )؟

• اغلب الرسامين رجال اختي ما اعتقد اني صادفت رسامة ،، لذا عليج بالسؤال عند احد الرسامين يمكن يدبرون لك احد من معارفهم .

الله يوفقك اخوي ويسعدك ماقصرت على سرعة ردودك
وبالنسبة للرافتنج مشكور يوم حطيت لي الصورة بصراحة خفت ومابعدالصورة اللي منقلب فيها القارب شي
الهج ة ههه ( لامااعرف اسبح ولي وجه بعداسأل عنها ههه

الله يقطع شرك يا ولد البحرين الصور الى حطيتهم عن الرافتينج تخلى الوحدة توب انها تجربه

صراحه ماقصر اخونا ولد البحرين مانقدر نزيد على كلامه شي
ولكن انصحكم عدم الخروج من المنتجع اخر يوم لانه يعتبر استرخاء في منتجع جميل
البرامج اتفق مع اخونا ولد البحرين و حجز الطياران افضل لحظة الوصول على طول

الفلاسية
والله انكم خواتي وخايف عليكم ،، هذي الرحلة كل شي توقعي يصير فيها احتكاك بالاحجار بالنهر او السقوط عليها او انقلاب القارب وغيره يعني افضل شي تكون للشباب وفي بنات جربوها وما حصل لهم شي بس الاحتياط واجب
بس انا تعمدت احط صور تخوف حتى تعرفون مخاطرها ههه

ولد البحرين
حبيبي بنات الوقت لاتخاف عليهم والله ما شالله فيهم جراه مو موجده عند بعض الشباب تلقاهم بالمغامرات قدام وبعض الشباب يتردد
ههه