ناعس الجفن..
19-07-2022 - 04:26 pm
انا رايح للمغرب(اغادير) بعد اقل من شهر وانا صراحة متخوف لأني احتمال كبير اكون لوحدي عموماً عندي كم سوؤال اتمنى من الي قد سافرو للمغرب انهم يجاوبوني عليها:
1 انا معي 25000 ريال سعودي من غير التذكره هل راح تكفيني علماً اني راح اجلس 15 يوم بالظبط تكفون لا اتوهق .
2 هل يجب علي تخصيص ميزانية لبخشيش هناك؟
3 اي نصايح استفيد منها خصوصاً اني اول مره اسافر للمغرب؟
وشكرا جزيلا لكم مقدماً،،،
اول شيئ مرحبا بك في الرابطة - رابطة المزاعيط
ثاني شيئ تكلفة الرحلة يحددها الشخص نفسه واهتماماته وطبيعة تعامله وحرصه
اذا انت راعي سهر وخلافه بتصرف بس ما يوصل المبلغ اللي حددته
انا اشوف ان المبلغ يكفي وزيادة بالنسبة لي انا يكفيني 10-13 الف ريال بنفس المدة وما احرم نفسي من شيئ
البخشيش وانا اخوك شر لا بد منه بس الذكي اللي يعرف متى وكيف ولمن يعطي
خلك طبيعي وامش عدل يحتار عدوك فيك وترى نصايح الاخوان مو ضروري تنطبق عليك
ولا تظن ان اي واحد بيطلب منك بخشيش وكأنهم بيلاحقونك في كل زاوية
يمكن تروح وترجع ولا دفعت ولا درهم واحد بخشيش ... اللي يطلب منك اعتذر منه وخلاص
عادة اللي يطلب بخشيش ويحاول يستغلك بعض موظفي الامن سواء اللي في المطار او في الجمارك
او في الشارع -الامن الوطني والدرك الملكي- طبعا اذا لقوا عليك زلة .. بس اذا كنت في حالك ما عليك خوف
اسكن في فندق ولا تستحي وتخجل من اي سؤال ولا تدفع شيئ الا بعد ما تسأل مرة ومرتين وثلاث
وحاول بقدر الامكان انك تحسسهم ان فلوسك محدودة وانك مانت دافع شيئ الا اذا كان يستاهل الدفع ..
اذا رحت مطعم وقدم لك خدمة تستاهل وطلب بخشيش قله بعدين وحاول تماطله يومين او ثلاثة وبعد كذا عطه بس لا يتجاوز 20 او 30 درهم
لا تحاول تكون كريم ******انت جاي في اجازة موب جاي توزع فلوس
اذا ركبت تاكسي اطلب منه يشغل العداد وحاسب على هذا الاساس
ترى البلد حلوة واهلها بعد وكثير من نصايح الاخوان للحرص بس ولا تظن انه هذا اللي يصير طول الوقت
اتمنى لك سفرة موفقة وسعيدة