حياك اخوي
بالنسبة لمندرين اشوف انه اختيار موفق جدا
ولكن في كاميرون انا اشوف تختار اكوتوريال بدل استروبري
وعندي لك اقتراح طالما انك عريس
ياليت لو تخصص لك ليلة وحده في بوكيت تنجي
ولو جدولك ما يسمح ممكن تلغي افموزا وتخليها لبوكت تنجي
لو تبي تتعرف عليها أكثر تفضل هذا رابط رحلتي فيه صور عنها
انا حاط الرابط على صفحة بوكيت تنجي
https://artravelers.com

إسكن في أفاموسة 3 ليالي في شالية مع حمام سباحة خاص ومسور(وعيش أيامك) وأنصحك إنك تخليها أول ماتوصل الي ماليزيا
وبنسبه لكوالالمبور خلها اخر محطة لك أما بخصوص الفندق إدخل علي الرابط في الأسفل وهو موضوع للعضو فهد يسأل فيه عن فنادق كوالالمبور عسي أن يفيدك
أفضل فندق من حيث الموقع في كوالالمبور https://artravelers.com

1. ترا الجزيره واجد ممتعه ..


2. ولا تنسى ركوب التلفريك .

كوالا-فندق مندرين
بياننق-منتجع بيرجايا
لنكاوي-شيراتون لنكاوي
كاميرون سيرابوري
افامورز لا اعرف
ولكم جزيل الشكر
اخي العزيز .. انصحك يا اخي بتعديل جدول الرحله لانك بهذي الطريقه سوف تتعب من مشاكل ترتيب الحجوزات الطيران .. وتتعب وتعب زوجتك وانت في اول مشاوير شهر العسل .
انصحك كاللآتي.
1/ سوف تاتي الى كوالالمبور وانت مرهق من رحلة السفر ... وتستقر في كولالمبور ,, وانصحك بفندق الخيول الذهبيه . (((((( كولالمبور 3 ليالي )))
2/ ثم السفر الى بياننق اعتقد قصدك بيننج- انصحك بمنتجع موتيارا بيتش ((((( بياننق 2 ليلتين )))
3/ ثم السفر الى لانكاوي اما بالباخره او بالطائره من بياننق - بيننيج- (( لانكاوي 3 ليالي ))) انصحك بشيراتون بردانا .... تجربه شخصيه ((( روح وانت مغمض ))) بس قول لهم هني مون (( شهر عسل )) .. واجر من عندهم مركب وقوم برحلة صيد بحريه ، وشوف الجزر هناك .

ترا الجزيره واجد ممتعه ..

3/ ثم السفر بالطائره من جزيرة لانكاوي الى كوالالمبور والذهاب فورا الى جينتق - جنتنج - تبعد ساعه ونص تقريبا من المطار و70 كيلوا من كوالالمبور انصحك ب (( فندق جنتنق او فندق ...... هايلند )) هم افضل الفنادق هناك ، سوف تلامس الغيوم هناك لانها منطقه جبليه والعاب ..(( 2 ليلتين في جينتنق )) حلو .

ولا تنسى ركوب التلفريك .

4/ ثم الرجوع الى كوالالمبور للتسوق (( فندق الماريوت )) 3 ليالي .... للتسوق ، واخترت فندق الماريوت لانه على الشارع التجاري وقرب مكان للتسوق من المجمعات التي حوله (( يوجد الكثير من المجمعات حوله للتسوق )) ما عليك الا ان تنزل وتتسوق برجلك ، لا تاكسي ولا هم يحزنون .. وقريب من حي العرب .
هذي 13 ليله ، 14 يوم ، واتمنى لك التوفيق ولاحظ في خطة الرحله التي وضعتها لك القدوم اولا الى كولالمبور ... وكذلك الذهاب من كولالمبور .... لان ذلك افضل لك ، ويرتب اورك الساحيه والتسوق .. فكوالالمبور في المره الاولى للسياحه وذلك بالذهاب الى الاماكن السياحيه دون التسوق ... لانك لو تسوقت سوف تجبر لحمل كل ما شريته الى اي مكان تذهب اليه سواء بالباخره او بالطايره او بالسياره .. مما يزيد الحمل عليك ، لذلك تركت التسوق اخر شيء لكي تتسوق ومنها الى بلدك بحفظ الله .
والله يوفقك ...
رجل شرقي
الدوحه / قطر

أنا جربت فندق مندرين روعههه للعرسان وفندق متيارا في بيننق السباحه فيه خيال وإذا تبي تروح في غير الصيف روعه لأنه مافي عرب أبد وممكن تسبح مع المدام في المسبح والبحر لأنه تقريباً ما في غير كم أجنبي عجز

1. تبا العلم ياعريس


2. انا توني جاي ماكملت 24 ساعه وخذ العلم الصامل ولاتنساني من الدعاء


3. نصيحه

تبا العلم ياعريس

انا توني جاي ماكملت 24 ساعه وخذ العلم الصامل ولاتنساني من الدعاء

المندرين من افخم الفنادق ولاغبار في ذلك بس المشكلة موقعه وسط الصجه والرجه جنب البرجين وفي منطقة وسط البلد وقمة الزحام يعني تخيل انك في زحمة باب مكه في جده او البطحاء في الرياض مع فارق التشبية طبعا يعني تطفش انت والمدام اذا بغيت تروحون مشوار من الزحمه وانصحك بفندف العرسان الخيول الذهبية انا توي ساكن فيه بس الفرق اني ماني عريس لكني تخيلت اني عريس انا كنت اخذ غرفة ديلوكس كان الفرش روعه وقمة الفخامه لكن يوم وصلت قلت ابي تكون مطلة على المسبح واخذني واحد من الصينين على جنب وقالي تعال اوريك اللي باعطيك وويش اقولكم بالنسبة لي مااسمية الا جناح ملكي غرفتين وصالة بها بلكونه وجميعها مطلة على المسبح والبحيرة وطلب اني اعطيه له هو 150 رينجت عشان يدبرها لي وبدون تردد اعطيته ولو طلب 500 لااعطيته لكن الزبدة جرب الخيول الذهبية وماراح تندم.
بينناج فندق بي فيو بيتش قريب من السوق الليلي والشاطئ حقه روعه توجد عليه جميع الالعاب وبه مسبح خاص في السطوح بس انت وعيالك استاجرته لمدة ساعه ب 150 رينجت واستغرب من كلام بعض الاخوان يوم تقول مافيه عرب يمكن تسبح مع المدام واقول ياخوي راقب الله سبحانه في السر والعلن وان شاء الله بتلقى التوفيق رب العزة موجود في كل مكان وليس في بلدنا فقط ستجد من تخاف الله وتتحجب الحجاب الشرعي الكامل وستجد من رمت بالشرع والعرف عرض الحائط ولك الخيار
لكناوي شيرتون بيردانا ماجربته لاكن من كثر ماسمعت عنه من الاخوان انا سكنت بالهوليدي فيلا مايسوى
افاموزا خذ فيلا خاصه بمسبح ليليتين ولاتفوتك المهرجانات اليومية التي ساتكلم عنها بالتفصيل في تقريري عن الرحلة حيث كانت مهرجانات افاموزا امتع رحلة لنا
كوالا اخر شي اذا تبون 1000 في 1
لايفوتكم التايم سكوير
سينما - مطاعم - اسواق - سوبرماركت - ماركات عالمية - ستار بكس وانترنت مجاني وغير ذلك
وانا كنت ماخذ فيه 6 ايام ولاقدرت اكتشف خفاياه لدرجة ان الاسواق قسمناها كل دورين في يوم ووفرنا مشاوير التكاسي والتنقل من سوق لاخر
الكاميرون كانت من ضمن برنامج رحلتي والغيتها يقولون تعب وهجوله وفنادقها ومطاعمها ماهي بذاك الزود لذلك لاانصح بها خصوصا انك عريس تبي الراحه وليس التعب

نصيحه

بتتعب اخوي من كثرة الاراء نظرا لاختلاف اذواق الناس وقد تعبت اثناء وضع برنامجي من اختلاف الاراء وصرت كل شوي اغير لكن استخير واختار وتوكل على الله وشوف وش الشي الاقرب الي نفسك ودعواتي لكما ان يبارك الله لكما ويبارك عليكما ويجمع بينكما في خير ودمتم

اشكركم اخواني على تعاونكم معي واسال الله ان يجعله في ميزان حسناتكم
وبالنسبة للصرف كيف ابدل الفلوس دلوني على مواقعها

أخي الكريم العريس وهيب أسأل الله أن يبارك لكما ويبارك عليكما ويجمع بينكما بخير..
بالنسبة للفنادق نصيحتي أن يكون لمندرين في كوالا نصيب واحرص عند الحجز أن يكون بواجهتين (لا تفوته نصيحتي لك) أما في بيننق فلا أنصحك مطلقا بالسكن في موتيارا فهو اصة هذي السنة سيء لأبعد درجة (سكنت فيه ليلتين وندمت) أنصحك ان تتأكد من جاهزية منتجع راسا ساينق حيث أنه تحت الصيانة حاليا ومتوقع الإنتهاء منه خلال الشهور القريبة القادمة فهو أفخم منتجعات بيننق على الإطلاق أما في لنكاوي فلا تبتعد عن منتجعين هما الشيراتون بردانا وبيلانقي بيتش .
ملاحظة :في كوالا أنصحك بقضاء يوم كامل في ألعاب التايم سكوير فهذا المجمع قمة في كل شيء(ألعاب راقية-تسوق-ثري دي سينما-مطاعم...) حقا يستحق الزيارة .
تمنياتي لك بالتوفيق والنجاح في حياتك القادمة.

يقولوا ان افاموسا لا تنفع اي تطفش فيها
مايحتاج تروحها

حياك اخوي وهيب
الصرف تلاقيه في البنوك والأسواق يعني المراكز والمطارات
لكن طبعاً انتبه تصرف في المطارات والبنوك لأن سعر الصرف منخفض جداً
أنصحك تصرف من المراكز التجارية مثل سوق سوقو وبعض المراكز في شارع العرب
بالنسبة للصراف في تايمز سكوير سعره اقل من غيره