بسم الله الرحمن الرحيم
هاهو الحلم الذي استغرق ثلاث سنوات متواصله على وشك ان يتحقق يارب تمم
بالسفر الى ماليزيا اسيا الحقيقه
وها انا ذا قد فريت الين افتر راسي (امحق من لغه)
وبعد فهم للمخارج والمداخل والخطط الحربيه والعسكريه والمداهمات يووه وش جاب طاري الارهاب
قررت اني اسوي برنامجي بنفسي
وبعد ماتشورون على بروح اعتمده عن الشيخ : محمد الشرقاوي
على الشركه العربيه (وش رايكم فيه ينفع يعني قد جربتوه) واعطوني رايكم بالفنادق ترى انا اختارتها من حالي سويت شختك بختك واخترتها
عدد افراد العائله الكريمه
انا والمدام وثلاثة اطفال 11 و8 و 6 سنوات
موعد السفره بحول الله 27 جون والعوده 28 جولاي على الاماراتيه ترانزيت ابو ظبي
اول يومين في سيلانجور في هوليدي فيلا
بعدين على بيننق بالسياره ونقعد 3 ايام في باي فيو بيتش سويت عائلي
بعدين على لنكاوي بالبوت ونجلس مدة 3 ايام في لنكاوي لاقون سويت بعد من لنكاوي الى كوالا ممكن بالطياره واذا فيه امكانيه بالسياره علموني؟
في لنكاوي بنجلس بقية الايام في فندق استانا
ومنها بنروح زياره يوم للكامريون
ويوم لجنتنق
ويوم لافاموسي
- ودي اسكن في الخيول الذهبيه بس اعتقد بتكون غاليه
- (هل ممكن لنا نحجز غرفه كبيره والعيال ينامون معانا وللا ممنوع اكثر من اربعه بالغرفه)
وش فيه اماكن لازم ازورها ماذكرتها طبعا طبعت الورقه اللي مسويه ابو لينا الله يجزاه خير
الله يسرلكم يا رب ويوفقكم ويتمم على خير
أخوي بالنسبة لأول يومين تقول فيلل هوليدي بسلانجور ؟!!
ما أدري وش هذي الفلل بس أول مرة أسمع عنها
إذا تبي نصيحتي خذ في صن واي لاقون بالفندق الرئيسي أو برج الميرمايد التابع له
العودة من لانكاوي إلى كوالا مالك الا طيارة أو ترجع بينانق وتطلع منها سيارة
الكاميرون زيارة يوم واحد متعبة نوعاً ما لأن طريقها بعيد وجبلي كنك رايح الجنوب عندنا
يعني صعب ما تريح فيها وتنام على الأقل ليلة كاملة
بالنسبة للخيول الذهبية ما أدري إذا عندهم جناح بس غرفتهم وسيعة
لو يعطونكم فراش أرضي ما أدري عن نظامهم إذا فيه إمكانية