السلام عليكم ورحمه الله وبركاته
احب اقول لكم اني رجعت من سفرت العمل خلال شهر رمضان،وشملت تايوان 4 ايام وهونج كونج 4 ايام وبانكوك 6 ساعات.
بالنسبه لتقرير السفره فأرجو المعذره بيتأخر شوي مثل ما انتو عارفين رمضان وبعده العيد (على طاري العيد كل عام وانتو بخير وعيدكم مبارك) لكن اوعدكم بتقرير وخصوصا تايوان لان ما فيه أي تقرير عنها من قبل وعلشان اصبركم للتقرير عندي لكم صور من تايبيه 101 وهو اطول مبنى في العالم مع ملاحظه فيه فرق بين مبنى وبرج عدد الادوار واضح من الاسم 101 دور.
وباخذكم بجوله بالصور مع ملاحظه ان وقت الكيمرا غلط فلازم اضافه 5 ساعات على التوقيت لمعرفه الوقت الصحيح.
اول صوره كانت من الفندق الصبح

هذي صوره الشارع اللي المبنى فيه

والصورتين اللي تحت من داخل المبنى الرئيسي لكن قالوا ما تقدرون تطلعون فوق من هنا ولازم تروحون المبنى المجاور او الملحق ومن الدور الخامس تقدرون تاخذون تذاكر وتطلعون فوق