ابو مفاز
23-07-2022 - 01:06 pm
السلام عليكم ورحمة الله وبركاته
انا مخطط على سفره باذن الله راح تكون في شهر 5 ميلادي وتقريبا شبه حددت الاماكن اللي بروح لها لكن حاب اخذ رايكم فيها واتمنى تفيدوني بافضل الاماكن اللي تستحق الزياره
باذن الله خط الرحله راح يكون من الرياض الى باريس وبجلس فيها 4 ايام
وبعدها باذن الله التوجه لميونيخ وحاظ في بالي اجلس فيها 3 ايام طبعا طريقة التنقل من باريس لميونيخ للحين ماحددتها لكن اقرب شي راح تكون على طيران داخلي ومن ميونيخ افكر استاجر سياره شرايكم ..؟
وبعد ميونيخ زيلامسي وباخذ فيها 5 ايام
واخر شي بصراحه محتار اروح فيينا او البندقيه وش تقترحون علي ولماذا .؟
اهينك لانك بتروح ميونخ ,, ثانيا ما انصحك تستاجر سيارة في ميونخ ابد لعدة اسباب .
منها المواقف لايوجد , واذا وجدت فهي مكلفة اضافة للزحام نوعا ما
الخيار المتاح والافضل والاسهل بلا منازع هو النقل العام . انا اخذت تذكرة لشخصين لمدة 3 ايام تكلفتها بحدود 100 ريال سعودي وهي بكل امانه ممتعه في التنقل والراحة وبامكانك استخدام الترام او الاندر قراوند وماتركت مكان في الخريطة مارحته !! و ((ببلاش))