تبون تضحكون ؟؟؟؟؟؟
عيل اسمعوا بس لاتضحكون وايد بزعل
أوني وايد نظامية وكل شي مرتب ومنظم من فترة طويلة
واختكم وبناتها طالعات عالمطار الساعة 11 ونص الصبح ومودعين الحبايب ومنزلين الشنط وداخلين نتمتختر :bounce8:
في تيرمنال 3 طيران الإمارات وماحد قدنا
والصغيرونة فرحانه واختها وأمها بعد
وندور الرحلة ماشي عاللوحة الإلكترونية؟؟؟؟؟؟؟؟
وين سارت طيارتنا أفا مب موجودة نقول يمكن مافتحوا البوردنك نحن مجدمين
ومسكين العامل اللي يدز الشنط هو يمشي ونحن وراه
قلنا نسير نسأل
وحدث مالم يكن في الحسبان:112:
الطيارة طارت من زمان
كيف وليش ومادري شوه
ثرا طيارتنا كانت الساعة عشر الصبح وأنا قاريه موعد وصولها فيينا الساعة ثنتين إلا ربع وأتحرا هذا هو موعد
المغادرةتراني والله شاطرة بالإنجليزي لكن الله قدر شي وعيني طاحت على وصول فيينا بدل
المغادرة دبي
يعني قدر الله وماشاء فعل
وبصراحة مااتضايقنا إلا الصغيرة حزنت
لكن قلنا قدر الله وماشاء كان ومالم يشأ لم يكن سبحانه
المهم حجزنا لباجر نفس الموعد إن شاء الله وشكلنا بنصلي الفجر في المطارأشوى حصلنا حجز
الحمدلله
وحليله الفلبيني عامل الشنط ماقصر قال سووا جيك إن للشنط بتفتكون وبتون بروحكم الصبح قلنا خوش فكرة
والله
وبالفعل دخلنا الشنط وخذنا أرقام السيتات وتوكلنا على الله واتريقنا في مطارنا الغاوي وروحنا البيت:bounce8:
شورايكم في قصتنا مب تضحك