صعبه اخوي ..
بات ليله في لندن افضل .. لانك بكذا بتوصل باريس اخر الليل ... تعب مره !!

شمالي مختلف جدا
وعليكم السلام ورحم الله وبركاته
هلا وغلا الغالي
والظاهر ماتبي تقعد في لندن ولا دقيقه :8888:
السؤال الأول : بتلحق ان شاءالله بس على شرط ان الطياره توصل في الوقت المحدد لأن المسافه من المطار لين محطة بادنغتون ربع ساعه بقطار هيثرو اكسبرس ومن محطة بادنغتون تاخذ الأندر قراوند الخط الأصفر او الوردي وتختار محطة بانكراس او تاخذ التاكسي من محطة بادنغتون لين محطة بانكراس حوالي 10او 15 دقيقه ..
السؤال الثاني :لا الغالي مش ممكن ..
السؤال الثالث : تكلفة التاكسي من وين إلى وين
هل تقصد من المطار لين محطة بانكراس ! حوالي 60 باوند
واسأل الي خاطرك فيه واحنا لك بالمرصاد

mzoon
شكرا على مرورك ونصيحتك
اما من ناحية المبيت عندي قناعة ان التعب مرة افضل من مرتين
يعني لو وصلت وريحت وتشك ان وثاني يوم تشك اوت وسفر راح يكون اليوم الثاني برضو ضايع لكن لو واصلت يصير ثاني يوم بباريس اصحي وانا مرتاح

القطري

ياعل عيني ماتبتسيك
طيب لو صرت طماع وحجزت على الساعه 8 او سبعه ونص ؟
بالتاكسي من المطار لبانكراس كم دقيقة ؟
واستعدوا للسؤال الرابع

حاضرين لك افا عليك
ماأنصحك بالتاكسي لأن قطار هيثرو اكسبرس أسرع بواجد ..
التاكسي بياخذ حوالي ساعه أما القطار ربع ساعه ..
واسأل الرابع وانا بسخن وباخذ لفه عشان استعد لك :8888:

السؤال الرابع عن الفنادق
فندق الثستل هايد بارك وش رايك فية من ناحية الموقع وهل كل الغرف مكيفة ؟

الفندق مكيف ولكن مش كل الغرف ..
ولكن دامك في لندن لاتسأل عن التكييف لأنك ماراح تحتاجه ان شاءالله ..
وإذا بغيت الشور خذ هالفندق ..
https://www.booking.com/hotel/gb/shaftesbury-townhouse-paddington.html?aid=1300939
ارخيص ونظيف ومكانه حلو في نص ادجول رود وقريب من محطة بادنغتون ..
والفندق صغير ولكنه مصنف 4 نجوم ..
والأهم انه نظيف ..
ومازلنا تحت أمرك

القطري
الله يوفقك ولا يحرمنا من وجودك