بسم الله الرحمن الرحيم
في البدايه احب اشكر اخواني في هذا الصرح الرائع اللي استفدت منهم الكثير
وتزودت منهم بمعلومات وافره وهذا اللي ساعدني للتخطيط لرحلتني
واحب اشكر ايضا زوجي العزيز اللي شجعني وساندني في كتابة التقرير
في البدايه تاريخ الانطلاق كان:
0/ 10 /2010 م
الناقل الرسمي
الخطوط الجويه الماليزيه
سعر التذكره 4000 ريال لشخصين
وكان مسار الرحلة ذهابا جدة كوالالمبور
والعودة كوالالمبور جدة
الفنادق المختاره
فندق صن واي لاقون غرفه بريمر لمدة ليلتين
فندق بي فيو غرفه ديلوكس بلنكاوي لمده ليله واحده
فندق وستن لنكاوي فيلا لمدة ليلتين
فندق جولدن ساندس غرفه ديلوكس في بيننج لمدة اربع ليالي
فندق ديلا فرنس غرفه ديلوكس لمدة ليلتين بكاميرون هاي لاند
فندق استانا بكوالالمبور غرفه ديلوكس لمدة اربع ليالي
وبالنسبه لأسعار الفنادق راح اذكرها بالتفصيل ان شاء الله عند شرح كل فندق على حده
في البدايه بعد ركوب الطائره والاقلاع قدمو لنا ضيافة الطائره الماليزيه
وبعدها بنصف ساعة قدمو لنا وجبة العشاء
وهذي كانت وجبتي
وهذي بعد الفتح
وبعدها بساعه اطفات انوار الطائره وعم الهدوء في المكان طبعا انا ماني قادره انام بالطياره
فازعجت المضيفه كل شوي وانا داقه لها الجرس مره جيبي كوفي مره جيبي شاهي مره مويه
في الاخير طفشت مني وقالت لي الكابتين طلب وضع حزام الامان ما اقدر اخدمك الحين
خ
وبعد تقريبا سبع ساعات من الطيران بدا الفجر يبزغ من الطائره
والتقط لكم بعض الصور من الطائره
بعدها اشعلو لمبات الطياره وبدأ النشاط وتوزيع وجبة الافطار
وهذي وجبتي
وهذي صورة اقرب بعد الفتح
طبعا زي ما انتو شايفين كانت عباره عن اومليت وكفته بطاطس وقطعة طماطم مشويه
وبعدها بنصف ساعه بدانا ربط احزمة الأمان استعدادا للهبوط
وهذي بعض من الصور اثناء هبوط الطائره
ثم هبطنا ولله الحمد بالسلامه
وبهذا انتهى الجزء الاول
انتظروني قريبا جدا
واتمنى انكم استمتعتم بهذا الجزء وبإنتظار تعليقاتكم