1. فندق رائع بمعنى الكلمه

السلام عليكم يا اخواني
حبيت اطرح موضوع عن فنادق بيروت لانه كثرت الاستفسارات عن الفنادق
وياريت تشاركوني في الموضوع هو انك تذكر الفنادق الي انت مجربها تجربه شخصيه
وشنهو الايجابيات الي فيها والسلبيات من ناحيه النظافه والموقع وتعامل الموظفين وكل مايخطر في بالك
واتمنى ان يستفيدون الاخوان الي بيزرون بيروت لاول مره يستفديون ويستفيد الجميع
بذكر الفنادق الي جربتها شخصيا
ببداء من الافضل
1 فتسيا موقعه ممتاز _ النظافه ممتازه حدا _ فندق راقي وتعامل الموظفين رائع
السلبيات اذا سكن فيه احد من كبارا الشخصيات يكون شوي فيه تشديد امني قوي
تحس ان العين كلها عليك انا هذي النقطه ماعجبتني ما ترحت وما اخذت راحتي
2 جفينور روتانا _ فندق رائع ونظيف وخدمتهم ممتاز ويقدمونه افطارشهي وبركه سباحه في اخر الطابق وتطل على البحر

فندق رائع بمعنى الكلمه

السلبيات _ موقعه مافي شي جنبك حتى بقاله مافي جنبك تحس انة معزول شوي مافي حياه في الشارع الي تطل عليه البوابه _ تاخر وصول السايق بسبب الازداحمومقعه شوي زحمه _ مواقف السيارت اذا بينتظرك السايق ياخذون عليك 10 دولار حق اليوم حتى لو انتظرك 5 دقايق ياخذون 10 لو تسكن 10 ايام كل يوم 10 هذي 100 دولا _ الانترنت يقدمونه بفلوس وش غريب بالنسبه حق فندق خمس نجوم
اروجان روتانا فندق ممتاز من ناحيه النظافه والسعر والحمدلله ما شتكيت منهم ابد
السلبيات البوفيه شوي تعبان مافيه تنويع بعض الموظفين فيهم غرور وتعالي مش كلهم يكلمك من طرف خشمه
ميدتلرنيه اسمه صعب شوي هذا اسمه
موقعه ممتاز جدا جدا مقابل مدينه الالعاب الي على الكورنيش
السلبيات فندق قديم جدا وثاث قديم حتى دخول الغرف بالمفتاح مافي كرت عندهم والنظافه سيئه نظام قديم جدا ( سكنت فيه مره ولا اعودها
ان واي سويت موقعه ممتاز جنب الكورنيش دقايق وانت واصل الكورنيش والحمرا والسولدير (( كان الفندق ممتاز))
السلبيات فندق قديم واثاث قديم_ فطور سيئ جدا _ الماي مصدي لونه اصفر _ بعض الغرف فيها التلفزيون القديم ومايشتغل_ النظافه اعطيها 60%