1. القصيمي

القصيمي

اول شي بسم الله انا رحت نيوزلاندا مرتين _نيوزلاندا الفرق بيننا وبينها سابقينا بتسع ساعات - الحين برد عندهم ودرجة الحراره عندهم مابين 4+ الى 1+ يعني ثلاجة بس جو نيوزلاندا فيه رطوبة نظرا لوجودها بالمحيط الهادئ يعني اذا لبست ملابس شتوية راح تدفي لان الرطوبة تدفي بس مايعني كلامي انه تلبس ملابس صيفيه لازم تكون ملابسك شتويه ولازم تشتري من القصيم كل ملابسك الشتويه لان الاسعار غاليه هناك_ بالنسبة للحياة هي غاليه شوي يعني تروح لمطعم كنتاكي وتاخذ وجبة بروستد تقريبا 12 دولار نيوزلندي تقريبا 30 ريال او اقل اذا كنت تدخن السجاير ب14 ريال الباكيت اذا تبي توفر لاتركب التاكسي ابدا اركب بالباص واذا تبي تكلم اهلك اشتر بطاقات اتصال الهاتف الارضي (الثابت) لان شريحة الاتصال الجوال غاليه اذا تبي تحلق شعرك اشتر ماكينة حلاقة من القصيم اوفر لك لان الحلاقه غاليه شوي واذا تبي ارخص اتصال روح لمحلات الانترنت وكلم اهلك على الايميل اوفر لك بالنسلة للاكل فيه مطاعم عرب كثيرة ورخيصة وحلال _ بالنسبة للمطار فأحذرك اخوي من انك تشيل اي سوائل او اكل او سجائر لان الكلاب البوليسيه لو تشم ريحة كيكة او عصير تركض عليك كأن معك مخدرات وسبب التشديد هو ان دول شرق اسيا دمرو نيوزلندا بالمخدرات واذا معاك فلوس لازم تذكرها في بطاقة الدخول اللي راح يعطيك اياها مضيف الطائرة في حال اقترابك من مطار اوكلاند لانه اذا اخفيتها راح تتعرض لمسائله قانونيه ويمكن تكون سجن 2 الى 5 سنوات حسب المكتوب بالبطاقه اللي راح تعبيها وصدقني على ان اجرائاتهم شديده فهم شعب طيب جدا جدا جدا جدا ____انتبه تشيل معاك ادواة حادة او يكون في جهازك المحمول اي صور غير مرغوب فيها او مواقع مشبوهه يعني بالعربي ( متطرفين ) وقبل لايبدا موظف الجمارك بالتفتيش راح يخليك توقع على ورقه وفيها الاسئله اللي جاوبت عليها في البطاقة المرفوقه مع جواز سفرك واذا وجد اختلاف مثلا انه يجيك سؤال هل معك سجائر وتجاوب بلا ويفتش الموظف ويلقى سجاير او مثلا هل لديك مبلغ كاش اكثر من 700 دولار نيوزلاندي وتجاوب بلا ويلقى معك اكثر من الف دولار هذه مشكلة عليك __انا انصحك انك تكون صريح معاهم حيل مو شوي لانك كل ماصرت معاهم صريح اتسهلت امورك وانا انصحك انك تشيل معاك كاش وايضا بطاقة فيزا او ماستر كارد او بطاقة صرافة دوليه من البنك الخاص بك في القصيم وبالنسبة وشو تشيل معاك فلوس من اي نوع فأنا انصحك بالدولار الامريكي واي استفسار انا بالخدمة وشكرا

والله يأخوي ukland معلومات رائعة
بس عندي سؤال
أنت قلت يا أخوي
بس جو نيوزلاندا فيه رطوبة نظرا لوجودها بالمحيط الهادئ
هل في وقت الصيف عندهم فيه رطوبة زي رطوبة الشرقية والغربية عندنا ولا كيف
تحياتي لك أخوي

مافي رطوبة في الشتاء ابدا ، اما في الصيف ؟؟؟

الاخوة الكرام
السلام عليكم ورحمة الله وبركاتة
تكفون ابي رايكم وبسرعة لانة ما فية وقت عندي خيارين يا اقبل او ارفض وأجل سفرتي للسنة القادمة انا قدمت على مكتب معروف اسمة DNZ وهو متخصص للبعثات ودورات اللغة الانجليزية بنيوزلندا بعد المناقشات والمفاهمات تم الاتفاق على اني ادرس لغة انجليزية في اوكلاند منطقة اسمها مونكال وهذا السعر لمدة شهر :
Application registration Fee 150
Course fee 1280
Homestay Placment Fee 200
homestay fee 780
Medical insurance 94
Air - port pick - up charges 100
Bank fee 100
Office fee 400
Total New Zealand Dollar 3104
Saudi Riyalis 9312
للمعلومية يا اخوان هذا تكلفة الدراسة لوقت كامل يعني فل تايم اذا وقت جزئي يعني بارت تايم تكلفة المعهد 900 دولار يعني المجموع = 8172
انا احس ان المبلغ كبير مرة لدراسة اربع اسابيع فقط عكس اللي انا اقراة في المنتديات والجرايد شرايكم يا شباب يقول ان منطقة مونكال في اوكلاند مرة حلوة واسم المعهد هو :
Auckland Edinburgh College
يقول ما فية عرب مرة فقط واحد سعودي والمعهد مرة ممتاز
تكفون ردو على بأسرع وقت لانة انا مسافر بداية شهر ثمانية 2-8-2007 بعد اسبوعين

أخوي غريب بلا وطن
الاسعار تقريب معقوله مقارنة بأوكلاند
بس لا تنسى فيه اشياء بتدفعها مرة وحده بس مثل
Application registration
Homestay Placment
Medical insurance
أما
Air - port pick - up charges 100
Bank fee 100
Office fee 400
مدري هذي ايش
على العموم انا ارسلت للمعهد استفسر منهم اكثر

Air - port pick - up charges 100 رسوم نقل من المطار
Bank fee 100 رسوم تحويل الفلوس من المكتب الى المدرسه
Office fee 400 رسوم المكتب
رسوم معقوله لاتنسى ان سعر الدولار النيوزلندي مرتفع والمدرسه اكثر من ممتازه عن تجربه شخصيه

الله يجزاكم خير بجد انا انا كنت محتاج لرد وكنت متخوف من المعهد بس رد اخوي كحيلان كمني شوي واتمنى منة يعطيني معلومات اكثر عن المعهد والمنطقة اللي فيها واسمها مونكال وربي يكثر من امثالكم انت واخوي كوجاك.
اخوكم
غريب بلا وطن

المنطقه ياخوي تقع جنوب اوكلاند حوالى 15 دقيقه من اوكلاند وهي تعتبر ثالث مدينة في نيوزلاندا وعدد سكانها حوالى 300 الف نسمه مدينة هاديه ورايقه وشوف المقطع هذا بيعطيك فكره عن المدينه والمعذره على الرد السريع لقلة دخولي النت :
http://www.welcome2manukau.com/tourism/video_popup_economic/

مافي رطوبة في الشتاء ابدا ، اما في الصيف ؟؟؟