شوفي أختي روعه
الله يخليكم لبعض ويديم مودتكم
ويخلي لكم البطل ابو 4 سنوات
اقول روحي معه واعتبريها سياحة والوضع آمان إن شاء الله
مو معقولة تجلسين بالفندق لوحدك
أنا أشوفها صعبه
وانواع الملل
واللي فهمته من كلامك لو جلستي بالفندق راح تجلسين 10 أيام لوحدك
لا لا
أنتي بين أمرين
ياإنك تروحين معه وتتنقلين معه ******** والوضع آمان إن شاء الله
ولا تجلسين في بيتك الله لايهينك >>> في حال رفض زوجك الخيار الأول
تمنى لك التوفيق أختي
وتروحون وترجعون بالسلامه
أ

انا مع اخوي ارهابي مومعقولة تجلسين كل المدةبلحالك روحي معه وما يكون الا كل خير............

الله يجزاكم خير ومشكورين يا ارهابي قلوب ويا نجمة النجوم مشكلة زوجي انه يشيل هم وحريص وخواف زياده عن اللزوم يقول صعبه اني انقلكم معي الديره ماهي امان وانه بيتنقل مع قروب الشغل يقول وشلون اشيل معي حرمه وطفل مع رجال حاولت اقنعه ناخذ سياره بسواق لحالنا كذا يكون أأمن واريح لنا وله واوسع صدر واوفر من انه ناخذ فندق 10 ايام بس مو راضي يقتنع يقول ياتجلسون بالفندق او لاتسافرون معاي الحقوني بعد 3اسابيع اكون خلصت شغلي ونطلع سوا على كيب تاون سياحه طبعا الحل هذا مستحيل اولا من ناحية الشرع مايجوز اسافر لحالي بدون محرم ثانيا صعبه اسافر انا وطفل المسافه ماهي قريبه ثالثا انا ساكنه لحالي في جده واهلي واهله في الرياض صعبه اجلس ببيتي 3اسابيع وتوني جايه من اهلي جالسه عندهم 10 ايام لان زوجي مسافر للشغل معليش فجرت راسكم وقلتلكم قصة حياتي هاه بعد القصه الطويله هذي وش رايكم

جبت لكم جدول زوجي وانتم احكمو بتاريخ 14/6 في رستنبورغ وبتاريخ 15/6 في بريتوريا وبتاريخ 17/6 في رستنبورغ وبتاريخ18/6 في بريتوريا وبتاريخ 20/6 في بلومفونتين وبتاريخ21/6 في بريتوريا وبتاريخ 24/6 و28/6 في جوهانسبيرغ وش رايكم الله يخليم لا تتاخرون علي

وش دعوه كل شوي افتح الصفحه مافيه تفاعل مافيه ردود ما احد تحمس معاي زعلتوني منكم

السلام عليكم ورحمة الله وبركاتة
فكرتك حلوة انه ياخذ سيارة لكم لوحدكم توصلكم فقط للمكان اللي بتجلسو فيه وكل مرة كذا
واذا رافض مافي الا الجلوس في البيت والله ييسر امرة ولكن ::::::::
جلوس لوحدكم في السكن مرة مو رأي صايب

مشكور اخوي مهبط الوحي واتمنى من الاعضاء او المشرفين اذا عندهم فكره عن كم تبعد هذي المدن عن جوهانسبيرغ اكون شاكره لكم جميعا

طيب روحو معه واذا وصلتو لبريتوريا اجلسي في الفندق يعني خلي جلستك في بريتوريا لانها تقريبا اكثر مكان بيروحلة واذا رجع جوهانسبيرق ارجعي معه ومنها لكيب تاون ....وش رايك؟؟

الله ينور عليك يانجمة النجوم والله اني فكرت بالحل هذا حتى احس انه بروتوريا احسن من جوهانسبيرغ احساسي بمحله ولا لا