الشيـــن
03-06-2022 - 08:06 pm
السلام عليكم ورحمة الله وبركاته
اخواني انا باسافر لماليزيا والحاله الماديه على القد
وباخذلي غرفتين انا والاهل وابي اسعار كويسه في فنادق كويسه ونضيفه
فما ادري كيف الاسعار بشكل عام هناك في فنادق لمضمونه لكل من بينانح لانكاوي كوالالمبور
وجزاكم الله كل خير
حياك الله اخوي الشين ومرحبا بك ياطيب
اغلبنا حالته على قده وربنا يعطينا من واسع فضله .
لو حددت بغيت الليلة بكم كان ارتحت وارحت
نجي نعطيك فندق ليلته ب200 ريال تقول لا انا بغيتها
ب500 ريال وش رايك في شقق مفروشة دام انه
عددكم كبير ماشاء الله ...يصير تاخذوا شقة وتجتمعوا
فيها احسن واوفر من غرفتين بفندق او جناح .
وشققهم نظيفة وعلى مستوى وتشرح القلب ولا تقارنها
بشققنا ...امن موجود ومسبح وخدمات ...الخ .
وسعر الشقق ارخص من 170 ريال وانت طالع لفوق
0وشوية لليلة حسب المستوى ...ولو تاخذ
شقة في حدود 300 ريال اتوقع انها تؤدي الغرض
وزيادة ...وان بغيت شيء 5 نجوم تلقى الشقة ب500 ريال
وعندك برجايا تايم يكوير اللي يمدحون فيه الاخوان وعندك
ليجند الفخم ولكن ان كان عندك مثلي حساسية من الصينين
اجل لا تروح لها ...وعندك جماعة الساسا ...وما تتعب ترى
في الشقق وان اصريت على فندق ترى الفنادق الطيبة
تبدأ ليلتها من 150 ريال تقريباًَ وانت طالع للغرفة ..فندق
3-4 نجوم ...وان بغيت شقق ترى ادلك على مرجع جميل جداً
ومفيد لأخونا الكريم ابوعمر وهو بعنوان الدليل الارشادي
للسياحة العائلية بماليزيا ...تلقاها بالصفحة الاولى .
وماليزيا تقدر تصرف في سكنها5000 ريال في ليلتين
وتقدر تصرف 4000 ريال في سكنها لمدة سنة
موفق اخوي بأذن الله والله يجعلها رحلة سعيدة
والسلام عليكم