الطفل الرضيع
17-12-2022 - 07:49 am
وش رايكم في العنوان
على العموم الله يعطيكم العافية وبصراحة أزعجت كثير من الأعضاء بأستفساراتي وأسألتي
سواء في مواضيعهم او بمشاركاتي
لكن بعد كل الأسئلة والأستفسارات وبعد حوسة جداول وكل يوم فكرة وجدول
أستقريت على إسطنبول وإنطاليا فقط
بحيث إن أغلب الفترة بتكون بأسطنبول وعدد ايام الرحلة مايقارب 18 الى 22 يوم
وأنا ما احب الثلج يعني بورصة يلوا وغيرها ماراح تكون في الخطة
فانا قررت يكون وصولي الى اسطنبول 1 ديسمبر وأقضية في الفندق وما حولها
بحيث إني حجزت او يومين في هالفندق
Manesol Old City Bosphorus
وبصراحة ما أعرف مكانه بالضبط ولا له اي تجارب مع الأعضاء والسبب توه جديد
والتعليقات اللي عليه من النزلاء قليلة وبعد ماقريت بعض التعليقات تمنيت اني تأخرت شوي في حجزه
لأن بعض التعليقات تشتكي من النظافة وقلة العمال وانا اول ماحجزته كان باقي جديد ولا عليه تعليقات
وطبعا اول يومين ضحيت بها تكون حول هالفندق لأن ما ادري وينه بالضبط
وثالث يوم انا حاجز في فندق نينا هوتيل
قريت التعليقات والأغلبيه يمدحونه وبعض الاعضاء هنا جربوه ويمدحونه
لكن واجهتني مشكلة ان الفندق زحمة ولا قدرت احجز فيه الا 3 أيام
لكن مازالت المحاولات قائمة لتمديد الأيام
ومازال البحث جاري عن فندق قريبة منه وتكون نفس مميزاته
فياليت اللي يعرف يعطيني اسم الفندق
وبما إن وقتي كله بأسطنبول فانا أفكر كل منطقة في إسطنبول يوم
يعني مثلا منطقة السلطان أحمد باعطيها يوم او يومين ازور كل الاماكن اللي فيها
منطقة امينونو يوم
منطقة اورتاكو يوم
منطقة ايوب يوم
منطقة استينا يوم
الجزء الأسوي باسكن فيه واخذ يومين
وبعدها اروح إنطاليا وأخذ 6 او 7 أيام
لكن بصراحة ما اعرف عنها ولا عن الأماكن السياحية اللي فيها شيء
يعني رايح لها كذا ما أعرف شيء بس عشان جوها دافي باروح لها استكنان
وبعدها أرجع اسطنبول أسكن في منطقة مطار أتاتورك يومين وبعدها أرجع بيتنا
اول حاجة قولوا ماشاء الله لا أحد يحسدني على هالجدول اللي أحسة حوسة
وثاني حاجة عطوني نصايحكم
