- السلام عليكم
السلام عليكم
بعد جمع المعلومات عن الاماكن السياحية من الاخوى الاعضاء (جزاهم الله خير) وقبل سفرتي الى اسطنبول - تيرمال -بورصه. حاولت احدد الاماكن بقوقل ماب بس المشكله ان اكثر الاعضاء يضعون اسم المكان بالعربي وبعضهم جزاهم الله خير يسهلونه علي ويضعونها بالتركي والعربي. فكنت لازم اسأل اللي راحو من قبل عشان اقدر احدد الاماكن بقوقل ماب.
المهم بعد ما حددت الاماكن بقوقل, اكتشفت خدمه من قوقل ماب جميله جدا وهي انشاء خرائط خاصه بك وتقدر تضع الاماكن اللي تبيها ويمكن التعديل عليها وتضع الشرح بالمكان اللي حددته, واللي احلا من هذا انك تقدر تضع لنك بحيث تقدر تخلي الناس تشوف الخريطه اللي عملتها مع الشرح, فعملت خريطه بالاماكن اللي بزورها وبعد مارحت لتركيا كانت الخريطه اللي عملتها خير مرشد سياحي لي, لدرجت ان اللي كانو معاي يسألوني وين بنروح فكنت افتح الخريطه وقولهم في المكان الفلاني والمكان الفلاني قراب من المنطقه اللي احنا فيها وكنت اقرا الشرح اللي مكتوب بالمكان, فكانت عمليت تحديد وجهتنا بمنتهى السهوله والاريحيه.
ماطول عليكم هذا اللنك اللي سويته بالاماكن السياحيه لاسطنبول - تيرمال - بورصا:
https://maps.google.com/maps/ms?msid=214836032974792149700.0004c8a466fad89c148c0&msa=0
اشكر مشاركات الاعضاء اللي لولاهم ماقدرت اجمع هذي المعلومات القيمه عن الاماكن السياحية.
واللي حب فكرت الخريطه اللي سويتها ويحب يعمل مثلها يشوف اليوتيوب هذا: https://www.youtube.com/watch?v=TftFnot5uXw
واللي تعلم الطريقة بامكانه ياخذ الخريطه اللي سويتها ويضيف عليها اماكن اكثر, واتمنا الناس تطور الاماكن بطريقة الخرايط بحيث الكل يستفيد بالسفر.
بالنهايه, اشكر كل اللي قرا الموضوع وسامحوني على القصور, وادري ان اللغة العربية تعبانه عندي بس اهم شي اني قدرت اوصل المعلومة
فأنت يالغلا سبقتنا وتعديتنا بأفكارك وطرحك وذكائك(ماشاء الله عليك)...التقرير المثبت لأمبابا بخصوص اسطنبول, يستحق عمل له خريطه ذهبيه مثل خريطتك...أفكر اضيف على الأماكن اللي بتكون على اليوم الأول بلون محدد ولليوم الثاني بلون اخر والثالث بلون مختلف وهكذا..