السلام عليكم ورحمة الله وبركاته
في كل بلد من بلدان العالم
تجد اهلها وشعبها عنوانا وطابعا لها
اما يتحفونك بابتسامتهم ولطافتهم وكرمهم
او ان يكون جافا غليظا يكرهك في البلد ويجعلك تقرر ان لاتزوره مرة اخرى
هذا ما يحدث بالضبط في تركيا وخصوصا في اسطنبول
اسطنبول البلد المسلم الجميل ا
حصلت لي فيه مواقف ومع اصحاب لي كرهتنا في هالبلد
تخيلو المطار واجهة البلد!!
موظفيه يطفشونك ويكرهونك
حصل لي موقف سيء
اثناء مغادرتي لاسطنبول عائدا الى وطني
موظف الجوازات طلب من زوجتي كشف الوجه للتاكد
فطلبت منه سيده تقوم بالمهمه
ولكنه انفعل ثم قال لي مافيه نساء
وقلت له كيف مافيه لازم يكون فيه
على طول قام يتمتم بينه وبين نفسه وقام يطقطق في الكمبيوتر وشخط على الختم اللي في الجواز وعطاني الجوازات وقال رح دور حرمه
شفت المنافذ كلها مافيها ولا حرمه ثم رحت لموضف ينظم بين منافذ الجمارك وكان جنبه شرطيه
وقلت له اللي صار وحبيت الشرطيه تتاكد
قام سالني وش فيه وعلمته القصه
وخلا الحرمه تطابق زوجتي ثم كلم الموضف اللي تهاوشت معه وقال خلاص مشه
رجعت له وبنفسيه سيئه ورجعني ثانيه للسرا
وكل ما جا دور وقفني ومشى ناس غيري
ثم ناداني وختم جوازي وقال لي امش
وزوجتي لازالت موجوده عنده هي والاولاد
تعديت المنفذ وانتظرت يخلصون
زم التفت وقال لي ليش جالس توكل
قلت له الاهل انتظرهم قال لا توقف امش يالله
طنشته واذا به يرجع ينفخ علي يقول لي تمش لاتوقف
رديت عليه بانفعال وقلته انتظر اهلي وجوازي لازال معك كيف امشي بدونه
قام وخذ الجواز ورماه علي في موقف مهين الصراحه
والناس تناظرني ولا ادري ما اعمل
المشكله ان الموظف لابس بدله مكتوب عليها بوليس للاسف
كرهني وكرهني في الديره الله يهديه
والغريب ان هذا البلد مسلم والحجاب موجود عندهم والسياح العرب والمسلمين كثير عندهم
كيف مافيه موظفات او غرف صغيره للتاكد والمطابقه
موقف ثاني حصل لصديقي
يقول توني واصل اسطنبول ويوم ركبت تكسي المطار
كنت اكلم زوجتي في التكسي
سواق التاكسي جاه اتصال والتفت علينا وقال
اش
يعني اسكتو بكلم !!!!!
وقالها وهو مكتم بعد بدون حتىى استأذان
يقول تمنيت اني ماجيت او لو ارجع ما اكمل سفرتي
اللي هذا اوله ينعاف تاليه
يقول صديقي كنت اسولف مع احد الاتراك
وكان يشكي وضع البطاله عندهم والحاجه
قلت له طيب السياحه اهم مصادر الدخل عندكم
ليه الشعب مايفرح بالسياحه ويرحب بهم ويقدم لهم المساعده
عشان يحبون البلد ويرجعون مرات عديده
ما يطفشونه ويكرهونه الجيه
بعض البياعين شي عجيب
تجي تكاسره في سلعه يعصب عليك
ويقول تبي تشتري ولا توكل
بعضهم مايبغاك حتى تكلمه
يرد عليك اول مره والثانيه ينفجر
هذا غير النصب اللي يحصل في التكاسي
وتبديل الخمسين ليره بالخمسه لتشابهها
اخيرا
الشهاده لله فيه ناس قابلتهم لطيفين جدا وعسل
لكنهم قله جدا