S. H. SH.
اخوي الشمري السلام عليكم بالنسبة للسفر الى تايلند فهو مسموح من مدة ليست بالقصيرة و السفارة انا شايف رقمها في ادلة التلفون اللي في الفنادق التايلندية !! و البلد حلو و طبيعة ورخص في الفنادق و المواصلات و الهدايا قلي برنامجك و فنادقك و لا تنسى مطعم ( سيزلر ) اللي في الدور الثاني في مجمع ( سنترال سنتر ) في فوكيت روعة ما يتفوت ابدا ورخيص يسرني خدمتك

أخي S.h. Sh أولا مبروك على الزواج
توجد السفارة السعودية في شارع ساتون بناية ستي بنك الطابق 23 يمثلها قائم بالأعمال .
وبنسبة لضياع الجواز يجب تحرير محضر بضياع الجواز ومن ثم تبلغ السفارة ليصدروا لك تذكرة عودة الموضوع بسيط.
رحلة سعيدة

عاشق بلادي
هلا بك اخوي ... وجزاك الله خير
مسموح ؟؟؟؟ !!!! ........................ اتذكر انه فيه نيه انه ترجع الاوضاع كما كانت في السابق قبل المنع
لكن ... لين الحين ما حد اكد لي الي انت تقوله ... (( اعتذر اخوي .. ترى كلامي مو تشكيك في صحة ما قلت )) بس ... كل من جلست معه و كان رايح لتايلند .. يقول لسى بالقائمه السوداء ,, مع انه واحد من اصدقائي راح مرتين .. ويقول انه لما يشغل جواله تجيه رسالة خدمه (( رقم السفاره ))
هذا اولاً !
اما ثانياً:
البرنامج
يوم الوصول .. بانكوك
اتوجه بعده للخطوط الداخليه و اقص تذاكر لفوكيت
فوكيت 7 ايام 6 ليال
شنقماي 5 ايام 4 ليال
بانكوك 4 ايام 3 ليال
ثم العوده قبل رمضان بيوم ان شاء الله.
من ناحية الفنادق ...
فوكيت : http://www.duangjittresort-spa.com
شنقماي : Sheraton Chiangmai hotel
بانكوك : Novotel Bangkok On Siam Square
زبطها لي واحد من الشباب (( الله يجزاه خير )) من مكتب هناك... وحتى الان مدري اذا بيغيرون بالفنادق والا لاء .. لكن هذا الي اتفقنا عليه.
المطعم ... (( الله يجزاك الف خير )) .. ان شاء الله امر عليه.
وهات ماعندك من نصائح .. لاني بارجع للموضوع و انا هناك (( ان شاء الله ))

سفير تايلاند
الله يبارك فيك اخوي
؟؟؟؟
يمثلها قائم بالأعمال

ألف مبروك الزواج و أتمنى لك التوفيق
شيراتون شنقماي بعيد عن النايت بازار و سوق الأحد
أرشح لك شنقماي بلازا أو سنترال دوانق تاون أو امبريال مي بينق
نوفتيل بانكوك في سيام سكوير لا أنصحك فيه
لوجود أكبر ديسكو ملحق بالفندق
و بتشوف أشكال الله يعينك عليها
ما دام أنك عريس جديد اسكن بشئ بعيد عن الزحمة في بانكوك
أرشح لك شقق سمرست بجميع فروعها فهي ممتازة
أو سوليتير برزدنت - رويال برزدنت أي واحد منهم
و لا تنسى تتعشون بالمطعم الهندي الدور 26
في فندق رامبرندنت بانكوك ممتاز جداً
الأعضاء ان شاء الله ما يقصرون معك
ألف مبروك و تقبل تحياتي

انت يا سالم تجهز الدوا قبل الفلعه
تفائل بالخير تجده
وش جاب ضياع الجواز والحوسة
روح وسع صدرك وحط جوازاتك في السفتي بوكس والحافظ الله
وسفرة سعيدة

آخرفرصة
الله يبارك بعمرك و بايامك
اشكرك اخوي على ماقلت و كفيت و وفيت
مسألة الفنادق .. مفروغ منها ... مثل ما قلت قبل .. انه تم حجزها عن طريق مكتب هناك بمعرفة صديق لي.
اما عن اكبر دسكو ... عسى الله يكون بالعون .. الديره كلها خربانه .. بس حنا رايحين للطبيعه و الا المناظر بالدسكو و برى الدسكو بتلقاه .. مالك الا تصدد الا يا شفت منظر .. والافضل و الاولى ... غابت الشمس .. ارقد ,,, واصحى بدري مع شقة الشمس.
يالله ... ضمنا مطعم ثاني .. واحد بفوكيت ,, والثاني ببانكوك.
يالله من يزيد
الله يجزاك خير اخوي .. و اكيد الاعضاء ماراح يقصرون ... وعساكم على القوه.
تحياتي

عقاب
ههه
اضحك الله سنك
اجل اسمه الفلعه ؟؟؟؟ خابره الفلقه او الشلخه
متفائل .. لكن ان ماتحرصت اكيد باكون مهمل بنظر غيري .. وخاصه لو صار شي.
اما عن الدوا ... درهم وقايه خير من قنطار علاج.
والواناسه اكيد باتونس (( ان شاء الله )) مادام معاي (( كل الغرام )).
والسيفتي بوكس

الف مبروك ياسالم
واسأل الله لك حياة زوجية سعيده
والله ياخوك ودي افيدك بس انا داج زيك اجمع معلومات من هنا من هنا
لكن بحسب اعتقادي ان الفندق اللي سكنت فيه في بانكوك مايصلح لك
من عدة نواحي اولها الازعاج وزي ماقال الاخ آخر فرصه فيه من الصياعه مالله به عليم
يعني انت انحش عن اسباب سخط الله ..فهمت علي
بالاضافه انك جاي من بوكيت وشبعان هجوله وتبي الراحة وماظنيت بهكالفندق راحه
واذا تبي رايي خلك في باتومان برنسس لانك اكيد تبي بانكوك للتسوق
وهالفندق اللي ذكرته لك ملاصق لسوق MBK الضخم ذو سبعة طوابق واللي تضيع فيه
وسوق طوكيو سنتر وهذولي ملاصقات للفندق يعني من اللوبي مباشرة
وهذي صورة للفندق من تقرير اخونا الانيق

وهذا السوق MBK

وهذا محل ( عكسريم ) لايفوتك بنفس المجمع

وهذي هدية مني لك بمناسبة الزواج

وتروح وترجع بالسلامة
ولاتنسانا من تقريرك لاني ماشي بشهر شوال ان شاء الله
اخوك / أبوعبدالملك