الغالي ( بو حسن )

• المسافة بين كوالا وجنتنغ ( 50 دقيقة فقط ) ... وتستطيع الذهاب إلى هناك :

1) عن طريق التاكسي : ويقف بك أعلى المنطقة وسعره ( 90 رنقت )
2) الباص ( 47 رنقت ) ويصل بك إلى التلفريك ... ومن هناك تصعد بالتلفريك للأعلى ..

• المسافة بين الكاميرون وكوالا ( 4 ساعات ) وأنصحك تركب الباص ( يونيتيتي ) من محطة ( كي أل سنترال ) بوسط كوالا

وافي أبو هلا

ما تقصر اخوي ع المعلومات
بس شلون اقول حق راعي التاكسي ودني جنتغ من غير ما اركب التلفريك ؟؟ وهل تنصحني اني اتفق معاه ع الروحه والرده ولا بس الروحه ومن هناك اخذ تاكسي ثاني ؟؟
وانا سمعت انه مدينه الملاهي تفتح ع الساعه 10 الصبح تنصحني اني احرك من كوالا ع الساعه 9 الصبح واقضي يومي كامل هناك ولا جنتغ حدها جم ساعه ووبس ؟؟
وانا سبق اني قتلك اني حاط ميزانيه 100 دينار في اليوم عاد مادري تكفي حق يوم في جنتغ شامل التاكسي رايح راد والالعاب ووجبه غدا وغيرها من الامور البسيطه مثل تقعد في ستار بوكس وكذا ؟؟*

هلا حبيبي ( بو حسن )
طبعآ تخبر التاكسي بأنك تريد الذهاب إلى مدينة الألعاب ( أعلى جنتنغ ) وهو راح يوصلك هناك
طبعآ أتفق معه للذهاب فقط بسعر ( 90 رنقت ) وفي العودة تتفق مع تاكسي آخر بنفس السعر ...
وأفضل وقت للذهاب إلى جنتنغ من الساعة ( 9 صباحآ - 6 مساءآ ) ... وتزور الألعاب ثم السوق المجاور الضخم جدآ
وبأذن الله مبلغ ( 100 دينار كافي ) جدآ وراح يزيد بأذن الله ...
لأن ( 100 دينار ) تساوي ( 1100 رنقت ) وهو مبلغ كبير ... يكفي وزيادة ...
وافي

تسلم ياخوك والله ماني عارف شلون اشكرك
الا بغيت اسئلك بخصوص المجمعات الي موجوده في لانكاوي الساعه جم تسكر ؟؟
وهل صحيح انه لانكاوي ع الساعه 6 المغرب كل شي يسكر فيها ومالك الا القعده في الفندق ؟؟

حياك الله أخوي ( بوحسن )
وأنا في خدمتك طال عمرك ... أي سؤال لاتتردد
لنكاوي ( جزيرة هادئة ) تنام بحلول المساء ...
يعني بعد الساعة ( 8 مساء ) كل الأسواق والمحلات تغلق ...
ماعدا المطاعم العالمية ( بيتزاهت - كنتاكي - ميني ماركت سفن ألفن ) تتأخر إلى منتصف الليل ...
لذا أنصحك في لنكاوي ( فقط ) أن يكون برنامجك كالتالي :
تبدأ يومك بصلاة الفجر ... وحضور لحظات الشروق المهيبة والتفكر بعظمة الله ...
وبعدها الأفطار والراحة قليلآ إلى العاشرة صباحآ ... ومن ثم تبدأ برنامجك السياحي ...
وفي المساء نعود للفندق وأنت مرهق تتعشا وتصلي العشاء ... وتنام نوم العوافي
وافي

ام ممتاز
بتعبك ب الاسئله وانتي عليك انك تستحملني اخوي
ابي رايك في الفنادق الي حجزتها طبعا رحلتي لمده 10 ايام من 18 يوليو لغايه 28 يوليو
من 18 لغايه 20 فندق صنواي برايمد
من 20 لغايه 22 فندق برجيا لانكاوي
من 22 لغايه 28 فندق بيكلو في شارع العرب
ع فكره وصولي بتاريخ 19 الساعه 9 الصبح فنصحني واحد من الربع اني احجز من تاريخ 18 علشان خوفك ما يدخلوني الغرفه الا الساعه 2 الضهر !!

فنادقك ممتازة جداً ماعليها كلام
لكن فندق بيكولو يقولون فيه عيب وهو وجود الموسيقى المنبعثة من البار الموجود في مدخل الفندق
فلو حبيت تغيره يوجد فندق آخر أروع منه ومقارب له في السعر وهو فندق دورست ريجنسي أنصحك به بدلا من بيكولو
عندك 6 أيام في كوالا وزانق نفسك في لنكاوي ليلتين فقط ! ... لنكاوي حلوة زيدها يوم يصير لنكاوي 3 أيام وكوالا 5 كذا ممتاز
بالنسبة لنصيحة صديقك لا ماله لزوم تخسر يوم .. كل المطلوب منك تخبر الفندق أنك راح توصل مبكر وهم مايقصرون معك

والله كان ودي احجز في لانكاوي 3 ايام بس المدام عندها عقده من البحر ودايم تحس بدوار البحر ومع الحنه رضت ع يومين
بخصوص فندق بيكولو انا اخترته بناء ع تقرير بو ناصر !!! وللعلم انا كنت حاجز في فندق برينس ولكن لي شخصين رادين من ماليزيا قبل اسبوع تقريبا انصحوني اغير فندق برينس الى اي فندق ثاني !! طبعا سئلتهم عن السبب
الاول يقول انه حاط فلوس في السيفتي بوكس الموجود في الغرفه لين رجع لقا الصندوق مفتوح والفلوس غير موجوده !! يقول كلمت الرسبشن قالوله الفندق غير مسؤول عن السرقه لانها تمت داهل غرفتك !!
الثاني يقول انه حاجز سويت يقولي لين وصلت وعطيتهم الفاوتشر تفاجئت انهم قالو لي السويت مو متوفر واذا تبي سويت انطر ليلتين !! فيقول اضطريت اني احجز غرفتين وبعد الحجز قالولي راح ندخلك الغرفه الساعه 3 لانه هذي سياسه الفندق اليديده !!
الا صج بغيت اسئلك شنو اامن طريقه تحافظ فبها ع فلوسك من السرقه انا قلت افضل شي اني اخلي كل فلوسي في الاستقبال ووقت ما احتاج فلوس اقولهم عطوني كذا ولا انت شرايك اخوي ؟؟

خذ في فندق دورست ريجنسي وحط في بطنك بطيخة صيفي
.. الفندق معروف ومجرب 100%
الفلوس والله يا أخي دائما نحطها في صندوق الأمانات في الغرف وعلى كثر ماسافرت أسوي كذا
ولا عمرها حصل لها سرقة لكن إذا خايف حطها في الصندوق اللي في الإستقبال وخذ مفتاحك معك
وعلشان مو كل شوي ترجع لهم خذ مبلغ مصروف يكفيك للفترة اللي بتكون متواجد فيها في الفندق وهكذا