وعليكم السلام ورحمة الله وبركاته
أنا من رواد دول أوروبا ، بصراحة الأسعار فيها نار مقارنة بالدول العربية ودول جنوب شرق آسيا
مثلا .. فندق من فئة النجمتين أو 3 نجمات يكلفك ما بين 70 - 80 يورو ، واليورو يعادل 5 ريالات تقريبا ( رغم انخفاضه هذه الأيام ) ، أما فنادق الأربعة نجوم فتتراوح من 120 - 220 يورو
أنا في أمستردام بهولندا حاليا ، ساندويتش الشاورما 5 يورو ، وساندوتش الفلافل ( أبو ريالين أو ثلاثة ) 4 يورو ونص ، عبوة المشروبات الغازية ما بين يورو ونص - 2 يورو ، أسعار الملبوسات والأجهزة الإلكترونية غالية ، تكرمي سعر حذاء كونفيرس العادي (عندنا ب 120 - 150 ريال) يكلف من 75- 100 يورو
يعني مهما وفرتِ ، ميزانيتك بدون تذاكر لن تكفيك أسبوع إلى 10 أيام في باريس أو لندن أو جنيف أو فرانكفورت أو أمستردام
أنصحك بإحدى دول جنوب شرق آسيا

لا لاتصرفين نظر ولاشي....فيه شى اسفر بدجت ترافيل....وطبعا اكثر اهل المنتدى ما يعترفون فيه ....لكن انا من هواته....
اذا كانت اول زياره لاوروبا فانصحكم برحله جماعيه مع شركه سياحيه اجنبيه مثل التى سافر عليها بعض الاخوان هنا فى المنتدى واثنوا على برنامجهم السياحي....يعنى ممكن فى 12 يوم تلفون خمس الى ست دول اوروبيه...الفرد بيطلع عليه حوالى 7 الى 8 الالاف ريال بالسكن طبعا..وفيه وجبات ايضا (مو كلها) داخله فى البكج..التذاكر عليكم ولو خططتم وشريتوها بدرى بتطلع عليكم برخيص..
او اسبوع الى 10 ايام فى اى مدينه اوروبيه.(لندن او باريس)...راح تكفيكم بالراحه....يعنى خلونا نقول 6 الالاف تذاكر (مع انها بتكون ارخص لكن ناخذ على اعلى الاحتمالات)...فندق عادي ونظيف بحوالي 600 ريال (مع انه بتلاقى ارخص) لمدة 10 ايام...يعنى بتطلع عليكم بحوالي 12000 الف ريال...ويبقى معكم حوالي 8000 ...وانا متاكد راح يبقى معكم اكثر.....
المساله بسيطه.....طلعو التاشيرات وتوكلوا على الله....
بالسلامه

اكتوبر يعتبر اللو سيزون وراح تطلع عليكم التذاكر رخيصه
اذا سكنتوا فيه فنادق 3 نجوم وضبطوا وضعكم بتخطيط ممتاز ممكن يكفي
0الى 15 يوم ..

الله يعطيكم العايه ماقصرتو والله
وكلامكم ريحني كثير طيب تتوقعو كم يوم تاخذ التاشيره على شان تطلع

تاشيرة بريطانيا سهله وتاخذ حوالي 3 الى 4 ايام بالكثير ولازم حضور شخصى مو مكتب لان فيها بصمه وكذا....فيزا الشنقن تقريبا اسبوعين الى ثلاثه واى مكتب يطلعها لكم لو بغيتم.....طلبات الفيزتين موجوده فى المنتدى يمكنكم الاطلاع عليها وبالتوفيق

في شهر اكتوبر الفندق = 2940 يورو لمدة 10 ليالي 4نجوم
او 3 نجوم = 1350يورو = 6210 ريال
تذاكر طيران شخصين ذهاب وعوده =
sar 3,134.00 مصروف يومي لشحصين = 9200 ريال
سكن+طيران+مصروف يومي = 18544 ريال
اش رايك في شموخه ههه
طيب المدينه ياحلوه هي
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
باريس

موادع2006
شمووخه الله يسعدك ياشيخه
طمنتيني كثير الله يطمنك
بس اخر سؤال واتمنى محد يتضايق مني
قلت لكم خبرتي قليله
الحين لو بسافر النمسا بيكفي المبلغ مثل ماحسبها شمووخه صح ولا000
ولا تختلف من دووله لدوله اخرى

هلا اختي ..
تكفي لمدة 10 ايام تقريبا(وانتو مرتاحين ومب مقتصدين ومضيقين على نفسكم)
اذا طولتو المدة يمكن تضيقون على نفسكم اكثر
اذا افترضنا ان تذكرتين لشخصين =7000
واذا افترضنا ان بتسكنون بفندق 4 نجوم لمده 10 ليالي ممكن يوصل =4000
فهذه الحاله بيبقى لكم 9000 ..
اعتقد انها كافيه للتنقل والتسوق والعشاء والغدا ..

ظبطو الميزانية واحجزو من بدري ون شاءالله تكفي الفلوس بس لازم اتجيبون لكم مبلغ احتياط