ممكن تنزل فرانكفورت يومين ثم الى روشت او بادن القريبه من الملاهي ثم انترلاكن السويسريه ثم غارمش او ميونخ
الغابات السوداء ممتده وكبيره وتجمع اكثر من مدينه من ضمنها روشت وبادن
المخطط الي ذكرته فوق جيد لمن معاهم سياره

الوصول زيورخ الاقامه فيها 4 ايام يوم زياره لجزيرة الورود ويوم زياره لبازل واليومين الباقيه اقامه بزيورخ
بعدين الانتقال الى رشت والاقامه فيها 3 ايام يوم منها زياره لستراسبورق
بعدين الانتقال الى شتوتغارت والاقامه فيها 3 ايام
بعدين نطلع على ميونخ والاقامه فيها 5 ايام ثم العوده الى ارض الوطن على خير ان شاء الله
هل هذا المخطط حلو حنا عايله معنا اطفال والتنقل راح يكون بالسياره احتمال ازيد يومين افضل منطقه اضيفهم فيها وين تكون ؟
وبالنسبه للقمه الثلجيه وين تكون افضل قمه ..والاوت لت افضل اوت لت ممكن ازوره وين يكون ؟
وشكرا جزيلا

المخطط الي ذكرته كله مدن وزحمه باستثناء رست الي هيه حول الغابات السوداء .. او يكون مخطط مشرفنا بو عمر الي فوق
وانا عندي مخطط الي هوه :
زيورخ - انترلاكن - رست او فرايبورغ او بادن بادن - ميونيخ
جدول ممتاز ومتنوع بين المدن والطبيعة ..انت ذكرت جدول زيورخ وانترلاكن روعه مانصحك تفوتها .. بخصوص السكن افضل في فرايبورغ اول شي لقربها من يوروب بارك وبصراحه سرت بادن بادن وشفتها كله (شواب وعجايز) يعني الاغلب يسير هناك للمصحات والاستجمام واعتقد السكن فيها غالي اغلى من فرايبورغ ورست .. ومن خلال تصفحي لقيت انه رست منطقه هاديه ومناسبه للسكن فقط .. لكن فرايبور هناك اسواق وساحة كبيره نسيت اسمها لكن فيها حركه وجميله ..
وميونيخ تقارير الاعضاء اكثر من شعر راسي ههه يعني بامكانك تزور منها قارمش او زيلامسي بعد ..
واذا معاك سياره بترتاح وبتستمتع عالاخير
المسافات كالتالي
زيورخ الى انترلاكن ساعتين الى ساعتين ونصف
انترلاكن الى رست 3 ساعات و 20 دقيقه تقريبا
رست الى ميونيخ 3 ساعات تقريبا
هذا الي نقدر نفيدك فيه
تحياتي ودعواتكم لنا ..

يعطيكم العافيه ماقصرتو والله ..
بس انترلكن رحتها السنه اللي فاتت ومو حاب اروح لها هالسنه..
وبالنسبه للقمه الثلجيه مافيه بالمانيا قمه؟ اذا مافيه قمه باضطر اروح زيلامسي ..

فيه قمة ثلجيه بقارمش تبعد ساعة تقريبا من ميونيخ جميلة وبجانبها بحيرة وراح تلاقي تقارير الاخوان عنها فصفحة التقارير الخاصة ..