عد الحنان
05-07-2022 - 08:58 am
اخواني
الله يرحم والديكم
انا الان في كوالالمبور وانا جاي ضيعت داخل المطار
وجلست تقريباً ساعة ادور الجوازات والمخرج
واللغة الانجليزية ما عندك احد
المهم
انا رحلتي العودة يوم الجمعة
ابي اي واحد يوصف لي بالتوصيف الممل
من الباب للطيارة مروراً بالخطوط السعودية والبوردنغ
والجوازات وانتهاءً بالبوابات
شكراً جداً
وارجوا الرد عاجل لان الانترنت مو على الكيف
على العموم الرجعة سهلة ماتتوه ببساطة إذا جاء يوم السفر خذ تاكسي وقل له سعودي إير لاينز
وهو راح يوصلك إلى بوابات صالة المغادرة وإذا دخلت الصالة بتشوف الكاونترات على مد البصر كل شركات العالم
دور لين تلقى كاونتر الخطوط السعودية وصف سرا لين تحمل العفش وتأخذ البوردنق بعدين إمش لين تلقى الجوازات
يختمون لك الجواز ثم بواسطة القطار الكهربائي يأخذكم إلى صالة المغادرة وإمش لين تصل البوابة حسب الرقم اللي في البوردنق واللي في الشاشات
وإذا تهت إسأل مافيها شيء ..
تمنياتي لك بعودة سالمة إلى أرض الوطن