1. السلام عليكم ..

السلام عليكم ..

والله الواحد يخجل من المعامله اللي يلاقيها بهالمنتدى الراقي ويستحي من كثر الأسئله اللي سطرحها ومع ذلك يررد عليه بكل رحابة صدر .. وخاصة تحياتي لأخوي ((القطري)) اللي يخجل الواحد من تعاامله ولا يدري كيف يشكره ولا يهونون باقي الأعضاء ولكن ماوجدت من هذا الانسان عن كل سؤا اطرحه الا يرد بكل رحاابه لدرجة الواحد يستحي يسأل ثاانيه .. .. ومع ذلك نطمع بكرمكم جميعا ..
اعذروني ع الأسئله الزايده لأن رحلتي الأسبوع القادم واول مره نروح للندن فلذلك اعذرونا وحنا نطمع بكرمكم ومعلوماتكم ..
اخواني حبيت اسأل عن الأسواق لأن الاهل موصيني عليها فحبيت اسالكم انا حطيت من ضمن البرنامج
1 هارودز
2 ويست فيلد
3 ان شاالله حتكون زياره لبرج شاارد
4 الاكسفورد
هل فيها غيرها الواحد يطمع يروح له لاني دورت واتوقع هذا الموجود .. ترافلجار الظاهر هل هذا سوق وكيف الوصول له ؟؟
5- بيستر فيلج : هل ممكن احد يعطيني طريقة الوصول له .. ؟ لاهنتو
بصراحه انا والاهل راح نقضيها 5 ايام ونص تقريبا .. من صباح الخميس 21-3 الوصول باذن الله الساعه 6 الصباح هذا حلاتها ماراح يوم علينا والعوده 26-3 الساعه 10 يعني نص يووم ..
حنا ثلاثة اشخاص مودنا مو متاحف .. يعني تقريبا في بالي زيارة المدام تسوو ,, لندن زوو .. البق بن .. لندن اي .. صدق او لاتصدق .. هذي المتاحف وطبعا الهيدبارك والرجنت بارك والباكنغهام ..
ف ياريت فزعتكم واحد يقترح علي كيف انظم الأيام بصراحه دخت من كثر تقرير لتقرير كيف انظم الأماكن اللي قلتها مع التسوق من دون مايضيع يووم فاضي وكيف ارتبها من الأقرب واكون من الشاكرين وباذن الله ما ننساكم من الدعاء ..
س- هل لندن دنجتون تستحق الزياره ؟؟
بيت الرعب مالمقصود فيه ؟؟
هل لما اروح لمنطقة البق بن ولندن اي ح كوون حوالين النهر ويسهل علي ركووب القوارب ..؟
لما ابغى اروح للجرينتش كيف الوصول لها وهل هي خارج لندن او داخلها يا ليت الافاده والتفصيل من اي محطه ..الخ
وشكرا جزيلا والله لا يحرمكم الأجر ..
ادري كثرة عليكم الأسئله وازعجتكم والعذر والسموحه بس الله لا يحرمنا منكم