*أم الحلوين*
18-04-2022 - 03:33 am
السلام عليكم ورحمة الله وبركاته
عندي بعض الاستفسارات رحلتنا ان شاء الله يوم الاربعاء
وسيوت حجوزات الفنادق كلهاا من بوكنق وارسلو لي على الايميل معلومات الحجز
هل بكذا الحجز يكون خلاص اكيد والا وشلون اتاكد اكثر ؟؟
وسؤال الثاني وش اطبع بالضبط ؟؟ الايميل نفسه الي ارسلوه ؟؟ طيب كل المعلومات بالعربي عادي ؟؟
طيب الحين هم مايسحبون من الفيزا صح ؟؟ وندفع وقت الوصول هل الدفع بالفيزا ؟؟ والا اجيب معي المبلغ ؟؟
طيب الضرائب والخدمه 16 % متى تنحسب ؟؟وهل ادفعها في الفندق والا شامله مع السعر السكن ؟؟
طيب باسال عن المساجد هل هي متوفرهفي كل مكان مثل عندنا والا؟
في سيلانجور عند الصن وي برايميد لاننا بنكون فيها الجمعه فيه مسجد تقام فيه الجمعه قريب ؟؟
وفيه مساجد قريب من دورست رجنسي ومتيارا وبلانجي بيتش ؟؟
وفيه كمان سؤال عن الجوال هل افضل احط التجوال الدولي ؟؟ والا اكلم بشرايحهم افضل ؟؟ اقصد اذا باكلم السعوديه
طيب هذا سؤال للي جرب باص الهو هو كيف اتعامل
معه يعني مثلا بعد ما امر على كل المعالم وابي ارجع معلم معين كيف ؟؟ ما انزل من الباص لما يوصل له والا كل باص له منطقه معينه ياليت توضيح اكثر لعمل الباص نفسه ماودي نتوهق هناك عاد اللغه مو ذاك الزود ؟؟
واشكركم مقدما
واذا تذكرت سؤال باكتبه هنا ان شاء الله
بالنسبه للحجوزات طالما انهم ارسلولك ايميل يصير خلاص اطبعي الصفحتين الاولى من كل ايميل اللي فيها معلومات الحجز ورقم الحجز والرقم السري ونوعيه الغرفه وهالتفاصيل كلها مكتوبه
وبالنسبه للدفع يا ستي اتوقع انك مخيره طالما وصلتي لهم بالسلامه ,, اما كاش او تنسحب من الفيزا واكيد بيطلبون منك تأمين وهالتأمين اعطيهم اياه كاش افضل لك لانه لو انسحب من الفيزا مايرجع الا بعد شهرين اتوقع
اول ماتوصلي الفندق وتعملي تشيك ان اطلبي من موظف الاستقبال يرسلك احد يفضي لك الثلاجه لانك ببساطه ماتحتاجي منها شي ويصير كذا ماتدفعي التأمين وانتهينا
والضرائب والخدمه تنحسب مع سعر كل غرفه وينخصم المبلغ على هالاساس اكيد يعني لو الغرفه بدون رسوم اضافيه كانت ب 300 رنقت يحسبونها عليكي على طول ب 348 رنقت
والمساجد انا اللي فهمته من التقارير اللي قرأتها انه مليان بكل مكان ولا تشيلي هم ابدا البته وان شاء الله باقي الاعضاء يفيدونا بأماكنها بالضبط
والشريحه خذيها من المطار افضل شي بأقل من 10 رنقت اظن ولا تشتريها من البياعين اللي برى المطار لانهم يبيعوها عليك بأضعاف سعرها
ان شالله اكون افدتك حبيبه قلبي ,, وسفره سعيده مقدما