مرحبا بك اخي الغالي
يمكنك تصفح تقارير الاعضاء وان شاءالله تجد مرادك
تحياتي لك

اولا معذرة انا انقطعة عن الموقع المفضل اكثر من ست شهور بحكم السفر والان اعود وعساي ابدي معلومه تفيد الجميع وارجو المعذره من الجميع ومن اخوي رجينت المشرف الغالي
اخوي اقدر اجاوبك ببعض الشي اولا بالنسبه للحجز الى بروكاي انصح بالمكتب اللي باللوبي فندق السيتدل فيه مكتب حلو سعره جدا على اليسار وانت داخل انا حجزت منه الى الجزيره بكج كامل اليوم 100$ شامل كل شي والفندق اسمه سيراف خمس نجوم والفطور مجاني وعلى البحر وروعه جدا
2-ياليت انك اذا رجعت تطلع الى منتجعات روعه مثل مي موسى لايفوتك وبينا بوتو رحلة سفاري حلم كل واحد بس لازم الصباح تكون عندهم ماترجع الا المغرب وسعرهم اذا ما نست 1800 بيسو
3 منتجع سان انطونيو يوم او يومين جنة الله في ارضه هذا بعد سوبيك يمكن عشر كلم ماهو بعيد نستأجر شايه والسمك الطازه ياصلك واذا بغيت يجهز لك مشوي اذا كنت تبي الراحه والاستجمام اطمر له واترك مكاتي وزحمتها ودوخة الراس
4 ارجع لسوبيك وحجز لجزيره نست اسمها ( بس اجيبه لك )من المراكب نصف ساعه وانت فيها وهي مشهوره عندهم المراكب ماتطلع الا لها وفيه باخره هناك على شكل مطعم عائم تعش فيه وارجع لسوبيك وخذ شاليه جوها غير
وانا جاهز لاي استفسار في هذا الموضوع

رجنت
حياك مشرفنا الغالي ..
تقارير و استفسارات الاعضاء اخذت لفه طويله عليها ...
و الاسئله اعلاه اما ماوجدت اجابه ع بعضها او اني اريد خيارات اكثر ...
تحياتي ...

basel8182
/
/
جزاك الله خير اخي الكريم ع مساعدتك والله يكثر من امثالك ...
بأنتظارك يالغالي ...

ارجو اخي basel8182
ان تكون كتابتي اللى بين سطور اجابتك واضحه ..
لان اواجهه مشكله في التنسيق في الموقع ...

اولا بالنسبه الى منتجع بينا توبو هذا تطلع له من انجلس على مابالاقات وبعدها تمر مدينةكاباسوبعدهابامين وبعد 15 ك يجي المنتجع اوكي برامجهم من الصباح بدري من سياره الى خيل الى قارب ويطول الشرح
منتجع مي موسى جنة الله في ارضه قريب من القاعده الامريكيه في انقلس كل مايخطر على بالك موجودمن انهار وبحر صناعي وصيد السمك وملاعب
سان انطونيو قريب من سوبيك بعدها ب6كم تقريبا بس لاتروح للفنادق الغاليه اذا جا فندق اورشيد على يسارك تعده بشوي تلقا اهدا وارخص

تسلم اخوي ( basel8182 ) على التفصيل الممتاز الله يعطيك الفين عافية
تكفى اخي خدمة . انا مسافر قريب جدا 15/2/2010 وانا اول مره اسافر الفلبين .الرجاء وضع جدول لي من حيث السكن في مانيلا والجولات السياحية . وين اروح في المجمعات وكم يوم في مانيلا وفي الجزر .... وكيف احجز ومن وين وكم يوم هنا وهنا ك وهل الامور طيبة لوحدي او لابد من مرافق لي .؟ انا في انتضار الرد منك يالغالي . العودة هي بتاريخ 1/3/2010 على الخطوط السعودية . وكم اوضع لي من ميزانية كاش رغم انني في العادة احاسب الفنادق وشركات السياحة ببطاقة الفيزا ( يعن بالعربي كم احمل معاي ميزانية )
وتحياتي لك

1. هلا اخوي يالت ان من سافر يكتشف مناطق جديده افضل من المكرر

هلا اخوي يالت ان من سافر يكتشف مناطق جديده افضل من المكرر

الاخوان فيهم البركه وكل له مزاجه ورايه بالتمشي -اذا انت تحب الدوجه مثلي ابشر من ينزل بلصور المنتجعات التاليه سبق ان ذكرتها لاتفوتك والنصيحه لا تجلس في مانيلا ولا ساعه ان طعت شوري
اطلع الى بكسنهان الشلالات يوم ومنها الى تفي تاي يوم وازرق مدينة دسما وتفرج على صارعة الديكه ماهي بعيده بالباص وارجع الى تقي تاي مر لاقونا نصف يوم وخلك ذيب لازم من تقوم بدري واطلع الى الشمال يوم قي منتجع مي موسى عند القاعده ويومين في سان انطونيو منتجع بحري ويومين في بينا توبو برنامجهم طويل وممتع مغامرات ماتنساها وسلم لي على العجوز اللي بالحجز اذا جيتهم وقل الفارس الخيال يسلم عليك تبي تضحك ارجع وتمش في مابالاقات على الطريق تشوف المراعي والارياف والتيوس اللي على كيفك غرض المندي ريح في انقلس يوم واطلع منها الى سوبيك قريبه وانقلس بالوسط بين كل المدن المذكوره من سوبيك اطلع بالمركب جوله عصريه او الى سفن عائمه فها مطاعم تبعد نصف ساعه من الشاطي حلوه وعشاء فيها ياسلام بحري وجلسات ما تنساها وارجع بالليل ونم في سوبيك شاليه- كل المناطق القريبه من بعضها الا الشلالات وتقي تاي قريبه من مانيلا كثر المشاوير يكلف مصروف لكن القريبه تاخذ سياره جيب من الت
اجير ب1800 بيسو موديل 98 او بالسواق يوميه 2300-2500 والبنزين عليه لاتلتزم له بالبنزبن اياك نصيحه
ارجع الى مانيلا وريح اذا تبي بطنقس وبرتوقاليريا حلوه جربها --
كل ماذكرته لك تراي مجربه حتى باقيو ام البرد جيها وحشرني البرد ونحشت وابشر بالصور قريب انزلها

مشكور اخوي باسل ع المعلومات المفيده ..
وبأنتظار الصور ...